LUKAS 21:12 - Susula Malalaok Hehelu Palak Ma Hehelu Beuk

¹² Tehu basa sila la ala beita da'di fa te, neukose emi nanaho'uk ma nanafepa-li'uk. Neukose laketu-lala'di emi nai uma mamaso kala dalek, ma nanataok leo bui dale neu. Ma neukose ala lele'a-loloso emi leo mane kala ma mana koasa la matan meu, hu ka nde Au ana manatungang emi.

LUKAS 21:12 Iomraidhean Croise

MATEOS 22:6

ma nggelok bai soona, ala ho'u la manek ndia malalau-maoono nala de ala fepa-li'us, ma ala taolisa nggelok.

MATEOS 24:8

Basa sila la besa ka makasososa na nde ndia, sama leo inak esa name'da he'di bobongi na nai lelek fo ana sanga bongi a.

LUKAS 21:11

Nai basa mamanak lala'ena, neukose dae a nanggengo matua ina, la'andoes ma he'di-lau sa. Neukose dede'a matuaina la ala da'di nai lalai.

YOHANIS 15:20

Mafandendelek hata fo Au afa'da basan neu emi ae, ‘Ata ta ba'u lenaheni lamatua na fa.’ Metema ala fepa-li'u basa Au soona, neukose ala fepa-li'u emi boe. Metema ala tunga Au nanoli nga soona, neukose ala tunga emi nanoli ma boe.

YOHANIS 15:21

Neukose ala tao emi leondiak, nanahu Au ana manatungang emi, hu ka nde ta lalelak Ndia fo manamadenu Au a fa.

HATAHOLI 22:30

Malanga solda'du Roma ndia nahiik nanseli, ana bubuluk hu beek de hataholi Yahudi la fe salak neu Paulus. Hu ndia de balahaa boema, nalo na malanga ima mala ma Mana Maketu-Mala'di Agama Matua fo lakabubua. Boema ala se'iheni namosina fo ala pa'an neu Paulus lima na, de basa boema lon neu nataa sila basa-basas.

HATAHOLI 5:40

Boema lalo hataholi nadedenuk sila la de ala filu kasa, basa boema ala kena-ka'is, fo boso boe lanoli la'eneu Yesus bai. Basa ndia boema, besa ka ala po'is.

HATAHOLI 8:3

Tehu Saulus ka'da ana sanga enok nakandoo, fo ana tao nakalulutuk salani kala. Neme uma esa leo uma esa neu, fo ana lele'a-loloso hataholi kamahehele kala nau inak do touk boe leme uma dale mai, boema ana taos leo bui dale leu.

HATAHOLI 9:4

Tutika ana bala neu dae, boema namanene halak esa nafa'dan nae, “Saulus, Saulus! Tao le'e de o tuni-ndeni Au?”

1 PETRUS 2:13

Hu ka nde Lamatua ka, de emi muse makatele neu mana koasa hataholi daebafa ka: nau neu Kesel fo ana da'di mana koasa makasososak,

NINITAK 2:10

Boso bii neu doidosok fo ta doo ka soo'on te emi muse la'ola'din. Mafandendelek, te neukose Nitu tao emi nggelok leo bui dale neu soaneu emi nanaso'ba-su'dik. Neukose emi doidoso faik sanahulu dale na. Ela leo bee na emi lilineka neu Au losa mate, soona neukose Au fe emi so'da matetu ka ma manaketu basa ta ka da'dileo bua palsen sesengik.