LUKAS 21:18 - Susula Malalaok Hehelu Palak Ma Hehelu Beuk

¹⁸ Tehu neukose ta mopo emi langadoom dook esa boen neme emi langam lain mai fa.

LUKAS 21:18 Iomraidhean Croise

2 SEMUEL 14:11

Boema inak ndia nae, “Sa'di leo been-na, au Tuan-nga hule-haladoi neu au Ama Maneng Manetualain fo ela hataholi fo, ana sanga balas au anang-nga mamaten ndia, boso nalosak ana tao tatao-nono'i mangalauk lena seluk bai, nenik ana taonisa seluk au anang esak-ka bai.” Boema Dauk nataa nae, “No Manetualain fo maso'dak-ka na'den-na, neukose ala ta tao o anam ndia le'e fa, leomae ala kei la'en ka'da faaanak boeo, ta.”

MATEOS 10:30

Langa dook manai emi langam lai na, nanaleke basak so.

LUKAS 12:7

Langadook manai emi langam lai na boeo, basa-basan nanaleke basak so. Hu ndia de boso bii, nanahu emi beli ma ba'u lenaheni manupui daiana sila la mai!”

LUKAS 21:17

Neukose basa hataholi la lakamuu-lakadau emi, nanahu Au ana manatungang emi.

HATAHOLI 27:34

Hu ndia de, au oke tolanoo kala mi'a-minu faa dei. Ndia malole soaneu emi, fo ela emi ao ma balakai. Nana neukose tolanoo kala basa-basam maso'da beno'u, ma ta kulang hata esa boen.”

SEMUEL SUSULAK-KA ESAN-NA 14:45

Tehu laun-na nafa'da Saul nae, “Ade Yonatan muse nanahukunisak do? Te se'kona ndia nde neni sesengik matuaina ia? Ta! Ami maheluk pake Manetualain fo maso'dak-ka na'den-na, mae ta bole mopo Yonatan langa doon esa boen, neme langan lain mai fa. Nanahu no Manetualain nde tutulu-fafalin de, ana hapu sesengik nai faik ia.” No enok ndia, laun-na soi-nala Yonatan neme mamates-sa mai.

SEMUEL SUSULAK-KA ESAN-NA 25:29

Leouni'ka, hataholi esa, sapu-na au Ama Maneng, fo ana so'ba taonisa au Ama Maneng soona, tao leo bee-o, neukose Manetualain nasulu-nahapa au Ama Maneng, sama leo hataholi mahata-hetok-ka, nanea hata-heton. Tehu neukose, Manetualain tapa heni au Ama Maneng musun-na, leo dook eli neu, sama leo hataholi manaho'u pipiluk-ka, ana pilu batu-a leo dook eli neu.