LUKAS 20:47 - Susula Malalaok Hehelu Palak Ma Hehelu Beuk

⁴⁷ Ala ke'dindiu inafalu la fo ala loso la uma nala. Ma soaneu lafunilisa sila tatao-nono'i mangalaun ndia de, ala hule-haladoi soona, nalu na seli. Hataholi matak leo ia kala, neukose huhuku nala bela ka!”

LUKAS 20:47 Iomraidhean Croise

YESAYA 10:2

No enok ndia, emi kena-ka'i hataholi nuu-taa hata-taak-ka soaneu ana hapu sila haak-ka ma ala hapu ndoos ma matetuk-ka, ma emi loso-ma faluina-anamaak-ka hata-heton-nala.

YESKIAL 22:7

Nai o laum-ma dalek, ta hapu hataholi esa boen fo, ana fe ha'da-holomata neu ina-aman fa. O ke'di-ndiu hataholi nusa dea-la, ma o ho'i nanalak, nai faluina anamaak-kala fai susan-na dalek.

YESKIAL 33:31

Boema langanongo mai, fo da'di leo Au anang, de langatuuk fo lamanene o hala-kokolam, tehu ala ta tunga o hala kokolam sila-la fa. Difadoon-nala kokolak dede'a susue-lalaik-ka, tehu nai dalen-nala dalek, ala dodoo ka'da nanalak-ka mesak-kana.

AMOS 2:7

Ala tuni-ndeni hataholi tapandoes fo be'i-balakain ta, ma ala usiheni hataholi nuu-taa hata-taak-ka. Ama no anan-na sungu loo ata inak esa, de ala tao langgenggeo Au na'de malalao-malalafung-nga.

MIKHA 2:2

Metema lahiik tina esa soona, ala loso-lan. Metema lahiik uma esa soona, ala leo-lan tutik. Nau hata-heto do uma isi la, ta hapu nee-nee lino-linok fa.

MIKHA 2:8

Manetualain nataa nae, “Emi sama leo musu-a, de emi nde sapu-ma, Au anang-ngala. Hataholi-a fali ma'in neme natee-natatik dale mai no namahehenak, neukose ana hapu nee-nee lino-linok nai uman, te se'kona nakalenak emi mahani memak nai naa, fo loso-ma uman-na.

MIKHA 3:2

tehu nakalenak emi ta mahiik hata fo malole fa, te emi mahiik hata fo mangalauk. Au leoinang-nga bei maso'dak, tehu emi ali heni loun-na, ma emi sii-sii isin-na neme duin-na mai.

MATEOS 23:13

“Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi mapanggengge hataholi soaneu ala da'di lima eik neme Manetualain hataholi kamahehele nala mai. Emi nde ta nau da'di lima eik neme Manetualain hataholi kamahehele nala mai fa, boema hataholi mana nau kala, emi mapanggengges. [

MATEOS 23:14

Soe ba'eneu emi, fo basa mese agama la ma hataholi Farisi la lemin! Emi ia hataholi mana dea-dale kala. Emi ke'dindiu ina falu la, ma emi loso ma uma nala. Ma soaneu tatao-nono'i mangalau ka nananafunik, de emi huhule-haladoim nalu na seli. Hu ndia de neukose emi huhuku ma, bela na seli!]

MARKUS 12:40

Ala tipu-dai inafalu la, ma ala loso la uma nala. Ma soaneu lafunilisa sila tatao-nono'i mangalaun ndia de, ala hule-haladoi soona, nalu naseli. Hu ndia de, huhuku nala neukose bela ka!”

LUKAS 12:1

Hataholi lifu-lifun lakaseseti ao nalosa nggelok heta la nggelok ei na. Hataholi sila la bei lakamomotu te Yesus nafa'da ana manatunga nala nae, “Manea matalolole neu hataholi Farisi la lalu tei na. Fo Au dudu'a ka nde sila manadea-dale nala.

LUKAS 20:46

“Masanene'dak soaneu mese agama la. Ala nau bela'o lo ba'du manalun fo manaluina nala, ma ala nau nanafe ha'da-holomata nai hataholi ba'u matan. Ala nau mamanak mahada-holomatak nai uma mamasok dale ma nai feta-dote.

LUKAS 21:1

Nai Manetualain Uman dale, Yesus nita hataholi kamasu'i kala tu'u doik leo peti kolete dale neu.

1 TESALONIKA 2:5

Emi boeo bubuluk, beita la'iesa fo ami fufu'di-oo'dok emi ninik dede'a-kokolak makee-mamina fo sue ka nde ami hapu doik neme emi mai. Manetualain nde da'di sakasii a! Nana amai ta mape'da dudu'a-aafi leondiak makandondook fa.

TITUS 1:16

Lafa'da lae, sila lalelak Manetualain, te se'kona nai tatao-nono'i nala, dalek soona, lalelesi Manetualain. Sila hataholi nanamaluak, ma ta mana tunga paleta fa; Hataholi sila la nde bee na hataholi fo, ala ta hapu tao tatao-nono'i malole esa boen.

YAKOBIS 3:1

Tolano-tolanoo ngala lemin! Boso hataholi ba'u ka nai emi dalek, nau da'di mesen. Nana ela emi bubuluk te, laketu-lala'di hataholi mana da'di mese nala soona, bela na lena heni hataholi fe'e kala.