LUKAS 4:18 - Susula Malalaok Hehelu Palak Ma Hehelu Beuk

¹⁸ “Lamatua ka Dula Dale na nai Au dalek, nana Ana so'u basa Au, soaneu tui-benga Hala Malole neu hataholi nuu ta-hata ta ka. Nadenu Au soaneu po'a-benga soi-po'i ka neu hataholi nanahuku kala ma nakahahai ka ba'eneu hataholi poke kala; soaneu soi-po'i hataholi nanatuni-ndeni kala

LUKAS 4:18 Iomraidhean Croise

KEJADIAN 3:15

O ma inak ndia, neukose esa musu no esa, ma tititi-nonosin ma o tititi-nonosim, neukose esa musu no esa. Neukose tititi-nonosin, tutu lakabebelak o langam-ma, ma neukose, o kaan neu sila eitingan-nala.”

2TAWARIKH 34:27

o tukatei-saledale, ma o makaloe-makadae aoinam-ma nai Au matang. Au fe basa nasanene'dak mahelek soaneu huku Yerusalem no laun-nala, tehu nai lelek o mamanene la'eneu Au hala nasanene'da maheleng ndia boema, o kii ma o sii sii-lulu'i o bua-lo'a papakem-ma da'di leo ta'du-tana dale he'dik. Au amanene o huhule-haladoim so,

MAZMUR 102:20

Manetualain mete neme mamana mademan-na mai, Ana dongek leo daebafak-ka, neme nusa so'dak-ka mai,

MAZMUR 147:3

Ana tao nalea-nahai hataholi fo, dalen-na he'dis-sa, ma Ana popoti-papalu bisun-nala.

MAZMUR 2:2

Mane daebafak-kala, fo'a landaa ma basa manakoasa-la, lakabubua fo lalahalak la'ban Manetualain no Ana hele manek-ka.

MAZMUR 2:6

nae, “Nai Sion, fo Au pupuku malalao-malalafung-nga, Au ndo ei basa manek fo Au helek-ka.”

MAZMUR 34:18

Metema hataholi manatao ndoos-sa, naloo bou-bou soona, Manetualain namanenen, ma Ana soi-tefa-nas, neme toto'a-tataak lala'ena mai.

MAZMUR 45:7

Manetualain fe o koasa soaneu paleta, o koasam-ma nakatatakak losa dodoon-na; no ndoos ma matetuk, o paleta o laum-ma.

MAZMUR 51:17

Ou Manetualain, tulu-fali au kokolak, soona neukose au koa-kio O.

YESAYA 32:3

Hataholi fo, ana hapu nita, neukose ta nasunguk matan-na fa, ma hataholi fo ana hapu namanene, neukose ana taoafik.

YESAYA 35:5

Nai lelek ndia, hataholi pokek-ka, neukose nita, ma hataholi pakek-ka, neukose namanene.

YESAYA 42:7

Soaneu fe hataholi pokek-ka nita, ma soi-po'i hataholi manai bui makahatuk-ka dalek.

YESAYA 45:13

Au nde adenu Kores, soaneu nakalala'ok Au dale tutu'ung-nga ma napadedeik natetu ndoos ma matetuk-ka. Neukose Au tao-a basa enok fo, ana tungan-nana, latetu Neukose ana nafofo'a falik Yerusalem, fo Au kotang-nga ma ana soi-po'i Au anang fo, nanafook-kala ta no doi sosolo dalek, ma ta no sese'ba-babaek fa.” Manetualain Fo Manakoasa, nde manakokolak-ka.

YESAYA 49:9

Au adenu hataholi nanahukuk-kala kalua; fo manai mamana makahatuk-ka, Au os leo mangale'dok-ka mai. Nakalena, manai pupuku na'u tak-ka, ala to'a-taa fa, nana'ak-ka, nanasadiak su'di enok-ka nanalun-na.

