LUKAS 16:17 - Susula Malalaok Hehelu Palak Ma Hehelu Beuk

¹⁷ Tehu mu'dak la'iesa kana soaneu lalai no daebafa ka sapu-lalo, neme Manetualain hoholo-lalanen de'e seseli anak esa da'di nanapake tak.

LUKAS 16:17 Iomraidhean Croise

YESAYA 40:8

Na'u-a namatuu, ma bunga ana male, tehu ita Manetualain dede'a-kokolan nakatatakak losa dodoon-na.”

YESAYA 51:6

Mete lalai ma mete daebafak-ka; neukose lalai mopok-kana, sama leo ha'imasuk-ka, ma daebafak-ka, neukose ana palaa, sama leo ba'du palaak dooinak-ka, neukose mate basa laun-na, sama leo ninik-ka. Tehu Au fe so'da-molek-ka, nahele losa dodoon-na, ma Au sesenging-nga, neukose ta nate'e fa.

MATEOS 5:18

Mafandendelek leona te! Losa lalai no daebafa ka beita mopo fas soona, dede'ak sila la de'ek esa, do titianak esa boeo, ta mopo fas, makanaema basa-basas lala'ena beita da'di fa!

LUKAS 21:33

Lalai a ma daebafa ka neukose ala sapu-lalo, tehu Au dede'a-kokolang lahele losa dodoo na.”

ROMA 3:31

Ade dede'ak ia, ta nanuu sosoa-ndandaak nae, hu ka nde ita tamahele Kristus, boema ita tu'u-tapaheni agama Yahudi a hoholo-lalanen do? Ta leondiak fa! Nana hu no ita namahehelen ndia de, ita so'ulaik hoholo-lalanek ndia.

1 PETRUS 1:25

tehu Lamatua ka dede'a-kokolan, nahele losa dodoo na.” Halak ndia nde Hala Malole, fo nanatui-benga basak neu emi so.

2 PETRUS 3:10

Tehu Lamatua ka Fai mamai na, neukose ana losa, sama leo nako ka. Nai faik ndia te, neukose lalai a mopo kana, no manggulu matua ina, ana da'di nai lalai, ma basa hata manai lalai a, neukose putu la'i esa kasa, boema daebafa ka no basa oe isin lala'e na, neukose mopo la'i esa kasa.

NINITAK 20:11

Basa ndia boema, au ita kandela manek dula fula matua esa ma Ndia fo manamangatuuk manai lai na. Lalai no daebafa ka mopo kasa neme mata na mai, nalosa ta nananitak so'on.

NINITAK 21:1

Boema au ita lalai beuk ma daebafa beu ka. Lalai makasososa ka ma daebafa makasososa ka mopos ma tasi mopo kana.

NINITAK 21:4

Neukose Ana lose nama'da luoe neme mata nala mai. Neukose ta hapu mamates so'on. Dale he'dik, kii-makaleleuk, do he'di-laus boeo neukose ta hapu so'on. Dede'a palaa kala mopos so.”