LUKAS 13:11 - Susula Malalaok Hehelu Palak Ma Hehelu Beuk

¹¹ Nai ndia hapu inak esa, namahe'di teuk sanahulu falu so, nanahu dula dale mangalau ka nai aoinan dale. Inak ndia pukudouk, de ana ta hapu napadeik natetu makandondook fa.

LUKAS 13:11 Iomraidhean Croise

AYUB 2:7

Boema, Nitu-a la'o neme Manetualain matan-na, de ana fe bisu puluk-ka la'e Ayub aon-na lala'en-na, neme ein-na losa langan-na.

MAZMUR 145:14

Manetualain tulu-fali hataholi fo, nai susa dale, ma Ana tao natetu hataholi makatelek-ka langan-na.

MAZMUR 146:8

ma Ana tao-na hataholi pokek-kala lita, Ana hela nafofo'a hataholi manatu'uk-ka, ma Ana sue-lai hataholi manatao tunga ndoon-na.

MAZMUR 38:6

Au bisung-ngala nanak mesa-mesan, ma laboo pulu, nanahu au tao nono'kabai, au amanggoa.

MAZMUR 42:5

Au daleng-nga he'dis-sa, metema au afandele fai makahulun-na, lelek au u leo Manetualain Uman sama-sama o hataholi makadotok, fo tao fai malole. Au la'ok nai hataholi fo langanongo-a uluk no eeki-natadalek ma nakamee kokoa-kikiok.

MAZMUR 6:2

Manetualain, boso fepa-li'u au nai O nasa-melum-ma dalek, boso huku au, nai O nasa-melum-ma dalek.

MATEOS 4:23

Yesus la'ok okofefeo basa nusak lala'ena de nanoli neme uma mamaso kala dalek. Ana tui-benga Hala Malole nae, ta doo ka so'on te neukose Manetualain paleta so. Boema nakahahaik hataholi kamahe'di sala, hataholi poke pake kala, ma lu'u ei-la'di lima kala.

MARKUS 9:21

Boema Yesus natane ni'iana ndia aman nae, “Ni'iana ia, ana tao leo iak faik de'ubee ia so?” Ni'iana ndia aman nae, “Neme bei ana-na mai!”

LUKAS 13:12

Lelek fo Yesus mete nitan boema, Ana bou kana nae, “Ina, lea-hai meme o he'di ma mai leona!”

LUKAS 13:16

Naa, besak ia nai ia, hapu inak esa Abraham tititi-nonosin, fo teuk sanahulu falu dale na Nitu pa'a nan so. Ade inak ia ta bole nanase'i-po'ik neme papa'an ndia nai fai Saba ta fa do?”

LUKAS 21:28

Metema dede'ak sila la mulai da'di soona, fo'a ma so'uk langa mala leona, nana ba'ihanak seluk faa bai te, neukose emi nanasoi-tefak.”

LUKAS 8:2

Leondiak boe, inak de'ubee fo nananakahahai basak neme dula dale mangalau ka ma he'di-lau sa mai. Inak sila la nde: Maria, fo loken boeo lae, Magdalena, (nanahu dula dale mangalauk hitu, nanakalua basak neme aon dale mai);

LUKAS 8:27

Nai lelek Yesus kona leo dae mada ka neu boema tou nitu sa'ek esa ana mai leo Yesus mai. Hataholi ndia neme kota mai. Doo ka so ana ta pake bua-lo'as ma ana ta nau leo nai uma fa. Ana nau ka'da leo nai lea-luak manai late sala.

LUKAS 8:43

Nai dalek hapu inak esa, teuk sanahulu dua dale na ana po'a daak, fo natutik no he'di bula na. Ana nabasa hata-heton soaneu namo'do nai dote la, tehu ta hapu lakahahaik lala fan.

HATAHOLI 3:2

Nai Lelesu Ina mata na, hapu lelesu esa na'de Lelesu Mana'a Hiik. Hapu touk esa nangatuuk nai ndia. Touk ia inan bongin te lu'uk so. Tunga faik lon leondia neu fo noke su'di bee ka neme hataholi mana masok leo Amak Manetualain Uman dale neu a.

HATAHOLI 4:22

Hataholi fo ana hapu lea-hai ninik manda'di beuk ndia, teun hahulu lenak so.