LUKAS 18:30 - Susula Malalaok Hehelu Palak Ma Hehelu Beuk

³⁰ soona, hataholi ndia neukose nanabalas la'i dua nai lelek besak ia, ma nai lelek manamai ka, neukose ana hapu maso'da matetu ka ma manaketu basa ta ka.”

LUKAS 18:30 Iomraidhean Croise

AYUB 42:10

Ayub hule-haladoi basa ba'eneu tia-lai ka telun-nala boema, Manetualain taon-nan, namasu'i seluk. Ana fen namasu'i diku la'i dua, neme su'i makahulun-na mai.

MAZMUR 119:103

O dede'a-kokolam, makeek nanseli, makeen-na, lena heni fanioe-a, makeen-na!

MAZMUR 119:111

O paletam-ma nde bee-na, au pusakang losa dodoon-na, fo ana tao namahoko au daleng-nga.

MAZMUR 119:127

Au sue-lai O paletam-ma, lena heni lilopilas-sa, lena heni lilopilas isik-ka.

MAZMUR 119:162

O hehelum-ma, ana tao namahoko au, sama leo, hataholi esa hapu hata-heto.

MAZMUR 119:72

Ba'eneu au soona, O hoholo-lalanem belin-na, lena heni basa lilopilas ma lilofulak manai daebafak-ka.

MAZMUR 37:16

Hataholi malole fo, bua-lo'an faa anak, tehu belin-na lena heni hataholi mangalauk-ka hahapu makadoton-na.

MATEOS 12:32

Metema hataholi a, ana kokolak dede'ak esa, fo ana lena-la'ban Ana Hataholi ka soona, ana hapu do'o do ampon, tehu metema nakamumulu-nakamamaek Manetualain Dula Dale na soona, ana ta hapu do'o do ampon fa, nau nai besak ia do nai fai mate'e ka boe!”

MATEOS 4:24

Ala benga Yesus nafeo basa nusa Siria lala'ena, nalosa hataholi makadotok mai leo Yesus mai. Ala lo basa hataholi kamahe'di mata-mata kala ma hataholi mana to'a-ta kala. Hataholi nitu sa'e kala, kamulu bi'i kala, ma lu'u ei kala de Yesus nakahahaik basa-basas.

1 TIMOTIUS 4:8

Nanoli ao paa ka, sosoa-ndandaan ka'da faa anak mesa kana, tehu nanoli samane ka, sosoa-ndandaan ba'una seli nai basa dede'ak lala'ena dalek, nana isi na, hehelu balataak soaneu ita maso'dan nai besak ia ma nai fai mana mai ka.

1 TIMOTIUS 6:6

Memang agama nini hahapu matua ina, metema nai hataholi ndia dale nameme'da na, ndia hahapu-dadain sila la, dai so.

NINITAK 2:10

Boso bii neu doidosok fo ta doo ka soo'on te emi muse la'ola'din. Mafandendelek, te neukose Nitu tao emi nggelok leo bui dale neu soaneu emi nanaso'ba-su'dik. Neukose emi doidoso faik sanahulu dale na. Ela leo bee na emi lilineka neu Au losa mate, soona neukose Au fe emi so'da matetu ka ma manaketu basa ta ka da'dileo bua palsen sesengik.

NINITAK 2:17

Ba'eneu see fo ana hapu namanene soona, ela leo bee na ana taoafik neu hata fo Manetualain Dula Dale na nafa'dan neu hataholi kamahehele nala! Sila fo manasengi kala, neukose Au po'i fes la'a loti manna fo nananafuni ka, ma esa-esak neukose ana sipo batu fulak esa neme Au mai. Nai batu ndia, nanasulak na'de beuk esa fo esa boeo ta bubulu kana fa, ka'da hataholi mana sipo nana.”

NINITAK 3:21

Sila fo manasengi kala, neukose Au fes loak langatuuk leu Au kandela mane nga sama-sama lo Au, sama leo Au boeo sengi so, de besak ia Au angatuuk sama-sama o Au Amang nai kandela manen lain.