LUKAS 14:23 - Susula Malalaok Hehelu Palak Ma Hehelu Beuk

²³ Boema tuan ndia nae, ‘Mu leo okofoo la lain ma eno kaba'ek manai kota deak, fo makaseti hataholi la mai fo ela au uma nga henun.

LUKAS 14:23 Iomraidhean Croise

MAZMUR 110:3

Nai faik o mai no koasa, nai pupukuk malalao-malafuk-ka, o laum-mala tutulumatak no sila hihii-nanau mesan-na. Sama leo dinis-sa nai fai fafain-na, basa touana muli-soluk-kala, ala mai leo o mai.

MAZMUR 98:3

Ana nafandele neu susue-lalain, ma lilinekan neu Israel fo, anan-nala. Basa leoina manai daebafak-ka lala'ena, lita basa ita Manetualain-na, sesengin-na so.

YESAYA 11:10

Neukose fain-na losa, leoina-la tao matak neu manek esa, neme Dauk tititi-nonosin mai. Neukose ala mai neun, ma ala koa-kio mamana leleon-na.

YESAYA 27:13

Nai lelek ndia, neukose pupuuk matua nanapuuk, fo naloo falik basa hataholi Israel fo, nanatapahenik manai Asyur ma Masir-ra. Neukose ala mai leo Yerusalem mai, fo ala sene-do'ok neu Manetualain nai pupuku malalao-malalafun-na.

MALEAKHI 1:11

Basa leoina manai daebafak-ka lala'en-na, ala fe ha'da-holomata neu Au. Ala tunu boomenik, su'di nai bee-bee boe, fo ala fe ha'da-holomata neu Au na'deng-nga, ma ala tunu-hotu tutunu-hohotuk-ka nandaa, nana basa leoina-la, ala fe ha'da-holomata neu Au!

MATEOS 21:43

Yesus nafa'da selu kasa nae, “Hu ndia de mafandendelek, emi manuu hak da'di lima eik neme Manetualain hataholi kamahehele nala mai, tehu emi hak ndia Manetualain hela fali kana, fo Ana fen leo leoina fo mana tao tunga Manetualain paleta na.

MATEOS 5:41

Makanaema hataholi mana koasa matua esa, nakaseti emi lepa bua lo'an dodoo na kilo esa, soona lepa mini bua-lo'as sila dodoo na losa kilo dua.

LUKAS 14:22

Basa boema malalau-maoono ndia nae, ‘Tuan, Tuan paleta na au akalala'o kana so, tehu bei hapu mamana louk ba'u ka.’

LUKAS 14:24

Mafandendelek leona te! Ta hapu hataholi esa boen neme fui nanaka'i basak sila la, neukose name'da nita au fetang ia nana'a-nininun!’ ”

LUKAS 24:29

tehu ala tahan nana lae, “Ata tunga uma te, besak ia hihii,” nae le'odae de mulai makahatu ia so. Boema Yesus masok de sungu nos.

HATAHOLI 16:15

Boema ala salani Lidia no uma isi nala. Salani basan boema, noke ami meu leo uman meu. Nafa'da ami nae, “metema tolanoo kala mame'da nana, te'e-te'e au amahele Yesus soona, mai fo ata teu leo au umang teu.” Boema nakaseti nahele ami, fo ami tunga ndia nonoke na.

HATAHOLI 18:6

Tehu, hu ka nde hataholi la ka'da ala la'ban lakandoon ma lakamumulu-lakamamae kana boema, ana ngganggafuheni daesopuk manai bua-lo'a papake na, fo ana da'di neu ta'du-tana soaneu ana fe nasanene'dak neu hataholi sila sala-singo nala. Paulus nae, “Metema emi hapu susa-soe soona emi salam ndia! Te au po'i au lima nga! Mulai besak ia, au sanga u leo hataholi ta Yahudi la.”

HATAHOLI 28:28

Mate'e na boema Paulus nafa'das nae, “Tolanoo kala muse bubuluk te, besak ia halak la'eneu maso'dak maneme Manetualain mai a, nanatui-benga basak neu leoina fe'ek fo hataholi ta Yahudi la, de ala tungan so!”

HATAHOLI 9:15

Tehu Lamatua ka nafa'da Ananias nae, “Ka'da mu leona! Nana Au hele basa hataholi ndia soaneu nalalau-naoono Au, ma ana tui-benga Au neu leoina fe'ek fo ala beita masok agama Yahudi a fa, ma neu mane-mane kala, boema neu Au hataholi kamaheheleng Israel ngala boe.

ROMA 10:18

Tehu au atane bai, Ade memak sila beita lamanene halak ndia fa do? Tao leo beeo, lamanenen so! Nana nai Susula Malalaok dale nanasulak nae leo ia, “Sila hala nala dolodolo nai basa daebafa ka lala'ena so, sila hala-kokolan losa daebafa ka bu'u nala so.”

2 KORINTUS 5:11

Ami bubuluk, sosoak hata ita bii Lamtua ka; hu ndia de ami sanga enok fo hataholi la lamahele, see ami ia. Manetualain nalelak besa-besa no ami, de au amahena emi boeo malelak ami nai emi dalem dale.

2 KORINTUS 5:20

Da'di ami ia nde bee na, Kristus hataholi nadedenun. Manetualain nanduku-nalosak hala hehelu na, tunga ami. No Kristus na'de na, ami dokodoe manseli neu emi, fo sipo ma Manetualain dale susue na, fo nini fe emi malole falik mon.

2 KORINTUS 6:1

Hu ka nde ami maue-male'di sama-sama mo Manetualain de ami dokodoe manseli fo emi boso makamiminak Manetualain dale malolen ndia.

KOLOSE 1:23

Tehu tao leo bee o emi muse lilineka mahele ma mapadeik mahele nai emi namahehele ma dalek. Boso nalosak emi po'i heni namahehenak fo nanafe basak neu emi, nai lelek emi sipok Hala Malole maneme Manetualai na mai a. Hala Mole ndia nanatui benga basak neu hataholi manai daebafa ka lala'ena. Ma hu no enok ndia de au Paulus, dadi malalau naoono boe.

KOLOSE 1:28

Kristus ndia nde ami tui-bengan neu basa hataholi lala'e na. Ami manoli-mafa'das ma ami fes nasanene'dak, ninik basa ami dudu'a-aafim lala'e na. Ami hihii ma nde bee soona, ami nau moo basa hataholi lala'ena leo Manetualain mai, fo namahehele nala latea-lahele, nanahu ala da'di esa lo Kristus so.

2 TIMOTIUS 4:2

ela leo bee na, o tao mamaloa halak fo maneme Manetualai na mai a, ma boso hahae sanga enok, fo ela hataholi la lamanenen, nana hataholi nggelok nau lamanene ma nggelok ta nau lamanene fa. Ela leo bee na mafa'das fo lamahele, mafa'da sala nala, matetea-maheheles. Boso manoli hataholi no nasak.