LUKAS 21:8 - Susula Malalaok Hehelu Palak Ma Hehelu Beuk

⁸ Yesus nae, “Manea matalolole leona, fo boso nalosak ala ke'dindiu la emi. Hataholi ba'u ka neukose ala mai no ala pake Au na'de nga fo lafa'da lae, ‘Au nde Ndia!’ ma ‘Fai na losa so.’ Tehu emi boso tungas.

LUKAS 21:8 Iomraidhean Croise

YEREMIA 29:8

Au, Manetualain, Fo Manakoasa, fo Israel Manetualain-na, fe nasanene'dak neu emi, fo ela emi boso nanatipu-daik neme nabi-nabi fo ala leo nai emi tala'da, ado su'di see ndia boe fo nafa'da nae, sila bisa neuk-la le'do-fai manamaik-ka. Boso tao afik neu sila me'i-afen-nala.

MATEOS 24:11

Neukose nabi pepekok ba'u ka ala to'da mai fo ala ke'dindiu la hataholi ba'u.

MATEOS 3:2

“Tukatei-saledale meme emi sala-singo mala mai leona, nana ta doo ka so'on te, neukose Manetualain Ana paleta leo Mane ka so!”

MATEOS 4:17

Mulai neme lelek ndia mai boema, Yesus mulai tui-benga nae, “Tukatei-saledale leona, te ta doo ka so'on te Manetualain paleta leo Mane ka!”

LUKAS 17:23

Mahani te neukose hataholi nafa'da emi nae, ‘Meten, te nai ndia!’ do ‘Meten, te nai ia!’ Tehu emi boso kalua fo meu sangan.

LUKAS 21:7

Latane Yesus lae, “Ama Mesen, faihi'da dede'ak ndia neukose ala da'di? Ma ta'du-tanan nde bee nae fai na losa so, fo dede'ak ndia neukose ana da'di?”

LUKAS 21:9

Boeo boso bii, metema emi mamanene halak la'eneu matee-matati kala ma manamafofo'a musu la. Basa sila la muse ala da'di lakahuluk. Tehu ndia sosoa na ta nae fai mate'e ka losa so.”

YOHANIS 5:43

No Au Amang koasa na de Au mai, tehu emi ta nau sipok Au fa. Tehu metema hataholi fe'ek ana mai no koasa na soona, emi nau sipo kana.

YOHANIS 8:24

Hu ndia de, Au afa'da emi te, neukose emi mate nai emi sala-singo mala dalek. Boema memak neukose emi mate nai emi sala-singo mala dalek, metema emi ta mamahele, ‘Au Nde Ndia, fo lafa'da lae, AU NDE NDIA.’ ”

YOHANIS 8:28

Hu ndia de, Yesus nafa'das nae, “Neme na fo metema emi so'u mamadema Ana Hataholi ka soona, besa ka emi bubuluk mae, ‘Au Nde Ndia, fo lafa'da lae, AU NDE NDIA’, boema besa ka emi bubuluk, te Au ta hapu tao hata esa boen, tunga Au hihii-anau mesa nga fa. Au afa'da ka'da hata fo Ama ka nanolin neu Au a.

1 KORINTUS 6:9

Ade emi bubuluk hataholi ta manatunga Manetualain hihii-nanau na, neukose ala ta da'di lima eik neme Manetualain hataholi kamahehele nala mai fa do? Boso fe hataholi ke'dindiu na emi! Hataholi manatao-no'i sosoa-piao kala, manasongo-tango kala, manahohonge kala, touk fo nase'o ao paa na neu ina kala fo ana hapu doik, touk manatao tatao-nono'ik fo manini mamaek soaneu nonoo tou na ma saoina na,

EFESUS 5:6

Emi boso nanake'di-ndiuk, hu ka nde mana kokola bafa lou kala. Nana dede'ak ia la nde tao lafo'a Manetualain nasa melun, soaneu hataholi fo ta lamahele fan.

2 TESALONIKA 2:3

Leomae leo beek boeo, boso nau hataholi ke'di ndiu emi. Nana faik ndia beita losa fa te, hapu dede'ak de'u bee, ala da'di lakahuluk: Soona neukose hataholi ba'u ka fali deak fo, lalelesi Kristus; Boema Hataholi Mangalauk fo nananafa'da basak, tao leo bee o ana masok leo tasi ha'ik dale neu a, neukose ana to'da mai.

2 TIMOTIUS 3:13

tehu hataholi mangalau kala, lo hataholi mana ke'dindiu kala, ala boetai mangalauk lakandoo.

1 YOHANIS 4:1

Tolano susue-lalai ngala lemin! Boso mamahele basa hataholi fo ala manaku lae, sila lanuu Manetualain Dula Dale na so, tehu so'ba su'dik, ade sila dula dalen ndia, tete'e ka Manetualain Dula Dalen ndia do ta. Nana besak ia, nabi pepekok makadotok lafeomeok lai basa mamanak lala'ena so.

2 YOHANIS 1:7

Hataholi mana ke'dindiuk ba'u ka, ala tapasasala leo basa daebafa ka lala'ena leu so. Hataholi sila la nde ta nau sipok Yesus Kristus mai hai neme daebafa ka, boema ta lamahele, Ana da'di hataholi daebafak fa. Hataholi matak leo sila kala, hataholi mana ke'dindiuk, fo Kristus Musu No nala nde hataholi sila la.

NINITAK 1:3

Maua-manalek neu hataholi fo manales ma hataholi fo namanene susulak ia nafa'da ela ka, boema ana tunga hata fo nanasulak nai dale ka. Nana ta doo ka so'on te, basa ia la neukose ala da'di.

NINITAK 12:9

Ala tapa naga matuaina ndia leo deak neu! Naga ndia nde menge lasik fo nana'de Nitu do Dula Dale Mangalauk fo manake'dindiu basa daebafa ka lala'ena. Ala tapan no ana manatunga nala leo daebafa ka.