LUKAS 3:8 - Susula Malalaok Hehelu Palak Ma Hehelu Beuk

⁸ Matu'du minik emi tatao-nono'im mae emi tukatei-saledale basa neme emi sala-singom mai so. Boso mafa'da mae Abraham nde bee na, emi bei-ba'ikaim. Mafandendelek: te neme batu ia la mai boeo, Manetualain nabi'i tao tititi-nonosik soaneu Abraham!

LUKAS 3:8 Iomraidhean Croise

NEHEMIA 5:11

Ela leo been-na, emi boeo tao mamopo heni laun-na huta-bu'un-nala neu emi ndia, nau nalupa tali-doik do gandum, nau angol do mina setun boe. No lai-laik, fe falik sila tinan, osi angol, mina setun ma uman-nala.”

YESKIAL 33:24

“Hai hataholi daebafak fo, manasapu-manalalok-konei, hataholi manaleo nai dae Israel-la, kota-kota manandefan-nala, lafa'da lae, ‘Abraham mesak-kana, tehu ana hapu la'iesak dae ia. Ita ia, hataholi makadotok, da'di ita nde tanuu dae ia.’ ”

MATEOS 21:43

Yesus nafa'da selu kasa nae, “Hu ndia de mafandendelek, emi manuu hak da'di lima eik neme Manetualain hataholi kamahehele nala mai, tehu emi hak ndia Manetualain hela fali kana, fo Ana fen leo leoina fo mana tao tunga Manetualain paleta na.

MATEOS 3:8

Matu'dun nai emi tatao-nono'i ma dalek mae, emi tukatei-saledale meme emi sala-singo mala mai so.

MATEOS 3:9

Boso maedaenga emi ba'im nde Abraham de, emi ta hapu Manetualain huhuku na fa! Mafandendelek te, Manetualain hapu tao Abraham tititi-nonosin neme batu ia la mai boe!

LUKAS 13:25

Nai lelek uma lamatuak fo'a napadeik de ana kena lelesu na, ndia te emi mapadeik nai deak de emi dedelu lelesu a, boema emi mafa'dan mae, ‘Tuan, soi fe ami lelesu leona!’ Soona neukose Tuan ndia nataa nae, ‘Au ta bubuluk emi meme bee mai fa!’

LUKAS 13:26

Neukose emi mataa mae, ‘Ami me'a-minu sama-sama mo Tuan so, ma Tuan boeo nanoli nai ami kota ma eno nala so!’

LUKAS 14:9

boema uma lamatuak fo manaka'i basa emi dua ndia, ana mai fo nafa'da emi no nakasetik nae, ‘Boso mamanasa, te mamanak ndia nanasadia basak soaneu fui ndia so.’ Soona no mamaek nanseli, ma no nakasetik o muse lali leo mamana mate'ek manai dea.

LUKAS 19:40

Yesus nataa nae, “Mamahele leona! Te metema hataholi sila la bedenge soona, batu ia la neukose ala eki.”

LUKAS 19:9

Boema Yesus nafa'da hataholi makadotok sila la nae, “Nai faik ia, hataholi ia no basa uma isi nala nanasoi-tefa basak ma nanafe so'da beuk neme Manetualain mai, nanahu ndia boeo namahele sama leo Abraham fo emi bei ba'ikai mala.

LUKAS 5:21

Boema mese agama la ma hataholi Farisi la mulai esa nafa'da esa nae, “See hataholi ia de napalani nakamumulu-nakamamaek Manetualain? See ka nde bisa fe do'o do ampon neu sala-singo ka, ka'da Manetualain mesa kana?”

YOHANIS 8:33

Tehu lafa'da Yesus lae, “Ami ia, Abraham tititi-nonosin. Beita la'iesa fo ami da'di ata neu hataholi esa boen! Te O dudu'a tao leo beek, de O mafa'da mae, ‘Neukose emi nanase'i po'ik’?”

YOHANIS 8:39

Boema lataa Yesus lae, “Ami amam nde Abraham.” Tehu Yesus nafa'das nae, “Leo uni ka, tete'e ka emi amam nde Abraham soona, tao leo bee o, emi tao-no'i hata fo Abraham tao-no'i ka.

HATAHOLI 26:20

Au kokolak no mangale'dok o hataholi la ae, sila muse tukatei-saledale leme sala-singo nala mai, fo ala fe so'da na leo Manetualain neu, ma latu'dun nai maso'da nala dalek lae, sila tukatei-saledale leme sala-singo nala mai so. Au afa'da dede'ak ndia makasososa na neme Damsyik, de basa boema neme Yerusalem, ma neme basa Yudea lala'ena, ma neme basa hataholi ta Yahudi la tala'da.

ROMA 4:16

Da'di, Manetualain hala hehelun ndia, tunga ka'da namahehelek neu Manetualai na. Dede'ak ndia ana da'di bua pepe'dak esa soaneu basa Abraham tititi-nonosi nala nae, Manetualain fe hiik hala-hehelun ndia neu sila; ta ka'da neu sila fo manatunga agama Yahudi hoholo-lalanen mesa kana fa, tehu neu sila fo lamahele neu Manetualain sama leo Abraham namahele Manetualain boe. Nana Abraham nde bee na, ita basa-basa tala ama salanin ndia.

ROMA 9:7

Ta basa Abraham tititi-nonosi nala nde bee na, Manetualain ana nala fa. Nana Manetualain nafa'da Abraham nae, “Ka'da Isak tititi-nonosi nala nde neukose lokes lae o tititi-nonosim.”

FILIPI 1:11

Neukose emi so'da ma henuk no tatao-nono'ik fo te'e-te'e malole, fo hapun neme ka'da Yesus Kristus mesa kana mai; soona neukose Manetualain nandela-nasaa ma nana koa-kiok.