LUKAS 19:42 - Susula Malalaok Hehelu Palak Ma Hehelu Beuk

⁴² Ma nae, “Kasian la'iesa kana, neu o Yerusalem! Malole na seli, metema faik ia o lau mala bubuluk hata fo nini mole-dame! Tehu besak ia, dede'ak ndia nananafunik neme sila mai.

LUKAS 19:42 Iomraidhean Croise

MAZMUR 32:6

Hu ndia de, basa hataholi kamahehelek-kala muse hule-haladoi nai lelek ala la'ola'di to'a-taak-ka, nalosa metema faa susa-soe-a ana mai soona, ta la'e fan.

MAZMUR 81:13

Hu ndia de, Au po'ilotak-kasa lalanga batu; nemen-na fo, ala tunga sila hihii-nanau mesan-na.

YESAYA 44:18

Te'e-te'e, hataholi leo sila-kala, nggoan-na seli! Ala potiketu matan-nala, ma dalen-nala, nalosa ta lalelak hata esa boen.

YESAYA 48:18

Leouni'ka, o taoafik neu Au paletang-ngala, soona o ua-nalem sama leo lee manama'da tak-ka, ma o ua-nale malolem-ma, sama leo lii nai tasi lai, fo ana ta hahae nita fa.

YESAYA 55:6

Fali leo Manetualain mai leona, nai lelek bei bisa hapun; maloo bou-bou neun, nai lelek Ana deka.

YEREMIA 13:17

Metema o ta nau mamanene fa, neukose au kii amanininok. Au kii amatani neu O nakatutuam ndia no dale nameme'dak. Au lu'uoeng-nga nasalalalok nanahu Manetualain anan-nala nanafua sama leo hataholi nanafook.

YESKIAL 33:11

Mafa'das mae no Au, Manetualain fo maso'dak-ka na'den-na, Au ta amahoko fa, metema mate hataholi masala-masingok esa; nasafalin-na, Au hii ana tukatei-saledale neme sala-singon-nala mai, fo ela naso'da nahele. Hai leoina Israel-la lemin, hahae tao tatao-nono'i mangalauk-ka leona! Tao le'e de, emi nau mate?

LUKAS 19:41

Lelek Yesus boetai deka no Yerusalem, de Ana mete nita kota ndia boema Ana kii.

LUKAS 19:43

Te'e-te'e, fai na neukose losa, nai bee o musu noo mala ala tao mana mapanggenggek okofefeok o. Neukose ala lapadei okofeo la o, ma lakaseti la o neme basa bu'uk lala'ena mai.

LUKAS 19:44

Neukose ala tao lakalulutuk o sama-sama mo basa o lau mala lala'ena, ma ta hapu batu esa boen, neukose ala po'ilota kana nananakatoto'do nahelek neme mamanana fa, nana o ta taoafik neu faik fo lelek Manetualain mai soaneu Ana soi-tefa nala o fa!”

HATAHOLI 10:36

Tolanoo kala bubuluk basa, halak fo Manetualain nanduku-nalosa kana neu leoina Israe la, isi na so. Halak ndia nde Hala Malole la'eneu mole-dame tunga Yesus Kristus, fo nde Lamatuak soaneu hataholi lala'ena.

HATAHOLI 13:46

Tehu Paulus no Barnabas boetai lapani seluk, de ala kokolak no le'do-le'dok lae, “Memak Manetualain dede'a-kokolan muse nanananduku-nalosak nakahuluk neu emi. Tehu, hu ka nde emi ta nau sipo kana fa de emi nde maketu aom mae, emi ta mandaa sipo so'da matetu ka, ma mana ketu basa ta ka fa. Hu ndia de ami meu lo leoina fe'e kala meu.

ULANGAN 32:29

Ela leo been-na, ala da'di manatee-tenok, fo neukose, ala lalelak, fo ala dudu'a-dodoo sila soda mate'en-na.

ULANGAN 5:29

So'ba metema sila lanuu dudu'a leondiak nahele! So'ba metema ala fe ha'da holomata tataas esa neu Au, ma ala tunga la'iesak Au paletang-ngala soona, sila ma sila tititi-nonosin laso'da no tetu-temak losa dodoon-na!

IBRANI 3:13

Da'di fo ela sala-singo ka boso ke'dindiu na hataholi esa boen nai emi dalek, nalosa ana la'ban Manetualain, ela leo bee na emi esa nanoli-nafa'da esa tunga faik, beidai ita bei taso'da nai lelek, fo nananafa'dak nae, “Faik Ia”, nai Susula Malalaok dale.

IBRANI 3:15

Ia nde nanasulak nai Susula Malalaok dale nae, “Metema faik ia, emi mamanene Manetualain hala na soona, emi boso malanga batu, sama na leo emi bei-ba'i kai mala, nai lelek fo, ala la'ban Manetualai na.”

IBRANI 3:7

Hu ndia de, sama leo Manetualain Dula Dale na nafa'da nae, “Metema faik ia, emi mamanene Manetualain hala na soona,