LUKAS 3:14 - Susula Malalaok Hehelu Palak Ma Hehelu Beuk

¹⁴ Hapu solda'du la boeo latane lae, “Leo beek no ami? Ami muse tao beek?” Yohanis nataa nae, “Boso makaseti hataholi fe doik, ma boso kalaak pepekok fo loso ma hataholi doin. Ela leo bee na ngga'di fo emi sipo ka, dai emi nde ndia so!”

LUKAS 3:14 Iomraidhean Croise

KELUARAN 20:16

Boso sakasii pepekok la'eneu hataholi fe'ek.

KELUARAN 23:1

“Boso makalala'ok halak masapepeko-masandandalik, ma boso tulu-fali hataholi mangalauk fo manasakasii pepekok.

IMAMAT 19:11

Boso mamanako, boso tipu-dai, ma boso masapepeko-masandandali.

MATEOS 8:5

Lelek Yesus losa Kapernaum boema, malanga solda'du matua ina Roma esa ana mai natongo non de, noke Yesus tulu-falin.

LUKAS 19:8

Nai uman, Zakeos fo'a napadeik de nafa'da Yesus nae, “Lamatuak, au hata-heto ngala seli, neukose au fe hii kasa leo hataholi nuu ta-hata ta kala, ma see boe fo au ke'dindiu hain soona, neukose au bae fali kana la'i ha!”

LUKAS 3:10

“Da'di hata fo muse ami taon?” hataholi latane Yohanis lae leondia.

LUKAS 3:13

Yohanis nataa nae, “Boso susu lena ba'u ka neme hata fo nananaketu basak so.”

HATAHOLI 10:7

Ata nusa so'dak fo mana kokolak no Kornalius ndia ana la'o boema, nalo na malalau-maoonon dua, ma solda'du mana manea kamahehelen esa,

FILIPI 2:15

No enok ndia, emi matu'du mae, emi nde bee na Manetualai nanan, fo sala-singo ta kala, ma emi maso'da tunga ndo na ma emi ndoos nai hataholi mangalauk fo masala-masingo kala tala'da. Ma nai lelek fo emi manduku-malosak halak mana fe so'da ka neu hataholi sila la, ela leo bee na emi mangale'do nai sila tala'da, fo nangale'do na daebafa ka. Metema emi maso'da leondiak soona, neukose au hapu ne'ek soaneu au amatutua-amadedema emi nai lelek fo Yesus Kristus fafali ma'i na. Fo ndia da'di buti nae, au sota-mate te ta louk fa, ma au hapu au tutunga-sasangang buna-boan.

FILIPI 4:11

Au afa'dak ia, ta hu ka nde au to'a-taa fa te, hu ka nde au dodoo basan, hata fo au hapun ndia, au ame'da nana, dai so.

TITUS 2:3

Leondiak boe, ela leo bee na o manoli-mafa'da ina lasi kala, fo ela ha'da-tatao nala nandaa no Manetualain hataholi nala, so'da na. Sila ta bole kokolak langgenggeo hataholi fe'ek na'den, ma ta bole da'di mana mafuk te sila muse lanoli tao-no'i dede'a malole,

NINITAK 12:10

Boema au amanene hala ka nahala napane'e nai nusa so'da ka nae, “Besak ia fai na losa, Manetualain soi-tefa hataholi kamahehele nala! Besak ia Manetualain natu'du koasa na da'dileo Manek! Besak ia Mane Mana Fe so'dak fo nanaheluk ndia boeo natu'du koasa na! Nana manakalaak ita tolanoo nala lele'do le'odaen nai Manetualain mata na, nanakalua-henik neme nusa so'da ka mai so.