LUKAS 12:43 - Susula Malalaok Hehelu Palak Ma Hehelu Beuk

⁴³ Ua-nalen ba'u na seli malalau-maoono ndia, metema tua na fali ma'in te ana hapu nan bei tao-no'i bela-ba'un!

LUKAS 12:43 Iomraidhean Croise

MAZMUR 101:6

Au ahiik hataholi fo, ana lilineka neu Manetualain; hataholi sila, bole leo nai au umang. Hataholi fo aso'dan-na bu'u-ba'en ta, bole nalalau-naoono au.

AMSAL 27:18

See nakaboboi ai soona, neukose na'a boan-na. Neukose malalau-maoono, nanafe ha'da-holomata, metema ana sue-lai tuan-na.

YESAYA 56:2

Au be'e-pala hataholi fo, ana tao natetu fai Sabat-ta, ma ana ta tao nanggenggeo faik ndia fa. Hataholi fo, ana ta tao tatao-nono'i mangalauk fa, neukose Au taon no malole.”

MATEOS 24:46

Malalau-maoono ndia naua-nanale nanseli, metema tua na ana fali ma'in te nitan ana bei pue-lau no bela ba'un.

LUKAS 12:37

Ua-nalek ba'u na seli ba'eneu malalau-maoono fo tua na hapu nan bei nahani lahele nai lelek tua na mai. Mamahele leona! Neukose tuan ndia nahehele aon fo nadenu malalau-maoonon sila la langatuuk fo nalalau-naoonos.

LUKAS 12:42

Lamatua ka nataa nae, “See ka nde malalau-maoono mana lilinekak ma manatee tenok ndia, de nalosa tua na so'un da'di malangan neu malalau-maoono fe'e kala, fo daenga ana fes la'a-linu la'e fai na?

LUKAS 12:44

Mamahele leona! Te tuan ndia, neukose fe basa hata-heton lala'ena neu malalau-maoono ndia.

2 PETRUS 3:14

Hu ndia, tolanoo susue-lalai ngala lemin! Nai lelek fo emi mahani Faik ndia, emi muse sanga enok te'e-te'e, fo emi so'da ma malalaok ma sala-singo tak nai Manetualain matan, Boema makaboboi emi tututi-nanatom no Manetualai na fo, malole nahele.