LUKAS 16:19 - Susula Malalaok Hehelu Palak Ma Hehelu Beuk

¹⁹ “Hapu hataholi kamasu'ik esa. Bua-lo'a papakena kabelik mesa-mesan, ma nana'a-nininun malole-mala'da tunga faik.

LUKAS 16:19 Iomraidhean Croise

ESTER 8:15

Basa ndia boema, Mordekhai kalua la'oela uma manek-ka, no ana pake papake matua-madema momo'dok, ma fulak, ba'du manalu pilabalanggeok-ka neme tema abalutu-a mai, ma bulamolik lilopilas-sa, mana'ahiik nanseli. Kota Susan-na eeki-latadale, nanahu lamahoko lanseli.

AMSAL 14:24

Hataholi manatee-tenok-ka nanakoa-kiok, nanahu manatee-tenon-na, tehu hataholi nggoak-ka nananita-nalelak, nanahu nggoan-na.

AMSAL 31:22

Ana tenu aon, temak fo belan neu uman-na laten lain, bua papaken-na, nanatenuk neme tema a'balutu pilabalanggeok, fo mana'an-na seli.

YESAYA 3:23

ba'du tema ni'ianan-nala, bua papake abalutun-nala, fefeo botoliin-nala ma tema manalu popoti langan-nala.

YESKIAL 16:13

No enok ndia, o nanabalias nenik lilopilas ma lilofulak; o papake-ngganggaom, taon neme tema abalutu ma tema abalutu madulak. O bole mu'a loti fo, taon neme ha'desopu malole, fo nanasese'dok nenik faioe ma mina setun. O mata makeek nanseli, de o mandaa da'di ina manek.

YESKIAL 16:49

Sodom no nggolo-nggolon-nala koao-ndaeao, nanahu mamana pepe'da nana'an makadotok, ma laso'da no nee-nee lino-linok ma mole-dame. Tehu, ala ta taoafik neu hataholi nuu taa-hata taak-ka, ma hataholi matasi'da-matasaek-ka fa.

YESKIAL 27:7

O laa-ma, ma o dedeo-ma, nanataok neme Masir tema abalutun-na mai, nanaseuk nenik seseuk mata-matak-kala. O lalaa temam-mala, nanataok neme tema abalutu anak-ka mai, temak neme Siprus mai, fo dula pila balanggeok.

MARKUS 15:17

Boema ala papake Yesus ninik ba'du manalu pilabalanggeok, de basa boema ala ane la ti'ilanga nggauk esa de ala paken neu Yesus langa na.

MARKUS 15:20

Ala hakinonoli basa Yesus boema, ala o'duheni ba'du manalu pilabalanggeok ndia, de ala o'du falik bua-lo'a papake na ne'un. Basa boema, lon leo deak neu, fo leu lona-nggangen.

LUKAS 15:13

Basa faik de'ubee boema, ni'iana mulianak ndia nase'oheni ndia hata baba'e na de neu leo nusa dook neu. Nai naa, ana didilo-dodolo tali doi na ninik so'da lena-lena ka.

LUKAS 16:1

Yesus nafa'da ana manatunga nala nae, “Hapu tou kamasu'ik esa. Touk ia nanuu pegawi manape'da doik esa, fo ana ito-ato su'i-bete nala. Hataholi kamasu'ik ia hapu hala nafafa'dak lae, pegawi manape'da doi na didilo-dodolo tali doin.

LUKAS 16:18

See elaheni saoina na boema ana sao seluk ina fe'ek soona, hataholi ndia hohonge. Ma hataholi fo ana sao inak fo nanaelahenik ndia soona, ana hohonge boe.”

LUKAS 16:20

Nai lelesuina na bafa na hataholi nuu ta-hata tak esa na'de Lasarus nangape'uk lee nai ndia, fo namahena ana hapu isi tei na ninik nana'ak fo manatu'da leme hataholi kamasu'ik ndia mein lain mai.

NINITAK 17:4

Inak ndia pake ba'du momo'do kunik ma pilabalanggeok, boema nanabalias ninik lilopilas, poemata, ma mutiara. Ana ho'u mango lilopilas esa nai lima dale henuk no dede'a manggengeok fo buna-boak neme sosoa-piaon mai.

NINITAK 18:16

boema lae, “Awii, susa-soen ba'una seli ba'eneu kota nananita nalelak ia! Biasa na ana pake bua-lo'a fula mangadilak, tema pila balanggeok, ma tema pila sangadelak. Biasa na ao na henuk no lilopilas, poemata ma mutiara!

NINITAK 18:7

Fen doidosok ma dale he'dik dede'u na sama no matua-madema ma so'da manadailenak fo nanafek neu aoina na. Nana ana ka'da nafa'da tataas esa neu aoina na nae, ‘Au ia, ina manek fo mana paleta! Au ta inafalu fa; neukose au ta la'ola'di dale he'dik fa!’

HAKIM-HAKIM 8:26

Basa lolo'e lilopilas fo ala fen leo Gideon nai lelek ndia, belan-na, hihii nae kilo duahulu, te beita leke lilo-henu, tema pilabalanggeok fo mane-manek Midian-nala biasa paken, ma lilo-henu manai sila ontan-nala botoliin-na fa.