YESAYA 50:4

Manetualain Fo Mademaina, nanoli au kokolak, fo ela au hala-kokolang natetea-nahehele hataholi manasota-manguk-ka. Tunga-tunga fafain-na, Ana fafae nafo'a au dale hihiing-nga soaneu au amanene, nanolin ba'eneu au-a.

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

YESAYA 59:21

Au tao hehelu-balataak o emi ae: Au fe emi, Au koasang-nga, ma Au nanoling-nga, losa dodoon-na. Manolin neu emi anam-mala, fo ela sila boeo, hapu lanolin neu sila tititi-nonosin, mulai besak ia, losa dodoon-na.”

YESAYA 61:1

Manetualain Fo Mademaina, koasan-na nai au dalek; Ana hele au, de nadenu au soaneu au uni hala malole-a, neu hataholi nuu taa-hata taak-ka, ma tao alea-ahai hataholi fo, dalen-na nakalulutuk; soaneu po'a-benga neu hataholi nanahukuk-kala ae sila nanasoi-po'ik no lai-laik, ma neu hataholi manai bui dale-la ae neukose sila nanasoi-po'ik.

YESAYA 66:2

Lalai-a ma daebafak-ka nde been-na, Au lima tataang, boema basa sila-la nananakadada'dik. Tehu Au dale namahokong-nga nde, hataholi dale taidaek-ka, fo manatukatei-saledale neme sala-singon-nala mai, fo manabii-namata'u, ma tunga neu Au.

YESKIAL 9:4

“Muu leo kota bu'un lalaena muu, fo tao ta'du neu hataholi manadale he'dik-kala, ma manasusak-kala dedein-nala, hu kande basa tatao-nono'ik nanamauluak-kala nanatao-no'ik nai kota ia dalek.”

DANIAL 9:24

Teuk hituhulu la'i hitu ndia nde faik fo Manetualain naketun soaneu Ana soi-po'i o leoinam-ma, ma o kotam fo malalao-malalafuk ndia neme sala-singok ma tatao-nono'i mangalauk-ka mai. Basa sala-singok lala'en-na, neukose hapu do'o do ampon ma napadedeik natetu ndoos ma matetuk fo manaketu basa taak-ka, nalosa ninitak ma hala nafa'da elak ndia, neukose ala da'di, ma Manetualain Uman fo malalao-malalafuk ndia, neukose pake falik-kana soaneu Manetualain.

ZEFANYA 3:12

Neukose Au po'ilotak leoina esa nai naa, dalen-na taidaek, boema namahena Au tutulu-fafaling, de ana bole leo nahele neme ndia.

ZAKHARIA 11:11

Nai faik ndia boe, hehelu-balataak ndia, ta paken so'on. Basa manadangan bi'ilopo sila-la, taoafik neu au, de lame'da lae, Manetualain bei kola-kola tunga au tatao-nono'ing lala'en-na.

MALEAKHI 4:2

Tehu ba'eneu emi fo manatunga Au-a, Au koasang fo manasoi-tefak-ka, neukose ana tii mai, sama leo le'do-a, de haan-na neni nakahahaik. Neukose emi matapo'i ma mamahoko, sama leo sapiana fo besak-ka ana kalua neme lalae dale mai.

MATEOS 11:5

Hataholi poke kala lita, hataholi lu'u kala la'ok, hataholi he'di lou mangalau kala lea-hai; hataholi pake kala lamanene, hataholi mate sala laso'da falik, ma Manetualain Hala Malole na, nanatui-bengak neu hataholi nuu taa-hata ta kala.

MATEOS 12:18

Nae, “Ia nde bee na, Au Atang fo nanahele ka, Hataholi fo Au sue-lai ka, ma nandaa no Au dale nga. Neukose Au fen, Au Dula Dale nga, Neukose ana tui-benga Au nakeketu ndo nga neu basa leoina la.

MATEOS 12:20

Hanoe mana male ka, neukose Ana ta tao la'di fan, Banu mana pila ma'u-ma'u ka, neukose Ana ta taonisa fan. Neukose Ana sanga enok besa-besa, fo Ana hapu ndo na.

