LUKAS 12:35 - Susula Malalaok Hehelu Palak Ma Hehelu Beuk

³⁵ “Manea fo masasale matak mo basa dede'ak lala'ena. Emi muse maheheleaom tataas esa ma emi banu ma manapilak nahele,

LUKAS 12:35 Iomraidhean Croise

1RAJA-RAJA 18:46

Lelek ndia, Elia hapu be'i-balakaik neme Manetualain mai. Ana ki'duk ba'du manalun-na leo lain neu de ana pa'an neu tala'da na, boema nalaik nakahuluk neme Ahab nai eno manalu ndia, losa kota Yizreel-la lelesuinan-na.

AMSAL 31:17

Ana sadia matalolole aoinan-na, fo naue-nale'di no puselaipana.

YESAYA 11:5

Ana ho'i nakeketuk tunga ndoos ma matetuk, ma manalilinekak nai basa hata lala'en-na dalek.

YESAYA 5:27

Laheheleaon tataas esa, soaneu latee-lata'ti, ma ala ta sota-mangu lita fa. Ala ta sungu, do teekauk lita fa.

MATEOS 25:1

“Metema Ana Hataholi ka Ana mai sama leo Lamatua ka soona, heheo-hihilun sama leo nakandandaak ia: Ana fe'oanak sanahulu lini banuk fo ala sipok mana ka'bing tou ka mamai na. Esa na nini banuk esa fo leu soluk mana ka'bing tou ka.

MATEOS 5:16

Leondiak boe emi muse da'di mangale'dok nai hataholi a matan, fo ela lita emi tatao-nono'i malole ma, fo no enok ndia, hataholi a hapu koa-kio emi Amam manai nusa so'da ka.”

LUKAS 12:36

sama leo malalau-maoono fo bei naheheleaon nahani tua na fali ma'in neme feta kabing mai. Metema tuan ndia fali ma'in fo ana dedelu lelesu soona, neukose no lai-laik ala soi lelesu a.

EFESUS 6:14

Ela leo bee na, emi manea tataas esa. Pake lilinekak neu Manetualai na, da'di neu kalikee, boema dale ndo sa, da'dileo, o ba'du besi ma.

FILIPI 2:15

No enok ndia, emi matu'du mae, emi nde bee na Manetualai nanan, fo sala-singo ta kala, ma emi maso'da tunga ndo na ma emi ndoos nai hataholi mangalauk fo masala-masingo kala tala'da. Ma nai lelek fo emi manduku-malosak halak mana fe so'da ka neu hataholi sila la, ela leo bee na emi mangale'do nai sila tala'da, fo nangale'do na daebafa ka. Metema emi maso'da leondiak soona, neukose au hapu ne'ek soaneu au amatutua-amadedema emi nai lelek fo Yesus Kristus fafali ma'i na. Fo ndia da'di buti nae, au sota-mate te ta louk fa, ma au hapu au tutunga-sasangang buna-boan.

1 PETRUS 1:13

Hu ndia de, ela leo bee na mahehele ao ma leona. Manea ma mamahena no dale katema tuak neu baba'e-papalak fo, neukose nanafek neu emi, nai lelek fo Yesus fali ma'in.