LUKAS 17:25 - Susula Malalaok Hehelu Palak Ma Hehelu Beuk

²⁵ Tehu makasososa na, Ana muse doidoso ba'u ka, boema hataholi lelek besak ia la, ala ta sipo kana fa.

LUKAS 17:25 Iomraidhean Croise

YESAYA 53:3

Ita takadadaek-kana, ma ta deka to fan, hataholi fo henuk no doidosok-ka, ma biasa ana lu'a-lepa he'di-laus. Hataholi esa boen, ta nau mete fan, ma ita boeo, ta nau taoafik neu fan.

MATEOS 16:21

Mulai neme hatematak ndia mai boe, Yesus kokolak no mangale'dok no ana mana tunga nala nae, Au muse u leo Yerusalem u, fo Au la'ola'di doidosok ba'u ka neme mauli-malanga nala ma malanga imam ala, boema mese agama la. Neukose ala taolisa Au, tehu neu fai katelu na soona, neukose Au aso'da falik.

MATEOS 21:42

Boema Yesus nafa'das nae, “Ade emi beita lees mita hata fo nanasulak nai Susula Malalaok dale fa do? Nae leo ia: ‘Batu fo tuka uma la ta pake fan ndia, ana da'di batu makasososak so. Manetualain tatao-nono'in leondiak; Tatao nono'in ndia mana'a hiik!’ ”

MARKUS 10:33

Yesus nae, “Mamanene leona, te besak ia ita teu leo Yerusalem teu ia so. Nai naa, Ana Hataholi ka neukose nanafek leo malanga ima mala, ma mese agama la. Neukose ala hukulisan, fo basa soona ala fen leo hataholi ta Yahudi la neu.

MARKUS 12:10

Tao leo bee o, emi lees basa Susula Malalao ka lalanen esa nde ia nae, ‘Batu fo tuka uma la ta pake fa na, ana da'di batu fo makasososak so.

MARKUS 8:31

Basa ndia boema, Yesus mulai nanoli ana mana tunga nala nae, Ana Hataholi ka muse doidoso nanseli, ma neukose lasi-lasi kala, malanga ima mala, ma malanga agama la ala la'ba nana. Neukose ala taolisan, tehu neu fai katelu na soona, neukose naso'da falik.

MARKUS 9:31

nana nanoli ana mana tunga nala nae, “Neukose Ana Hataholi ka nanafehenik leo hataholi daebafa ka koasan dale neu fo ala taolisan, tehu neu fai katelu na soona, neukose naso'da falik!”

LUKAS 18:31

Yesus tao nakabubua ana manatunga kasanahulu dua nala mesa kasa boema nae, “Taoafik leona! Te besak ia ita teu leo Yerusalem teu. Nai naa, basa hata fo nabi la sula kana la'eneu Ana Hataholi ka, neukose ana da'di.

LUKAS 18:33

Neukose ala tao doi-doson, ma ala taolisan, tehu neu fai katelu na, neukose naso'da falik.”

LUKAS 24:46

Boema nafa'das nae, “Nai Susula Malalaok dale, nanasulak nae Mane Mana Fe So'da ka muse doidoso, ma muse naso'da falik neme mamate sa mai nai fai katelu na.

LUKAS 9:22

Yesus boeo nafa'da nae, “Memak Ana Hataholi ka muse doidoso ba'u ka, ma lasi-lasi nala boema malanga ima mala ma mese agama la ala la'ba nana. Neukose ala taolisan, tehu neu fai katelu na soona, naso'da falik.”

YOHANIS 1:11

Ana mai leo nusa na mai, tehu hataholi nala ta sipo kana fa.

YOHANIS 12:38

Hu ndia de, hata fo Nabi Yesaya nafa'da ka, ana da'di, “Lamatuak, see ka nde namahele ami tutui-bebengam? Manetualain natu'du koasa na neu see ka?”

SEMUEL SUSULAK-KA ESAN-NA 10:19

Au soi-po'i emi neme basa doidosok ma honggu'uk lala'en-na mai so, tehu besak ia, emi ta sipok Au, fo emi Manetualaim-ma fa, nanahu emi moke, fo ela Au atu'du fe emi manek esa. Nah, malole so, de makabubua nai Au, fo emi Manetualaim Manakoasam-ma matan, tunga emi esa-esak leon.’ ”

SEMUEL SUSULAK-KA ESAN-NA 8:7

de Manetualain nafa'da nae, “Sipok la'iesak leoina ndia nonoken neu o-a. Nana ala ta tipa o nde ndia fa, te Au dei. Ala ta lahiik Au da'di sila manen so'ok.