LUKAS 15:18 - Susula Malalaok Hehelu Palak Ma Hehelu Beuk

¹⁸ Malole lenak au fali no lai-laik fo au afa'da au amang ae, Ama, au asala-asingo basa neu Manetualain ma neu Ama so.

LUKAS 15:18 Iomraidhean Croise

2TAWARIKH 33:19

Nai Nabi-la susula Tutuin dale boeo, nanasulak Manasye huhule-haladoin ma Manetualain natataan neu huhule-haladoik ndia, boema tutuik la'eneu sala-singok nai lelek ana beita tukatei-saledale fa, mamanak fo sene-do'ok neu sosongo-tatangok, ma ana taon-na lamatua daebafa Inak Asyera dodoki-dudulan-nala, ma sosongo-tatangok fo ana sene-do'ok neus-sala.

MAZMUR 25:11

Manetualain, fe do'o do ampon neu au, nandaa no O hala hehelu-balatam-ma, nana au salang-nga ba'un-na seli.

AMSAL 23:13

Boso hia-penge manoli o anam-ma. Metema o fepan nenik ue soona, neukose ta mate fan,

YESAYA 63:16

Ade, O ta nde ami Amam fa do? Abraham ma Yakob, ta lalelak ami fa. Tehu O, ou Manetualain, O nde been-na, ami Amam, ami Manasoi-manatefam, neme makahulun eli mai.

YEREMIA 3:19

Manetualain nafa'da nae, “Israel, Au hii sipok o da'di leo Au anang, ma Au fe o, nusak fo nandaa no o dalem-ma, nusak fo malole nanseli, nai basa daebafak-ka lala'en-na. Au hii o maloo Au mae ama, ma o ta malai meme Au mai so'on.

YEREMIA 31:20

Israel, o nde been-na Au anang susueng, anan fo nanasue-laik nai Au dale bobongo anang-nga. Tunga faik Au dodoki-aali O, tehu Au hii ka'da afandele neu o tatas esa. Neukose Au tao-a O henuk no susue-lalaik.

RATAPAN 3:29

Nemen-na fo takaloe-takadae aoina-tala, ma ka'da tahani, nanahu fafa'kama bei hapu namahenak.

RATAPAN 3:40

Malole lenak ita palisak matalolole ita so'dan-na fo fali leo Manetualain nai nusa so'dak-ka Mai fo ata soi heni ita dalen-na, fo hule-haladoi tae,

DANIAL 4:26

Basa ata nusa so'dak-kala fe paleta fo ela po'ilotak ai nanalo'o henik ndia huun-na neme dae dale. Ndia sosoa-ndandaan nae, neukose Ama Manek da'di manek seluk nai lelek Ama Manek makaheik mae Manetualain koasa basa daebafak-ka lala'en-na.

YUNUS 2:4

Au kokolak nai au daleng dale ae: Manetualain usi heni au neme matan-na mai so. Neukose au ta ita seluk uma malalao-malalafun-na so'on.

YUNUS 3:9

Fafa'kama Manetualain dodoo nasafali dale tutu'un-na, fo ta namanasa so'on, nalosa Ana ta tao nakalulutuk ita fa!”

MATEOS 3:6

Ala manaku sala-singo nala, de Yohanis salanis leme Lee Yarde na.

MATEOS 6:14

Makanaema emi fe do'o do ampon neu hataholi mana tao salak neu emi soona, neukose emi Amam manai nusa so'da ka boeo, Ana fe do'o do ampon neu emi sala-singo mala.

MATEOS 6:9

Hu ndia de, metema emi hule-haladoi soona mae leo ia, ‘Ou, Ami amam manai nusa so'da ka: O nde Manetualain fo Kisak Ela leo bee na. Lakaluku-lakatele ma ala fe ha'da-holomata neu O.

MATEOS 7:11

Leomae emi ia, hataholi mangalau kala boe, tehu emi boeo bubuluk fe hata malole neu emi ana mala boe. Muda hata no emi Amam manai nusa so'da ka bai! Neukose Ana fe hata malole neu hataholi manoke neu na.

LUKAS 11:2

Boema Yesus nafa'das nae, “Metema emi hule-haladoi soona, mae leo ia, ‘Ama, O nde ma Manetualain fo Kisak. Ela leo bee na, O nananakaluku-nakatelek ma nanafe ha'da-holomatak. O nde ami Mane ma. Sa'di leo bee na O paleta nai daebafa ka.

LUKAS 15:17

Neu mate'e na boema besa ka name'da de nae, ‘Hataholi manamaue-male'di nai au amang uma na, nana'a-nininun sasikao-kao, tehu au nai ia soona, au hihii mate o la'a sa!

LUKAS 15:19

Au ta andaa da'di ama anan so'on. Mafa'da mae, au da'di ama hataholi manaue-male'din.’

LUKAS 15:21

Boema ni'iana ndia nafa'da aman nae, ‘Ama, au asala-asingo basa neu Manetualain ma neu Ama so. Au ta andaa da'di Ama anan so'on.’

LUKAS 18:13

Tehu manasusu bea ndia napadeik nai doo ka, ma nakalenak ta napalani nanganalo leo lalai neu fa. Ana lane lima na neu fana na ma nakatele langa na de nae, ‘Ou Manetualain, sue-lai au hataholi masala-masingok ia!’ ”