LUKAS 14:21 - Susula Malalaok Hehelu Palak Ma Hehelu Beuk

²¹ Malalau-maoono ndia fali ma'in de nafa'da dede'ak ndia neu tua na. Boema tuan ndia namanasa nanseli, de nafa'da malalau-maoonon nae, ‘Meu lai-lai leo eno kala ma eno kaba'ek manai kota ia, fo mo basa hataholi nuu ta-hata tak, hataholi bu'u-ba'ek, hataholi poke-pakek ma hataholi lu'u ei kala leo ia mai.’

LUKAS 14:21 Iomraidhean Croise

MAZMUR 2:12

sene-do'ok nai matan-na, no dele ngge'be-ngge'be, boso nalosak Manetualain da'di namanasa fo emi nanatao namopo-namatek ka'da nai hatematak esa, nana nasa-melun, ana pila no kaiboik. Maua-manalek ba'eneu hataholi fo nasulu-nahapa neu Manetualain!

MAZMUR 38:7

Au akatele ma akabuku, tunga faik, au la'ok no dale he'dik.

YESAYA 35:6

Hataholi lu'uk-ka, neukose nakaboboku sama leo nusa, hataholi hala tak-ka, eeki-natadale no namahoko-seteleek. Nana oemata, ana faa nai moo solokaek-ka, lee faa nai moo maloa,

YEREMIA 5:1

Hei laun Yerusalem-mala lemin, la'ok ndolo-ndolo eno-enok manai emi kotam-ma! Sanga nai basa mamanak lala'en-na, fo mita matam. Palisak mook manai uma manek-ka so'dan-na, ade hapu hataholi manatao ndoos esa, ana sanga enok fo ana lilineka neu Manetualain do ta. Metema hapu, soona neukose Manetualain fe do'o do ampon neu Yerusalem.

ZAKHARIA 11:11

Nai faik ndia boe, hehelu-balataak ndia, ta paken so'on. Basa manadangan bi'ilopo sila-la, taoafik neu au, de lame'da lae, Manetualain bei kola-kola tunga au tatao-nono'ing lala'en-na.

ZAKHARIA 11:7

Au, Zakharia, boema manadangan bi'ilopo-la se'ba au, soaneu foo bi'ilopo, fo neukose nanado'ok sila-la. Au aitete'eng 2; de Au foi esa na'de “Dale Malole” ma esak-ka seluk, na'de, “Hehengek.” Basa boema, au mulai anea, ma au akaboboi bi'ilopo sila-la.

MATEOS 11:28

Mai leo Au mai leona, emi fo mana sota-mangu kala, ma mana lu'a-lepa mabela la lemin; neukose Au fe emi namahoko-sete leek.

MATEOS 11:5

Hataholi poke kala lita, hataholi lu'u kala la'ok, hataholi he'di lou mangalau kala lea-hai; hataholi pake kala lamanene, hataholi mate sala laso'da falik, ma Manetualain Hala Malole na, nanatui-bengak neu hataholi nuu taa-hata ta kala.

MATEOS 15:12

Boema Yesus ana mana tunga nala mai de lafa'dan lae, “Ade Ama bubuluk hataholi Farisi la dale nala ba'i hana, nai lelek lamanene Ama kokolak nae leondia do ta?”

MATEOS 18:31

Lelek fo ata fe'e kala lita manda'dik ndia boema dale nala he'di sa, de leu lafa'da dede'ak ndia, neu mane ka.

MATEOS 20:7

Boema hataholi sila la lae, ‘Hataholi ta noke ami maue-male'di fa.’ Boema osi lamatuak ndia nae, ‘Metema leondiak soona, meu maue-male'di nai au osi angol dale.’

LUKAS 14:13

Da'di, metema o tao feta soona, ka'i hataholi nuu ta-hata tak, hataholi bu'u-ba'ek, hataholi lu'u eik, ma hataholi poke-pakek.

LUKAS 14:20

Nggelok seluk bai soona lae, ‘Besa ka au sao, hu ndia de au ta bisa u fa.’

