LUKAS 20:17 - Susula Malalaok Hehelu Palak Ma Hehelu Beuk

¹⁷ Yesus nanganalos boema nae, “Metema leondiak soona, Susula Malalao ka lalanen ia, sosoa na beek? ‘Batu fo tuka uma la ta pake fan so, ana da'di basa batu makasososak so.’

LUKAS 20:17 Iomraidhean Croise

MAZMUR 118:22

Tuka uma-la, tu'uheni batu-la, ana da'di batu netes.

YESAYA 28:16

Hu ndia de, Manetualain Fo Mademainan-nafa'da nae leo ia, “Neukose, Au tao uma latek fo, matea ma mahelek nai Sion; batu bu'uk kabelik esa, fo nanasulak nai batu ndia nae, ‘See fo namahehelena matea-mahelek soona, neukose ana ta nau kala fa.’

ZAKHARIA 10:4

Neukose, Au hele manakoasa, mauli-malangan ma malanga solda'du matuaina-la, neme sila dalek mai, fo ala paleta Au anang-ngala.”

ZAKHARIA 3:9

Au pe'da batu bu'u ka hituk esa neu Yosua matan-na, fo neukose Au doki-dulak-kana nenik susula de'ek. Neukose Au tu'u-tapa heni nusak ia sala-singon-nala, ka'da nai faik esa dalen-na.

MATEOS 21:42

Boema Yesus nafa'das nae, “Ade emi beita lees mita hata fo nanasulak nai Susula Malalaok dale fa do? Nae leo ia: ‘Batu fo tuka uma la ta pake fan ndia, ana da'di batu makasososak so. Manetualain tatao-nono'in leondiak; Tatao nono'in ndia mana'a hiik!’ ”

MARKUS 10:23

Boema Yesus mete ana mana tunga nala de nafa'das nae, “Sosotak la'iesa kana soaneu hataholi kamasu'i ka, ana da'di Manetualain hataholi kamahehelen!”

MARKUS 12:10

Tao leo bee o, emi lees basa Susula Malalao ka lalanen esa nde ia nae, ‘Batu fo tuka uma la ta pake fa na, ana da'di batu fo makasososak so.

MARKUS 3:5

Yesus mete leo boboa-kaisun neu no nasak, tehu Ana dale he'di boe, nanahu ala langabatu lanseli. Boema nafa'da hataholi lima mate seselik ndia nae, “Lok o lima ma.” Hataholi ndia lok lima na boema, lima na hai.

LUKAS 19:41

Lelek Yesus boetai deka no Yerusalem, de Ana mete nita kota ndia boema Ana kii.

LUKAS 22:37

Nana, mamahele leona, te Susula Malalao ka lalane na nde ia nalii nae leo ia, ‘Lafa'da lae, Ana da'dileo hataholi mangalauk esa,’ dede'ak ndia muse ana da'di neu Au aoinang lain. Nana hata fo nanasulak nai Susula Malalaok dale la'eneu Au, besak ia ana da'di.”

LUKAS 22:61

Yesus boeo lipa leo dea neu de nanganalo Petrus. Boema Petrus nafandele na Lamatua ka nafa'da basan nae, “Manu beita kokoa faik ia fa, te o malelesi Au la'i telu.”

LUKAS 24:44

Basa ndia boema, Yesus nafa'das nae, “Dede'ak ia la nde Au afa'da basan neu emi, nai lelek Au bei sama-sama o emi a. Basa dede'ak fo nanasulak la'eneu Au nai Musa susula na, nai basa nabi la susula na, ma nai Mazmur susula na dale ka, muse ana da'di.”

YOHANIS 15:25

Tehu muse ana da'di tao leondiak, fo ela hata fo nanasulak nai sila Susula Hoholo lalane na dalek, ana da'di leona nae: ‘Lakamu-lakadau Au, tehu ne'en ta.’

HATAHOLI 4:11

Yesus ndia nde nananafa'dak nai Susula Malalao ka lalanen esa nde ia dalek nae, ‘Batu fo emi ndolu uma mala ta pake fan te see ko na ana da'di batu netes.’

EFESUS 2:20

Emi nananafofo'ak nai netes fo Lamatua ka hataholi nadedenu nala lo nabi la, lafofo'a ka lain, fo Kristus Yesus nde da'di batu nete sa.

1 PETRUS 2:6

Nanahu nai Susula Malalaok dale nanasulak nae leo ia, “Au hele basa batu kabelik esa so, de Au pe'dan nai Sion, da'dileo batu makasososak; fo see namahelen soona, dale na ta ba'ihana fa.”