LUKAS 2:25 - Susula Malalaok Hehelu Palak Ma Hehelu Beuk

²⁵ Lelek ndia nai Yerusalem, hapu hataholi esa na'de Simeon. Hataholi ndia hataholi malole, fo ana bii neu Manetualain, ma ana bei nahani fai na losa ba'eneu Manetualain soi-tefa hataholi Israe la. Manetualain Dula Dale na koasa nan,

LUKAS 2:25 Iomraidhean Croise

KEJADIAN 6:9

Noh tutuin-na nde ia. Ana toun telu, fo nde Sem, Ham ma Yafet. Noh ta tao salak fa, ma ndia ka'da hataholi esa mesa-mesak-kana, malole nai tepo-lelen-na. Naso'da teik esa-dalek esa no Manetualain.

AYUB 1:1

Touk esa na'de Ayub, ana leo nai dae Us-sa Ana sene-do'ok, ma ana lilineka neu Manetualain. Hataholi ia, hataholi dale malole, ma ana ta tao tatao-nono'i mangalauk faaanak boen.

AYUB 1:8

Boema, Manetualain natanen nae, “Ade o taoafik neu Au atang Ayub do ta? Nai basa daebafak-ka lala'en-na, ta hapu hataholi lilineka leondiak, ma dalen-na malole sama leo ndia fa. Ana sene-do'ok neu Au, ma ana ta tao tatao-nono'i mangalauk makandondook fa.”

YESAYA 25:9

Nai lelek ndia, neukose hataholi-a nafa'da nae, “Te'e-te'e, Ndia nde, ita Manetualain-na; Ndia nde, ita tahanik-ka fo ela ita nanasoi-tefak. Te'e-te'e, Ia nde Manetualain-na; Ndia nde, ita tahanik-ka. Besak ia, ata eeki-tatadale, nana Ana soi-tefa basa ita so.”

YESAYA 40:1

O Manetualaim-ma, nafa'da nae leo ia, “Kokoe-nanasi, kokoe-nanasi, au leoinang-nga leona!

MIKHA 6:8

Ta! Manetualain nafa'da basa ita, hata malole so. Fo noken neme ita mai-a nde, fo ela ita tao tunga ndoos ma matetuk, tao-no'i susue-lalaik tataas esa, ma no dale taidaek, taso'da da'di esa to ita Manetualain.

BILANGAN 11:25

Boema Manetualain kona nai ko'as dale, de Ana kokolak no Musa. Manetualain ho'in-na koasa fo Ana fe basa Musa seli ndia, de Ana fen leo mauli-malangan ka hituhuluk sila-la neu. Lelek Manetualain Duladalen-na kona neu hataholi sila-la lain boema, ala mulai laloo beebou sama leo nabi-a, tehu ta dook-ka fa.

BILANGAN 11:29

Boema Musa nataa nae, “Tao le'e de, o dudu'a-dodoo la'eneu au? Lena-lenak au amahena, fo ela Manetualain fe Duladalen-na, neu leoinan-na lala'en-na, ma taon-nala basa-basas da'di nabi!”

LUKAS 1:41

Ma leondiak Elisabet namanene Maria nate'an ndia, tutika ni'iana manai Elisabet ilun dalen ndia nakababale. Boema Manetualain Dula Dale na koasa na Elisabet,

LUKAS 1:6

Saotouk saoinak ia la so'da nala nandaa no Manetualain dale na. Duas tunga basa paleta ma Manetualain hoholo-lalanen no dale katematuak.

LUKAS 1:67

Manetualain Dula Dale na koasa na Zakharia fo ni'iana ndia aman, de nalosa nanduku-nalosak hala heheluk maneme Manetualain mai nae,

LUKAS 2:38

Naa, nai faik ndia boe, ana leondia neu boema, ana koa-kio Manetualain, ma ana kokolak la'eneu ni'iana ndia neu basa hataholi fo lahani fai na Manetualain ho'i falik Yerusalem.

HATAHOLI 10:2

Touk ia no basa uma isi nala fe ha'da holomata neu Manetualain. La'iba'u ka ana tulu fali hataholi Yahudi nuu ta-hata ta kala, ma ana hule-haladoi neu Manetualain tataas esa.

HATAHOLI 10:22

Boema lae, “Kaptein Kornaliu sa nde nadenu ami mai leo ia mai a. Hataholi ndia dale na malole, ma ana fe ha'da-holomata neu Manetualain, boema basa hataholi Yahudi la fe ha'da-holomata neun. Manetualain ata nusa so'dan esa nadenun fo noke Tuan neu leo uman neu, fo ana da'di neu natataak esa soaneu huhule-haladoin, ma ata nusa so'dak ndia nadenun fo namanene hata fo Tuan sanga nafa'da neun.”

HATAHOLI 2:5

Lelek ndia, hataholi Yahudi makadotok ala mai leme nusa mata-matak manai daebafak ia lala'ena, de lakabubua lai Yerusalem. Hataholi sila la nde bee na hataholi fo lamahele neu Manetualain.

HATAHOLI 24:16

Hu ndia de au sanga enok matalolole tatas esa fo daenga au dale bobongo ana nga balisi soaneu Manetualain, ma balisi soaneu hataholi daebafa ka.

ULANGAN 18:15

Nasafalin-na, neukose Ana fe emi nabi esa, sama leo au, fo emi muse tungan.

2 PETRUS 1:21

Nana beita la'iesa fo Manetualain hala hehelu na, nanatui-bengak tunga ka'da hataholi daebafa ka hihii-nanaun fa. Te hu ka nde, Manetualain Dula Dale na koasa na basa nabi la, de besa ka ala tui-benga hala heheluk fo maneme Manetualai na mai.