LUKAS 23:5 - Susula Malalaok Hehelu Palak Ma Hehelu Beuk

⁵ Tehu lakaseti lahele seluk lae, “Ana dudungu-papau basa hataholi manai Yudea la lala'ena ninik nanoli na. Makasososa na ana dudungu-papau hataholi la Galilea la, de besak ia ana losa nai ia so boe.”

LUKAS 23:5 Iomraidhean Croise

MAZMUR 22:16

Au botolii koko'dong-nga namatuu sama leo fale fangik-ka, au maang-nga nakadita-na, au tanalaing-nga. Manetualain, O la'oela au nai daesopuk lain, sama leo hataholi manamate basak-ka so.

MAZMUR 57:4

Nataa au neme nusa so'dak-ka mai, de Ana soi-tefa-na au; Ana sengi hataholi manatuni-ndeni au-a. Neukose Manetualain natu'du nae Ana lilineka neu au, ma Ana sue-lai au tataas esa.

MAZMUR 69:4

Au aloo bou-bou, losa au sota-mangu ma au botolii koko'dong-nga, namatuu. Au matang-nga nakete nana au ahani, au Manetualaing-nga, tutulu-fafalin.

MATEOS 11:1

Yesus fe basa natutu'duk neu ana mana tunga kasanahulu dua nala boema, Ana la'oela mamanak ndia. Neu nanoli ma tui-benga Manetualain hala hehelu na, nai kota mana dekak sila la.

MATEOS 2:1

Bongi Yesus nai kota Betlehem, nai nusa Yudea nai lelek Mane Herode sa paleta. Nai lelek ndia, hapu hataholi malela nduuk telu leme dulu mai fo ala leo Yerusalem leu.

MATEOS 27:24

Mate'e na Pilatus name'da nana, ana ta hapu enok so'on, ma fafa'ka ma hataholi makadotok sila la ala tao tasibu. Da'di noke oe de nafui neu hataholi makadotok sila la matan ma nae, “Au ta lu'a-lepa Hataholi ia mamate na fa! Emi ito-atom ndia!”

MATEOS 4:23

Yesus la'ok okofefeo basa nusak lala'ena de nanoli neme uma mamaso kala dalek. Ana tui-benga Hala Malole nae, ta doo ka so'on te neukose Manetualain paleta so. Boema nakahahaik hataholi kamahe'di sala, hataholi poke pake kala, ma lu'u ei-la'di lima kala.

MARKUS 1:14

Ala huku basa Yohanis boema, Yesus neu leo Galilea neu de Ana tui-benga Manetualain Hala Malole na nai naa.

LUKAS 11:53

Lelek Yesus sanga la'oela mamanak ndia, boema mese agama la ma hataholi Farisi la mulai lape'da dale mangalauk soaneu Yesus. Ala mulai tu'u fen hanik, fo ela Ana nau kokolak la'eneu dede'a ba'u.

LUKAS 23:23

Tehu ala eki lini momopo-mamate nala lae, muse lona-nggange Yesus. De mate'e na, sila eeki na nini buna-boak.

LUKAS 23:6

Lelek Pilatus namanene halak ndia boema natane nae, “Ade hataholi ia, hataholi Galilea do?”

YOHANIS 1:43

Fo'a mai boema, Yesus naketu basa, Ana sanga neu leo Galilea neu. Neu boema, natongo no Felipus, tutika nafa'dan nae, “Mai fo tunga au!”

YOHANIS 19:15

Tehu ala eki lakandoo lae, “Tao misan! Tao misan! Lona-nggangen!” Boema Pilatus natanes nae, “Ade au muse lona-nggange emi mane ma do?” Tehu malanga ima mala lataa lae, “Ami manem ka'da esa mesa kana, fo nde Kese la!”

YOHANIS 2:11

Yesus tao manda'di beuk makasososa ka nde ndia. Fo Ana taon neme nggolo Kana nai Galilea. Yesus natu'du matua-mademan, tunga manda'di beuk ndia. No enok ndia, de ana manatungan nala lamahelen.

YOHANIS 7:41

Ma nggelok lae, “Mane Mana Fe So'da ka nde ia!” Tehu hapu nggelok bai soona lae, “Ah, hapu nai bee, Mane Mana Fe So'da ka, Ana mai neme Galilea mai?

YOHANIS 7:52

Boema latanen lae, “Ade o boeo, meme Galilea mai boe do? Palisak Susula Malalao ka dei! Te neukose o bubulu kana nafa'da nae, nabi ta da'di neme Galilea mai fa!” [

HATAHOLI 10:37

Emi bubuluk hata fo ana da'di nai Yudea lala'ena, fo ana mulai neme Galilea, nai lelek fo Yohanis nafa'da salani hataholi la.

HATAHOLI 23:10

Nale'a ka boetai namatua ka, nalosa malanga solda'du ana bii boso nalosak ala fefepa-popoko Paulus. Da'di nadenu solda'du ana nala leu lala Paulus, fo lon leo solda'du la kota musun dale neu.

HATAHOLI 5:33

Lelek Mana Maketu-Mala'di Agama Matua Ina hataholi nala lamanene dede'ak ndia boema lamanasa lanseli, de lalahalak fo ala taolisa hataholi nadedenuk sila la.

HATAHOLI 7:54

Mana maketu-mala'di matua la lamanene basa hata fo Stefanus nafa'da ka boema, dale nala he'di sa ma lamanasa mangalalau.

HATAHOLI 7:57

Mana maketu-mala'di matua sila la ko'oketu di'idoo nala ma ala eki, boema basa-basas leu sapu la Stefanus.