LUKAS 14:22

Basa boema malalau-maoono ndia nae, ‘Tuan, Tuan paleta na au akalala'o kana so, tehu bei hapu mamana louk ba'u ka.’

LUKAS 14:24

Mafandendelek leona te! Ta hapu hataholi esa boen neme fui nanaka'i basak sila la, neukose name'da nita au fetang ia nana'a-nininun!’ ”

LUKAS 24:47

Susulak ia la boeo lafa'da lae, no Mane Mana Fe So'dak ndia na'de na, muse nanatui-bengak neu basa leoina lala'ena mae, hataholi daebafa ka muse tukatei-saledale, ma mafa'da mae Manetualain fe do'o do ampon neu sala-singo ka. Halak ndia muse nanatui-bengak mulai neme Yerusalem mai.

LUKAS 9:10

Yesus ana manatungan fo nadenu kala fali ma'is boema, ala tui Yesus basa hata fo sila tao-no'i nana. Boema Yesus lelekos fo la'ok sama-sama mesa kasa leo kota Betsaida leu.

YOHANIS 9:39

Boema Yesus nafa'dan nae, “Au mai leo daebafa ka mai, fo Au aketu-ala'di, fo ela hataholi poke kala hapu lita, ma hataholi mananita kala pokes.”

IBRANI 13:17

Tunga emi mauli-malangam paleta na leona, ma makatele neus. Nana sila nde taoafik tatas esa neu emi samane ma, ma sila nde muse lataa neu Manetualai na. Metema emi tungas soona, sila hapu laue-lale'di no dale namahokok; metema ta, soona neukose laue-lale'di no dale he'dik, fo ndia ta nini nanalak fe emi fa.

IBRANI 2:3

Muda hata no so'dak-molek matua ina, fo nanananduku-nalosak tunga hala heheluk ndia bai! Metema ita ta taoafik neu so'da-molek ndia fa soona, tao leo bee o, neukose ita ta tatapo'i teme huhukuk ndia mai fa. Nanahu Lamatua ka mesa kana nde makasososa po'a-benga so'da-molek ndia, ma hataholi fo lamanene makasososa nana, ala fe basa buti ndo na neu ita so.

YAKOBIS 2:5

Mafandendelek tolano-tolanoo susue-lalai ngala lemein! Manetualain hele basa hataholi nuu taa-hata tak manai daebafak ia la, ala da'di hataholi kamasu'ik nai namahehele ka dalek. Neukose hataholi sila la, nde da'di Manetualain hataholi kamahehelen, sama leo Manetualain helu basan neu hataholi mana sue-lai nana.

NINITAK 19:15

Tafaina matane esa kalua neme bafa na mai, ma ninik tafaina ndia de neukose Ana sengi leoina la ma neukose Ana paletas ninik ai tete'e besi. Ana ka'bi ango la nai Manetualain Fo Mana Koasa kaka'bi angol nasa-melu na dalek.

NINITAK 22:17

Manetualain Dula Dale na ma Penganten Ina ka lafa'da lae, “Mai leona!” Basa hataholi fo lamanene dede'ak ia boeo, muse lafa'da lae, “Mai leona!” See fo ana maa ma'da soona, ela leo bee na ana mai! Ma see fo nahii kana soona, ela leo bee na ana ho'i oe fo manafe maso'dak ndia no ta bae fa.

SEMUEL SUSULAK-KA ESAN-NA 2:8

Ana so'u hataholi nuu taa-hata taak-ka neme doi-doson mai, Ana soi-po'i hataholi nananakadadaek-ka neme doidosok-ka mai. Ana taos da'di manefetoana-la tia-lain, ma Ana fes nangatuuk maha'da-holomatak Manetualain nde nanuu daebafak-ka buin-na, de nafofo'a daebafak-ka nai lain.

SEMUEL SUSULAK-KA ESAN-NA 25:12

Boema, Dauk solda'dun-nala fali le'us leo Dauk leu, de lafa'da Nabal hala-kokolan sila neu Dauk.