MATEOS 4:16

Hataholi fo naso'da nai makahatuk dale a, Lita mangale'do mandela-masa'a ka so! Ba'eneu hataholi fo ana leo nai nusa makahatuk ma mamate sa dale ka, mangale'do ka sa'a na tii-to'da mai so!”

MATEOS 5:3

“Maua-manalek neu hataholi fo name'da nana balakain ta, de namahena neu ka'da Lamatua ka mesa kana; nanahu sila nde da'di Manetualain hataholi kamahehele nala!

LUKAS 4:17

boema ala fen nabi Yesaya susula na. Ana buka susula nanalunuk ndia boema, Ana hapu lalanek esa ia nae,

LUKAS 6:20

Yesus nanganalo ana manatunga nala boema nae, “Maua-manalek neu emi, fo nuu ta-hata ta kala, nanahu emi nde bee na, Manetualain hataholi kamahehele nala lima-ein!

LUKAS 7:22

Da'di Yesus nataa nae, “Fali leo Yohanis meu, fo mafa'dan basa hata fo emi mamanenen ma mitan: hataholi poke ka nita, hataholi lu'u ka la'ok, hataholi he'di lou mangalau ka lea-hai, hataholi pake ka namanene, hataholi manamate ka naso'da falik, ma Hala Malole maneme Manetualain mai a, nanatui-bengak neu hataholi nuu ta-hata ta kala.

YOHANIS 1:41

Tutika Anderias lai-lai neu sanga Simon, fo tolanoo na, de nafa'dan nae, “Ami matongo mo Mesias so!” (Mesias sama leo Kristus, fo nde: Mane Mana Fe So'da ka.)

YOHANIS 12:46

Au mai leo daebafak ia mai fo da'di mangale'dok, fo ela basa hataholi fo lamahele Au a, ala boso leo nai makahatu ka dalek.

YOHANIS 3:34

Hu ka nde hataholi fo Manetualain nadenun fo ana tui-benga Manetualain dede'a-kokola na, Manetualain fe la'iesak Dula Dale na neu hataholi ndia so.

HATAHOLI 10:38

Emi bubuluk mae, Manetualain hele basa Yesus fo Hataholi Nazaret ndia, boema Ana fen Dula Dale na, ma koasa na. Emi bubuluk basa boe, Yesus ndia, neu leo mamanak lala'ena, fo Ana tao malole; Ana tao nahai basa hataholi fo Nitu koasa nalas, nana Manetualain no kana.

HATAHOLI 26:18

fo tao ma mata nala lalaak, fo daenga ala kalua leme makahatuk dale leo mangale'do ka dalek, ma latapo'i leme Nitu dudungu-papaun mai, fo ela Manetualain koasa nalas. Fo no namahehelek neu Au ndia, Au fe do'o do ampon neu sala-singo nala, fo ala da'di Manetualain hataholi kamahehele nanahelek.’ ”

HATAHOLI 4:26

Mane-mane daebafa kala lahehele aon, fo leu latee-latati, ma basa mauli-malanga nala teikesa-dalekesa fo ala la'ban Lamatua ka, ma Mane Mana Fe So'da ka.’

HATAHOLI 4:27

Nana memak Herodes no Pontius Pilatus tao nakabubuak lo hataholi fo ta lalelak Lamatua ka ma hataholi Israe la, leme kota ia dalek. Latongo fo ala la'ban O atam Yesus fo malalao-malalafuk ndia, fo O so'u basan da'di Mane Mana Fe So'da ka.

KOLOSE 1:13

Ana soi nala ita teme koasa makahatu ka mai, boema no ita leo Manetualain Ana susue na, nusan dale neu.

YAKOBIS 2:5

Mafandendelek tolano-tolanoo susue-lalai ngala lemein! Manetualain hele basa hataholi nuu taa-hata tak manai daebafak ia la, ala da'di hataholi kamasu'ik nai namahehele ka dalek. Neukose hataholi sila la, nde da'di Manetualain hataholi kamahehelen, sama leo Manetualain helu basan neu hataholi mana sue-lai nana.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.