LUKAS 16:2 - Susula Malalaok Hehelu Palak Ma Hehelu Beuk

² Da'di nalo pegawi manape'da doik ndia ma nae, ‘Au amanene basa hata lala'ena la'eneu o so? Besak ia, fe au hala nafafa'da matetuk la'eneu o ue-le'dim ito-ato au su'i-beteng. O ta bole da'di au pegawi manape'da doing so'on.’

LUKAS 16:2 Iomraidhean Croise

PENGKHOTBAH 12:14

Neukose Manetualain naketu-nala'di la'iesak ita tatao-nono'in; malole ma mangalauk, nakalenak nananafunik-kala boe.

MATEOS 12:36

Da'di, mafandendelek te: neu Fai Mate'e ka, hataholi a esa-esak nataa, ndia hala-kokola mangalau nala.

MATEOS 20:8

Le'donoso boema osi lamatuak ndia nafa'da malanga mana so'u bela ka nae, ‘Maloo ma basa mana-mana so'u bela kala fo bae ngga'di nala, mulai neme hataholi mana masok makabui ka, losa mana masok makasososa ka.’

LUKAS 12:20

Tehu Manetualain nafa'dan nae, ‘Hei nggoa konei! Le'odaek ia boe, mate o, fo neukose see ka nde hapu basa su'i-betes fo o makadudulu mak sila la?’

LUKAS 12:42

Lamatua ka nataa nae, “See ka nde malalau-maoono mana lilinekak ma manatee tenok ndia, de nalosa tua na so'un da'di malangan neu malalau-maoono fe'e kala, fo daenga ana fes la'a-linu la'e fai na?

LUKAS 16:1

Yesus nafa'da ana manatunga nala nae, “Hapu tou kamasu'ik esa. Touk ia nanuu pegawi manape'da doik esa, fo ana ito-ato su'i-bete nala. Hataholi kamasu'ik ia hapu hala nafafa'dak lae, pegawi manape'da doi na didilo-dodolo tali doin.

LUKAS 16:3

Boema pegawi manape'da doik ndia doo-doo nae, ‘Au muse tao beek besak ia? Au Tua nga sanga kaluaheni au ia so. Au ta foi abe'i dae fa. Da'di hataholi mananoke-nokek boeo, au mae.

ROMA 14:12

Da'di, ita esa-esak muse tataa basa ita tatao-nono'in lala'ena neu Manetualain.

1 KORINTUS 1:11

Nana Kloe uma isi nala lafa'da au lae, hapu nale'a-napili ka nai emi dalek.

1 KORINTUS 4:2

Malalau-maoono leondia ka, bela-ba'u makasososa na nde ana muse lilineka neu tua na.

1 KORINTUS 4:5

Hu ndia de, hu ka nde beita la'e fai na fa, de boso no lai-laik emi maketu mae hataholi esa nasala do ta. Mahani losa Lamatua ka fali ma'in dei. Ndia nde neukose buka basa bibila-babaak fo nananafunik nai makahatu ka dalek. Ndia nde neukose ofeheni basa dale tutu'uk fo manaenek nai hataholi daebafa ka dalen dale. Neu lelek ndia soona, besa ka hataholi a esa-esak ana sipo kokoa-kikiok fo nandaa ana sipon neme Manetualain mai.

2 KORINTUS 5:10

Nana tao leo bee o, ita basa-basa tala nanakalaak leo Kristus kandela kekee-fufulan mata na teu, fo neukose ita esa-esak hapu babala na, nandaa no tatao-nono'in nai daebafak ia, nau tatao-nono'i malalole do tatao-nono'i mangalauk boe.

1 TIMOTIUS 4:14

Boso mafandele henin fo pake Manetualain Dula Dale na fe o baba'e-babatin ndek lelek fo mauli-malanga salani kala lalaa lima nala neu o langam lai na, ma boso mafandele heni hata fo nabi la lafa'da elan soaneu o so'da ma.

1 TIMOTIUS 5:24

Hataholi nggelok sala-singon, nananaketu-nala'di beitaak, te litan no mangale'dok so. Tehu basa soona, besa ka lita hataholi nggelok sala-singon.

1 PETRUS 4:10

Emi esa-esak sipo basa baba'e-babati mata-mata kala neme Manetualain mai so. Hu ndia de, emi da'dileo hataholi mana ito-ato malole neu Manetualain baba'e-babatin sila la, ela leo bee na emi pake baba'e-babatik sila la soaneu emi basa-basa mala paluu ma.

1 PETRUS 4:5

Tehu neukose, sila muse fe natataak neu Manetualain fo, nahehele aon basa, soaneu naketu-nala'di hataholi maso'dak ma mana mate kala so.

NINITAK 20:12

Ma au ita hataholi manamate kala ana-matua lapadeik lai kandela manek ndia mata na. Boema susula kala boeo nanabukak. Boema susula fe'ek esa nanabukak, fo nde Susula Hataholi Maso'da ka. Basa boema huhuku ka nanaketuk neu hataholi manamate kala, nandaa no sila tatao-nono'in tunga hata fo nanasulak nai susulak sila la dalek.