LUKAS 15:16 - Susula Malalaok Hehelu Palak Ma Hehelu Beuk

¹⁶ Niiana ia name'da namala'a nanseli de nalosa ana hii na'a bafi sila la nana'a na. Leomae namala'a nanseli, tehu hataholi esa boen ta fen na'a fa.

LUKAS 15:16 Iomraidhean Croise

AYUB 30:4

Ala fe'a makatemak nai moo solokaek-ka, fo la'a doon-na ma okan-na boe.

MAZMUR 142:4

Lelek hihii nae ketu au namahehenang-nga, O bubuluk hata fo, au muse taon. No denge-dengek, musu-a lona hihi'ik ba'eneu au, nai enok fo, au muse tungak-ka.

MAZMUR 73:22

au amanggoa, de au ta alelak fa, au sama leo bana, nai O matam-ma.

YESAYA 44:20

Tatao-nono'ik ndia, sama-na leo na'a afu. Hataholi ndia, dudu'a-aafi nggoan-na, ana taon-nan natofa-natalak, nalosa ana ta hapu tutulu-fafalik so'on. Ana ta hapu manaku, nae dodoki-dudulak fo manai liman dale ndia, ka'da tipu-daik mesan.

YESAYA 55:2

Sosoak hata, asa hata esa, fo ta tao namahoko emi dalem-ma, ma maue-male'di soaneu hata fo, ta nandaa emi dalem-ma fa? Tunga Au paletang-nga, soona neukose emi mi'a hata fo malole, ma mi'a nana'a mala'da.

YESAYA 57:3

Tehu emi fo, manatao sala-singok-kala, mai leona, fo nananaketu-nala'dik! Emi ta malole lena neme, hataholi manapake mo'do-akidook-ka, hataholi fo, ana nau hohonge, ma manasosoa-piaok-ka mai fa!

RATAPAN 4:5

Sila fo biasa la'a-linu nana'a mala'da-mala'da, ma laso'da nai hahapu-dadaik-ka dalek, besak ia, ala la'ek fo leu sanga nana'a-nininuk nai kadafu madodouk-kala, ma ala mate no la'as-sa nai enok-kala lain.

HOSEA 12:1

Manetualain nafa'da nae, “Leoina Israel-la, okofeo-la Au nenik masapepeko-masandandalik ma tipu-daik. Leoina Yehuda lena la'ban lahele Au, Manetualain fo Malalao-malalafuk, ma manalilinekak.

MATEOS 7:6

Boso fe hata malalao ka neu busa, te see busa ndia ana lepos nasafali fo ana sapu na emi. Boema boso fe poemata neu bafi fo daenga bafi ndia boso heheta-aa'i poemata ndia.”

LUKAS 15:15

Boema neu naue-nale'di nai laun esa nai ndia, boema nadenun leo tina neu fo nanea bafi na.

LUKAS 15:17

Neu mate'e na boema besa ka name'da de nae, ‘Hataholi manamaue-male'di nai au amang uma na, nana'a-nininun sasikao-kao, tehu au nai ia soona, au hihii mate o la'a sa!