LUKAS 13:25 - Susula Malalaok Hehelu Palak Ma Hehelu Beuk

²⁵ Nai lelek uma lamatuak fo'a napadeik de ana kena lelesu na, ndia te emi mapadeik nai deak de emi dedelu lelesu a, boema emi mafa'dan mae, ‘Tuan, soi fe ami lelesu leona!’ Soona neukose Tuan ndia nataa nae, ‘Au ta bubuluk emi meme bee mai fa!’

LUKAS 13:25 Iomraidhean Croise

KEJADIAN 7:16

nandaa no Manetualain paleta neun. Lelek basa-basas masok lala dalek boema, Manetualain kena ofak-ka lelesun-na neu.

MAZMUR 32:6

Hu ndia de, basa hataholi kamahehelek-kala muse hule-haladoi nai lelek ala la'ola'di to'a-taak-ka, nalosa metema faa susa-soe-a ana mai soona, ta la'e fan.

YESAYA 55:6

Fali leo Manetualain mai leona, nai lelek bei bisa hapun; maloo bou-bou neun, nai lelek Ana deka.

MATEOS 25:41

Basa ndia boema, neukose Manek ndia nafa'da hataholi manai boboa kii na nae, ‘La'o heok meme ia mai, hei hataholi mangalau kala lemin! Masok leo ha'i mana mate ta ka dalek meu, te mamanak ndia nanasadia basak soaneu nitu a no basa lima ein lala'ena!

LUKAS 13:27

Tehu Tuan ndia neukose nafa'da seluk nae, ‘Au ta bubuluk emi meme bee mai fa. La'o meme ia, hai emi fo hataholi mangalau kala lemin!’

LUKAS 3:8

Matu'du minik emi tatao-nono'im mae emi tukatei-saledale basa neme emi sala-singom mai so. Boso mafa'da mae Abraham nde bee na, emi bei-ba'ikaim. Mafandendelek: te neme batu ia la mai boeo, Manetualain nabi'i tao tititi-nonosik soaneu Abraham!

LUKAS 6:46

“Tao le'e de emi maloo Au mae, ‘Lamatuak, Lamatuak,’ tehu ta tao-no'i hata fo Au afa'dan neu emi a fa?

2 KORINTUS 6:2

Nai Susula Malalaok dale Manetualain nafa'da nae, “Nai faik fo Au ahii kana, Au amanene basa o so, ma nai fai so'da-mole ka, Au tulu-fali basa o so.” Mafandendelek matalolole, te besak ia nde faik fo Au ahiik ndia! Besak ia nde faik soaneu emi nanasoi-tefak!

IBRANI 12:17

Emi bubuluk mae makabui na, Esau nahiik hapu baba'e-papalak ndia neme aman mai, tehu ana tipahenin. Nana leomae no kikii-makaleleuk, ana sanga enok, soaneu ana taonahi sala na, tehu failoak soaneu dede'ak ndia, ta hapun so'ok.