LUKAS 3:32 - Susula Malalaok Hehelu Palak Ma Hehelu Beuk

³² Isai anan, Obed anan, Boas anan, Salmon anan, Nahason anan,

LUKAS 3:32 Iomraidhean Croise

1RAJA-RAJA 12:16

Lelek laun-na bubuluk lae manek-ka ta nau namanene fas boema ala eki ma lafa'da lae, “Tafaduli beek neu Dauk ma tititi-nonosin-nala! Sila beita tao lita hata esa boen soaneu ita fa. Laun Israel-la lemin, mai fo ita fali te'u tala! Neme na fo ana ito-ato ndia aoinan-na mesak-kana!” Boema laun Israel-la fali Leona,

MAZMUR 72:20

Dauk fo Isai anan-na, huhule-haladoin ba'u ka'da ndia.

BILANGAN 2:3

Manai boboak dulu nde solda'du manasulu nai Yehuda solda'dun-nala dedeon-na dae, ma muse ala ofu tunga sila esa-esak solda'dun no mauli-malangan sama leo nanasulak nde ia: Leo Mauli-malangan Hataholi dede'un-na Yehuda Nahason, fo Aminadab anan-na 74.600 Isakhar Netaneel, fo Zuar anan-na 54.400 Zebulon Eliab, fo Helon anan-na 57.400 Basa-basan lala'en-na, hataholi: 186.400 Solda'du Yehuda-la muse la'ok nai uluk nanseli.

BILANGAN 7:12

Esa-esak neni tunu-hotun tunga baba'ek-ka nde ia: Faik Leo Mauli-malangan Fai ka esa Yehuda Nahason, fo Aminadab anan-na. Fai ka dua Isakhar Netaneel, fo Zuar anan-na. Fai ka telu Zebulon Eliab, fo Helon anan-na Fai ka 4 Ruben Elizur, fo Syedeur anan-na Fai ka 5 Simeon Selumiel, fo Zurisyadai anan-na Fai ka 6 Gad Elyasaf, fo Rehuel anan-na Fai ka 7 Efraim Elisama, fo Amihud anan-na Fai ka 8 Manasye Gamaliel, fo Pedazur anan-na Fai ka 9 Benyamin Abidan, fo Gideoni anan-na Fai ka 10 Dan Ahiezer fo Amisyadai anan-na Fai ka 11 Asyer Pagiel, fo Okhran anan-na Fai ka 12 Naftali Ahira, fo Enan anan-na Sila esa-esak tunu-hotun nde been-na matak esa, fo nde pinga lilofulak maloa esa, belan-na kilo esa seselik, ma bokol lilofulak esa, belan-na gram natun falu, tunga tatais fo nanapakek nai Manetualain Lalaa Teman-na. Mamanak ka duak sila-la, nanapo'a nahenuk nenik ha'desopu nanasese'dok mina, soaneu tunu-hotu nana'ak-ka. Fe'ek neme ndia mai, boeo hapu pinga lilopilas maloa esa, belan-na gram natun esa sanahulu dua, fo boomenik nai dalek; sapi maneanak esa, bi'ilopo mane esa, ma bi'ilopoana esa, besak-ka teuk esa, soaneu tutunu-hohotu nanatunuk, boeo bi'ihii mane esa soaneu tutunu-hohotuk fo sala-singok hapu do'o do ampon; sapi dua, bi'ilopo mane lima, bi'ihii mane lima, ma bi'ilopoana lima, besak-ka teuk beke esak, soaneu tutunu-hohotu mole-dame.

MATEOS 1:1

Yesus Kristus momoli-dada'din leo iak: Yesus nde bee na Dauk tititi-nonosin, fo Dauk ia Abraham tititi-nonosin. Ala sulak la Yesus bei-ba'ikai nala, mulai neme Abraham losa Dauk na'de nala nde ia:

LUKAS 3:31

Melea anan, Mina anan, Matata anan, Natan anan, Dauk anan,

LUKAS 3:33

Aminadab anan, Admin anan, Arni anan, Hezron anan, Peres anan, Yehuda anan,

SEMUEL SUSULAK-KA ESAN-NA 17:58

Boema, Saul natanen nae, “Hai, touana muli-soluk-konei! See anan o?” Dauk nataa nae, “Atam ia, Isai neme Betlehem mai, anan au.”

SEMUEL SUSULAK-KA ESAN-NA 20:31

Ade o ta mame'da, mae nai lelek Dauk bei naso'da, o ta bisa da'di nusak ia manen-na fa? Besak ia, madenu hataholi neu sangan, fo non leo ia mai, nana muse maten!”