LUKAS 12:31 - Susula Malalaok Hehelu Palak Ma Hehelu Beuk

³¹ Tehu emi muse sanga enok makahuluk, fo ela Manetualain paleta emi so'da ma soona, neukose fe'ek sila la boeo Manetualain fen neu emi.”

LUKAS 12:31 Iomraidhean Croise

MAZMUR 34:9

Mame'da aom, Manetualain dale malolen-na, ba'un-na seli, Maua-manalek ba'eneu hataholi fo, nasulu-nahapa neun.

MAZMUR 37:19

Nai lelek lai to'a-taak-ka dalek, neukose ala ta doi-doso fa, nai tepo-lelek la'a-ndoes-sa, neukose ala lamasu'i-lakabete.

MAZMUR 37:25

Neme au muli-solung-nga losa au amalasi so, au beita ita Manetualain la'oela hataholi malole-a fa, do upu-anan da'di hataholi manaloke su'di beek-ka.

MAZMUR 37:3

Mamahele neu Manetualain, ma tao-no'i hata fo malole-a, leo nai nusak ndia, ma makaboboi o aoinam-ma, no lilinekak.

MAZMUR 84:11

Malole lenak faik esa, nai O Umam, lena heni faik lifun esa, nai mamana fe'ek. Au helen da'di manamanea lelesu nai au Manetualaing-nga Uman, lena heni leo nai hataholi mangalauk-ka uman.

YESAYA 33:16

Soona neukose, emi nananasulu-nahapak, ma matapo'i neme soe-a mai, nono'kabai, nai kota musu matea-mahelek dale. Neukose, nana'ak ma nininuk, nanasadiak ba'eneu emi.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

LUKAS 10:42

te see ko na fo nanapaluu ka, ka'da dede'ak esa mesa kana. Maria hele basa hata fo malole a, fo neukose ta nanaho'ik neme ndia mai fa.”

LUKAS 12:30

Dede'a-dede'ak leondia ka nde hataholi fo ta nalelak Manetualai na, ana usi nana. Te se'ko na emi Amam bubuluk nae, memak emi paluu basa sila lala'ena.

YOHANIS 6:27

Boso sanga ka'da nana'a kabook fo hapu basan. Te sanga nana'a kaboo ta ka, ma nana'a manini maso'da matetu ka, ma manaketu basa ta ka. Fo Ana Hataholi ka nde fe emi nana'ak ndia. Nanahu Amak Manetualain so'u basa Ana Hataholik ndia so.”

ROMA 8:31

Ade besak ia ita tae le'e bai? Metema Manetualain nok ita soona, see kande napalani laban ita?

1 TIMOTIUS 4:8

Nanoli ao paa ka, sosoa-ndandaan ka'da faa anak mesa kana, tehu nanoli samane ka, sosoa-ndandaan ba'una seli nai basa dede'ak lala'ena dalek, nana isi na, hehelu balataak soaneu ita maso'dan nai besak ia ma nai fai mana mai ka.

IBRANI 13:5

Boso fe doi ka koasa emi so'da ma, tehu ela leo bee na emi mamahoko neu hata fo emi manuu ka. Nana Manetualain nafa'da basa nae, “Neukose Au ta po'ilotak emi do la'oela emi fa.”