LUKAS 19:28 - Susula Malalaok Hehelu Palak Ma Hehelu Beuk

²⁸ Yesus nafa'da basa sila la boema, Ana la'ok nai hataholi sila la uluk fo leo Yerusalem neu.

LUKAS 19:28 Iomraidhean Croise

LUKAS 10:30

Yesus nataa nae, “Hapu touk esa kona neme Yerusalem leo Yerikho neu. Nai eno tala'dak, mana bonga uma sapu nan, de ana loso na basa hata-heton lala'ena, ma ana fefepa-popoko nan hihii leo maten nana. Boema ala la'oelan lenga-lenga neme enok lain no ao na hinak-hinak mesan.

LUKAS 12:50

Bei hapu doidoso matuaina, fo Au muse la'ola'din. Ma Au dale nga ta tesa tama nanseli, metema dede'ak ndia beita da'di fa.

LUKAS 18:31

Yesus tao nakabubua ana manatunga kasanahulu dua nala mesa kasa boema nae, “Taoafik leona! Te besak ia ita teu leo Yerusalem teu. Nai naa, basa hata fo nabi la sula kana la'eneu Ana Hataholi ka, neukose ana da'di.

LUKAS 9:51

Lelek fo Yesus fai na sanga deka Yesus nanaso'uk leo nusa so'da ka neu, boema Ana ho'i nakeketuk soaneu neu leo Yerusalem neu.

YOHANIS 18:11

Boema Yesus nafa'da Petrus nae, “So'dok falik o tafaina ma leo mamanan dale neu! Ade tunga o dale dodoo ma, neukose Au ta inu nggalaa doidosok fo Ama ka fen neu Au ndia fa do?”

IBRANI 12:2

Ela leo bee na ita mata memete na nasale leo Yesus neu, nana Ndia nde nafofo'a ita namahehele na, ma nakaboboin neme makasososa na losa mete'e na. Yesus nakatatakak doidoso ka neme ai nggangek lain! Ana ta nafaduli nae, mate nai ai nggangek lain ndia nde bee na, hata esa fo nini mamaek. Ka'da nafandele neu namahokok fo neukose name'da nitan nai fai makabuin. Besak ia, nangatuuk nai Manetualain kandela mane na boboa kona na, ma Ana paleta sama-sama non.

1 PETRUS 4:1

Hu ka nde Kristus doidoso tunga ao paa ka so, de emi muse tao matetea dale mala no namahehele leondia ka. Nanahu hataholi fo ana doidoso tunga ao paa ka, soona ana ta tao sala-singok so'on.