LUKAS 22:20 - Susula Malalaok Hehelu Palak Ma Hehelu Beuk

²⁰ Leondiak boe, la'a basa boema Ana fe nggala angol ndia neu ana manatunga nala ma nae, “Nggalas ia nde bee na Manetualain hehelu beu na, fo nanapaku nisak ninik Au daa nga, daak fo nanapo'ahenik soaneu emi.”

LUKAS 22:20 Iomraidhean Croise

KELUARAN 24:8

Boema Musa ho'in-na daak manai bokol sila-la dalek, de ana pisin neu laun-na. Nae, “Daak ia, tao natea-nahele hala-heheluk fo Manetualain hengenee-balataan no emi tunga paletan-nala.”

YEREMIA 31:31

Manetualain nafa'da nae, “Neukose losa fain-na te, Au tao nakeketuk beuk no Israel ma Yehuda anan-nala.

ZAKHARIA 9:11

Manetualain nafa'da anan-nala nae, “No hehelu-balatak fo Au taon no emi, hehelu-balatak fo nanapakunisak nenik bana tutunu-hohotuk daan-na, neukose Au soi-po'i o laum fo manadoi-doso nai mamana tu'u-tapak dalek sama leo hataholi nanalongak-ka nai oedolu ma'dak dale.

MATEOS 26:28

Nana Au daang ia daak hehelu-balataak, daak fo nanapo'a henik soaneu fe do'o do ampon neu hataholi ba'u sala-singon.

MARKUS 14:24

Basa ndia boema Yesus nae, “Ia nde bee na Au daa nga, fo ana pakunisa Manetualain hehelu-balatan, daak fo nanapo'ahenik soaneu hataholi ba'u ka.

1 KORINTUS 11:25

Leondiak boe, la'a basa boema Ana ho'i na nggalaa ango la ma nae, “Angol ia, nde bee na Manetualain hehelu-balataa beu na, fo nanapakunisak ninik Au daa nga. Nai fai-faik fo emi minu angol ia soona, tao-no'in soaneu masanene'dak Au.”

2 KORINTUS 3:6

Ndia nde tao na ami mapalani da'di malalau-maoono soaneu hehelu beuk esa, fo nde Heheluk fo namahena neu Manetualain Dula Dale na, ta neu hoholo-lalane nanasula ka fa. Nana nanasulak ndia nini mamates, tehu Manetualain Dula Dalen ndia ana fe maso'dak.

IBRANI 12:24

Emi mai masasale matak mo Yesus, fo Lelete soaneu hehelu-balataa beuk ndia. Emi masasale matak mo daa nanapisi ka, fo malole na lenaheni Habel daa na.

IBRANI 13:20

Manetualain tao naso'da falik basa ita Lamatuan Yesus neme mamate sa mai so. Hu ka nde mamaten ndia, de besak ia Ana da'di Mana Foo Matua Ina, ba'eneu ita, fo nde bi'ilopo nala. Mamaten ndia boeo, Ana pakunisa hehelu-balataa manaketu basa tak fo Manetualain taon no ita.

IBRANI 9:15

Hu ndia de, Kristus da'di lelete neu hehelu beuk esa, fo ela ita fo Manetualain nalo basa ka, hapu baba'e-papala mana ketu basa tak, fo Manetualain helu ka. Basa sila la ala da'di, hu ka nde hataholi esa mamate na, fo nde Kristus. Fo no Kristus mamaten ndia, de Ana soi-tefa na hataholi a neme sala-singon, fo ala tao-no'in nai lelek fo ala bei pake hehelu-balataa makasososak ndia.

IBRANI 9:17

Hu ndia de, metema hataholi mana tao susula pusaka ndia, bei naso'da soona, beita hapu pake susula pusaka ndia fa.