LUKAS 21:6 - Susula Malalaok Hehelu Palak Ma Hehelu Beuk

⁶ “Mahani te hapu fai na basa hata fo emi mitak ia la, neukose nanatao natu'uk. Ta hapu batu esa boen, neukose nananakatoto'do nahelek neme mamanana fa!”

LUKAS 21:6 Iomraidhean Croise

YEREMIA 26:18

“Lae nai lelek Hizkia da'di manek nai Yehuda, boema Nabi Mikha neme Moresyet nanduku-nalosak kokolak-ka nde ia, neme Manetualain Fo Manakoasa nae, ‘Sion nana foi-falak sama leo tina, Yerusalem neukose ana da'di batu ai madodouk, ma pupukuk Manetualain Uman-na neukose ana da'di nula.’

YEREMIA 26:6

Metema emi malanga batu mahele soona, uma mamasok ia neukose Au taon sama leo Silo, de nalosa basa leoina manai daebafak-ka pake kota Yerusalem ia na'den-na da'di leo soo-supak.”

YEREMIA 26:9

O mapalani manseli mafa'da nenik Manetualain na'den-na mae, neukose umania da'di sama leo Silo, ma mafa'da mae neukose kota ia nanatao nakalulutuk, ma ana da'di mamanak fo ta leo-napalasan.” Tutika hataholi ba'u lakamomotu-la au.

RATAPAN 4:1

Lilopilas mangadilak-ka kou henin so Manetualain Uman-na batun-nala tonggela nai enok lain.

MIKHA 3:12

Hu kande emi tatao-nono'i mangalaum ndia, de neukose lakauuk Sion sama leo hadeoe, neukose Yerusalem da'di ai-batu madodouk, ma pupukuk fo Manetualain Uman-na, neukose ana da'di nula na'u-aiana.

ZAKHARIA 11:1

Hai Libanon, soi heni o lelesum-mala leona, fo ela ha'i na'a heni o ai aras-mala!

ZAKHARIA 14:2

Neukose Manetualain naloo nakabubua basa leoina-la, fo leu sapu-la Yerusalem. Neukose ala loso-la kota ndia, ala bonga uman-nala ma ala sungu loo inan-nala. Neukose, ala foo leni laun-na seli, leo mamana tu'u-tapak neu, tehu bei ela hataholi-la, ala leo lahele nai kota ndia.

MATEOS 24:2

Boema Yesus nafa'das nae, “Ade emi mita basa uma sila la so hetu? Bubuluk leona, te ta hapu batu esa boen neme uma sila la, neukose nananakatoto'dok nahelek neu mamana na fa. Te neukose basa-basas nanatao natu'uk.”

MARKUS 13:2

Boema Yesus nae, “O mita uma matuaina sila la so hetu? Uma mapadeik sila la neukose batu nala esa boeo, ta nananakatoto'dok nahele neme mamana na fa. Neukose basa-basas tu'u leu.”

LUKAS 21:7

Latane Yesus lae, “Ama Mesen, faihi'da dede'ak ndia neukose ala da'di? Ma ta'du-tanan nde bee nae fai na losa so, fo dede'ak ndia neukose ana da'di?”