LUKAS 21:25 - Susula Malalaok Hehelu Palak Ma Hehelu Beuk

²⁵ “Meten te neukose hapu ta'du-tana nai le'do a, bula ka, ma nduu kala. Nai daebafa ka, leoina la neukose ala bii ma lapangamak lasasale matak lo lii mapoponu ka.

LUKAS 21:25 Iomraidhean Croise

MAZMUR 46:3

Hu ndia de, ita ta bii-tamata'u fa, leomae daebafak-ka nanggengo, ma letek-kala bolo leo tasi maloaina buin-na leu;

YESAYA 13:10

Neukose basa nduuk ma nduu bubuak-kala ta lasalaa fa; neukose le'do ta nasalaa nai lelek ana tii, ma neukose bulak-ka ta nasalaa so'on.

YESAYA 17:12

Leoina mabe'i-balakaik-kala lakalupu; halan-nala ladodolo sama leo lii tasi matuaina nggun-na.

YESAYA 24:23

Neukose bulak-ka makahatuk, ma le'do-a, ta nasalaa so'on, nana Manetualain Fo Manakoasa, neukose Ana paleta da'di leo manek. Neukose Ana paleta nai Yerusalem, nai Pupuku Sion-na lain, ma natu'du matua-mademan neu basa anan-nala mauli-malangan-nala.

YESAYA 5:30

Nai faik ndia, nai Israel-lala'en-na, lamanene nasanggati natee-natatik-ka kao-kao, sama leo lii tasi-a. Mitak, nusak ndia lala'en-na makahatuk fo neni makase'ek-ka. Mangale'dok-ka da'di makahatu kiu-kiuk.

YESAYA 51:15

Nana Au nde o Manetualaim-ma, fo manataon-na lii-a, napoponu, nalosa lii-a nggu-nggu. Au na'deng-nga nde been-na, Fo Manakoasa.

YEREMIA 4:23

Au mete leo daebafak-ka neu, au itan louk, ma tokotiik, au anganalo leo lalai neu, ta hapu hata nasalaa fa.

DANIAL 12:1

Ata nusa so'dak fo manapake bua-lo'a a'balutu ndia, nafa'da seluk nae, “Nai faik ndia, neukose ata nusa so'da matuaina Mikhael fo manamasulu-mahapa o leoinam-ma, ana to'da mai. Basa boema, neukose hapu tepo-lelek to'a-sota matuaina nanseli nai lelek bei hapu leoina-la nai daebafak-ka. Tehu hataholi fo leme o leoinam-ma na'den-nala nanasulak nai Manetualain susulan dalek-ka, neukose nanasoi-tefak.

MIKHA 7:4

Hata fo malole nanseli, ma manatao tunga ndoon-na nanseli boeo, sama leo dila-nggauk, fo sosoa-ndandaan ta. Fain-na losa so, fo Manetualain huku anan-nala, sama leo hata fo Ana paleta basan soaneus, tunga nabin-nala. Besak ia, tasibu-a da'di nai sila tala'da so

MATEOS 24:29

“Lelek toto'a tataa ka nate'e beita doo ka boen te, le'do a neukose makahatuk, ma bula ka ta nasalaa so'on. Neukose nduu kala, ala tu'da leme lalai mai, ma mana koasa manai lalai maloa, neukose ta latetu-landaa so'on.

MATEOS 27:45

Le'dohana boema makahatu ka poti na basa nusak ndia, dodoo na li'u telu.

MARKUS 13:24

“Basa le'do fai susa-soe ndia soona, neukose le'do da'di makahatuk, ma bula ka ta nasalaa so'on.

MARKUS 13:26

Nai lelek ndia, neukose Ana Hataholi ka Ana mai nai ko'as dale no koasa matuaina na, ma mandela-masa'an.

MARKUS 15:33

Le'dohana boema, makahatu ka poti na nusak ndia lala'ena, dodoo na li'u telu.

LUKAS 21:24

Hapu nggelok neukose nanataonisak ninik tafaina, hapu nggelok neukose lon da'dileo hataholi nanahukuk leo hataholi nusa-namon. Hataholi fo ta nalelak Manetualai na, neukose ala heheta-aa'i Yerusalem losa basa faik fo Manetualain naketu basan soaneu sila.”

LUKAS 21:26

Hataholi daebafa ka neukose ala bii lini mamate momopon lasasale matak lo hata fo neukose ana da'di nai daebafak ia lala'ena, nana basa mana koasa lalai maloa ta latetu-landaa so'on.

HATAHOLI 2:19

Neukose Au tao manda'di beu kala nai lalai, ma dede'a matua ina la nai daebafa ka; neukose hapu daak, ha'i, boema masuk.

NINITAK 20:11

Basa ndia boema, au ita kandela manek dula fula matua esa ma Ndia fo manamangatuuk manai lai na. Lalai no daebafa ka mopo kasa neme mata na mai, nalosa ta nananitak so'on.