LUKAS 23:35 - Susula Malalaok Hehelu Palak Ma Hehelu Beuk

³⁵ Hataholi la lapadeik lai ndia fo lanilu. Ndia te lasi-lasi Yahudi la hakinonoli Yesus lae, “Ana soi-tefa na hataholi fe'e kala so. Naa, neme na fo besak ia Ana soi-tefa na aoina, metema Mane Mana Fe So'dak fo Manetualain hele ka, te'e-te'e nde Ndia!”

LUKAS 23:35 Iomraidhean Croise

MAZMUR 22:17

Hataholi mangalauk bubuak esa, lakahapi-la au; sama leo busa bubuak esa, lakamomotu-la au, ala papau au limang-nga ma au eing-nga.

MAZMUR 35:15

Tehu nai lelek au susa, sila lamahoko, ma lakamomotu-la au, fo ala la'ban au. Ala la'ok sama leo hataholi ei helak-ka, fo lakamumulu-lakamamaek au.

MAZMUR 4:2

Ou Manetualain, O nde bee-na, au mana masala'eng-nga; metema, au aloo bou-bou soona, mataa leona. Lelek au susa, O tulu-fali au; besak ia, sue-lai au, ma mamanene au huhule-haladoing.

MAZMUR 69:26

Nemen-na fo, sila lalaa teman-na, da'di nee-nee lino-linok ma hataholi ta leo nai sila lalaa teman dale fa.

MAZMUR 71:11

Lafa'da lae, “Manetualain la'oelan so; de mai fo, ata usin, fo ata ho'u-tan, nana ta hapu manasoi-tefa, fo soi-tefa fan.”

YESAYA 42:1

Manetualain nafa'da nae, “Au atang fo, Au tia-to'ban-na, nde ia, Au hataholi heheleng fo nandaa no Au daleng-nga. Au fe basa Au koasang-nga neun so, soaneu neni ndoos ma matetuk-ka, ba'eneu leoinak-kala esa-esak.

YESAYA 49:7

Israel Manetualain malalao-malalafun, Manasoi-manatefan, nafa'da neu hataholi fo, nananakadadaek nanseli, ma leoinak-kala, ta lahiik-kana fa, boema ana da'di ata, neu manakoasa-la, nae, “Neukose mane-manek-kala, lita Au tatao-nono'ing; neukose, ala fo'a, fo ala fe ha'da-holomata neu Au. Neukose basa manakoasa-la lita boe, boema, ala sene-do'ok.” Dede'ak ndia ana da'di, nanahu Manetualain hele basa atan-na so; Israel Manetualain malalao-malalafun-na, lilineka neu hehelu balataan.

YESAYA 53:3

Ita takadadaek-kana, ma ta deka to fan, hataholi fo henuk no doidosok-ka, ma biasa ana lu'a-lepa he'di-laus. Hataholi esa boen, ta nau mete fan, ma ita boeo, ta nau taoafik neu fan.

RATAPAN 3:14

Nai faik-katemak esa dalek, basa hataholi-la hika au, ma ala tao au da'di buas nakaminak.

ZAKHARIA 12:10

Basa boema, Dauk tititi-nonosin, boema neukose Au fe laun Yerusalem-mala, dalek fo nau sue-lai, ma nau hule-haladoi. Neukose ala mete ndia fo ala pau basan so, fo ala kii-makaleleun, sama leo hataholi kii-makaleleu ana kisan-na. Neukose ala kii-makaleleu no dale he'dik, sama leo hataholi fo namopo ana ulun-na.

MATEOS 12:18

Nae, “Ia nde bee na, Au Atang fo nanahele ka, Hataholi fo Au sue-lai ka, ma nandaa no Au dale nga. Neukose Au fen, Au Dula Dale nga, Neukose ana tui-benga Au nakeketu ndo nga neu basa leoina la.

MATEOS 3:17

Basa ndia boema Manetualain hala na nana namanenek nae, “Au ana susue-lalai nga nde ia. Ana tao namahohoko Au dale nga.”

LUKAS 16:14

Hataholi Farisi la lamanene basa hata fo Yesus nafa'da kala. Boema ala hikan, nana ala hii ka'da doi ka.

LUKAS 23:13

Pilatus nalo nakabubua malanga ima mala, ma basa mauli-malanga nala, ma lau nala,

LUKAS 23:39

Hataholi mangalauk fo nanalona-nggangek nai ndia, esa nakamumulu-nakamamaek Yesus. Nafa'da nae, “Mane Mana Fe So'da ka nde O hetu? Naa, soi-tefa ma O aoina ma ami leona!”

1 PETRUS 2:4

Hu ndia de, mai leo Lamatua ka mai leo na. Nanahu Lamatua ka sama leo batu maso'dak, batu fo hataholi daebafa ka tu'u-tapa henin, nana lae batu ndia, sosoa-ndandaan ta; tehu Manetualain hele nan, da'dileo batu kabelik.