LUKAS 13:35 - Susula Malalaok Hehelu Palak Ma Hehelu Beuk

³⁵ Hu ndia de Manetualain ta nau nok o seluk fa. Bubuluk leona, te mulai besak ia, neukose o ta mita seluk Au losa o mafa'da mae, ‘Nanaba'e-palak neu Ndia fo ana mai no Lamatua ka na'de na.’ ”

LUKAS 13:35 Iomraidhean Croise

MAZMUR 118:26

Nanaba'e-palak ba'eneu ndia fo, ana mai no Manetualain na'den-na, ami fe emi baba'e-papalak, neme Manetualain Uman mai.

MAZMUR 69:25

Po'a O nasa-melum neu sila, ma nemen-na fo, O nasa-melum fo, manapila lo'a-lo'am-ma, ana tuni nalas.

YESAYA 52:7

Namahokok nanseli, mete hataholi nadedenuk-ka, mamain-na; ana la'ok la'di letelepak-ka de neni hala malole, hala so'da-molek, hala so'da-molek ba'eneu Sion; nae, “O Manetualaim-ma Manek!”

YEREMIA 22:5

Tehu metema emi ta tao tunga Au paletang ia fa soona, Au soo-supa ae, neukose uma manek ia ana da'di batu-ai madodok. Au, Manetualain, nde manakokolak-ka.

YEREMIA 35:17

Hundia, de Au, Manetualain Fo Manakoasa, fo Israel Manetualain-na, neukose uni fe emi hataholi Yehuda-la ma Yerusalem-mala – basa totoa-tataak fo Au aketu basan soaneu emi, sama leo hata fo Au afa'dak-ka. Au afa'da dede'ak ndia nanahu emi ta nau mamanene, metema Au kokolak o emi, ma emi ta nau mataa fa metema Au alo emi.”

MIKHA 3:12

Hu kande emi tatao-nono'i mangalaum ndia, de neukose lakauuk Sion sama leo hadeoe, neukose Yerusalem da'di ai-batu madodouk, ma pupukuk fo Manetualain Uman-na, neukose ana da'di nula na'u-aiana.

ZAKHARIA 12:10

Basa boema, Dauk tititi-nonosin, boema neukose Au fe laun Yerusalem-mala, dalek fo nau sue-lai, ma nau hule-haladoi. Neukose ala mete ndia fo ala pau basan so, fo ala kii-makaleleun, sama leo hataholi kii-makaleleu ana kisan-na. Neukose ala kii-makaleleu no dale he'dik, sama leo hataholi fo namopo ana ulun-na.

ZAKHARIA 14:2

Neukose Manetualain naloo nakabubua basa leoina-la, fo leu sapu-la Yerusalem. Neukose ala loso-la kota ndia, ala bonga uman-nala ma ala sungu loo inan-nala. Neukose, ala foo leni laun-na seli, leo mamana tu'u-tapak neu, tehu bei ela hataholi-la, ala leo lahele nai kota ndia.

MATEOS 21:9

Hataholi makadotok fo mana la'ok nai Yesus uluk ma manai dea na lalo bebou lae, “So'dak neu Dauk Ana na! Baba'e-papalak neu Ndia fo ana mai no Manetualain na'de na! Koa-kio Manetualain, fo Matua Madema ndia!”

MATEOS 23:37

“Yerusalem, Yerusalem! O taomisa nabi la. Boema o pia Manetualain hataholi nadedenu nala ninik batu losa mates. La'i de'ubee, Au hii holu o hataholi mala sama na leo manu ina nasaluluku ana nala nai li'dan dale, tehu emi ta nau fa!

LUKAS 19:41

Lelek Yesus boetai deka no Yerusalem, de Ana mete nita kota ndia boema Ana kii.

LUKAS 21:24

Hapu nggelok neukose nanataonisak ninik tafaina, hapu nggelok neukose lon da'dileo hataholi nanahukuk leo hataholi nusa-namon. Hataholi fo ta nalelak Manetualai na, neukose ala heheta-aa'i Yerusalem losa basa faik fo Manetualain naketu basan soaneu sila.”

YOHANIS 12:13

Boema ala ho'i ai palem do de leu solu kana. Ala eki bekao lae, “Koa-kio Manetualain leona! Baba'e-papalak ba'eneu Ndia fo Ana mai no Manetualain na'de na. Baba'e-papalak ba'eneu Mane Israe la!”