LUKAS 11:4 - Susula Malalaok Hehelu Palak Ma Hehelu Beuk

⁴ Fe do'o do ampon neu ami sala-singo mala, nana ami boeo fe do'o do ampon neu basa hataholi fo sala-singo neu ami a. Ma boso po'ilotak ami mopo namahehelek nai lelek ami nanasoso'ba-susu'dik.’ ”

LUKAS 11:4 Iomraidhean Croise

KEJADIAN 48:16

Ndia nde ata nusa so'dak fo ana se'i-po'i au eme soe lala'en-na mai so. Sa'di leo been-na Manetualain ndia, ba'e-pala ni'iana ia-la. Sa'di leo been-na, au ma Abraham ma Isak na'dem mala nanakoa-nanakiok, hu kande n'iana ia-la! Sa'di leo been-na, ala bongi upu anak, ma tititi-nonosin makadotok nai daebafak-ka.”

1RAJA-RAJA 8:34

ela leo been-na O mamanenes nai nusa so'dak-ka. Sa'di leo been-na O fe do'o do ampon neu O anam ia la sala-singon, ma moos fali leo nusak fo O fe basan neu sila bei-ba'i kai nala so.

1RAJA-RAJA 8:36

sa'di leo been-na, neme nusa so'dak-ka mai, O mamanene sila. Ma fe do'o do ampon neu O ana mala ma sila manen-na sala-singo nala. Manolis tao hata fo ndoos sa. Basa ndia soona, ou Manetualain, makona u'dan leo O nusam ia, nusak fo O fen neu O ana mala soaneu da'di sila nuun losa dodoon-na.

MAZMUR 121:7

Neukose, Manetualain nasulu-nahapa o, neme susa-soe-a mai, Ana nanea o, fo ela o maso'da.

MAZMUR 25:11

Manetualain, fe do'o do ampon neu au, nandaa no O hala hehelu-balatam-ma, nana au salang-nga ba'un-na seli.

MAZMUR 25:18

Taoafik neu au doi-dosong, ma au toto'a-tataang, ma fe do'o do ampon neu basa au sala-sinong-ngala.

DANIAL 9:19

Manetualain, mamanene ami, fe do'o do ampon neu ami, taoafik neu ami ma ho'i nakeketuk no lai-laik! Boso makadodook-kana, fo ela basa hataholi-la bubuluk lae O nde Manetualain. Nana O nuu matetum Yerusalem ma O anam-mala.”

HOSEA 14:2

Hai leoina Israel-la lemin, fali me'um-ma leo emi Manetualaim-ma meu leona! Emi sala-singom tao-na emi kosik, de emi tu'u meu.

MATEOS 18:35

Yesus tui nate'e tutui na ninik dede'a ka nae leo ia, “Leondiak boe, Au Amang manai nusa so'da ka, neukose Ana tao emi esa-esak leondiak boe, metema emi ta fe do'o do ampon neu emi tolanoo ma no dale katematuak fa.”

MATEOS 26:41

Manea ma hule-haladoi leona, fo ela emi boso hapu soso'ba-susu'dik. Memak emi dula dale ma nahiik tao tatao-nono'i ndoos, tehu emi ta mabe'i fan, nana hataholi daebafa ka ha'da-tataon tapandoes.”

LUKAS 11:5

Yesus nafa'da ana manatunga nala nae, “Leo uni ka hataholi esa nai emi dalek neu leo nonoo na uman nai fatila'dak ma nae, ‘Tolanoo ei, au tona o lotim telu dei,

LUKAS 13:4

Tao leo beek boe no hataholi kasanahulu faluk fo manamatek leme Siloa ma, nai lelek fo uma ndia puni madema na napaluni nalas? Emi maedaenga ndia da'di natutu'duk esa nae, hataholi sila la masala-masingok lenaheni basa hataholi fe'ek fo manaleo leme Yerusalem ma do?

LUKAS 22:46

Boema nafa'das nae, “Tao le'e de emi sungu? Fo'a leona, fo hule-haladoi, fo ela emi boso hapu soso'ba-susu'dik.”

LUKAS 8:13

Bini-ngges fo manatu'da lai mamana mabatuk lai na, nakasasama na nde hataholi fo nai lelek lamanene halak ndia, boema ala sipo kana no dale namahokok. Tehu halak ndia ta nahuu-naoka nai dale nala dalek fa. Ala lamahele ka'da ba'ihanak mesan, de nai lelek soso'ba-susu'di ka ana mai, boema ala fali deak.

YOHANIS 17:15

Au ta oke Ama ka ho'i nalas leme daebafa ka ia mai fa, tehu Au oke ela leo bee na, Ama ka naneas leme Nitu Mangalau ka mai.

1 KORINTUS 10:13

Emi la'ola'di soso'ba-susu'di kala nde bee na, soso'ba-susu'di mandoo fai sila. Tehu Manetualain ta nafandele heni hala hehelu na fa. Neukose Ana ta po'ilotak emi nanaso'ba-su'dik lena neme emi balakai ma mai fa. Hu ndia de, metema emi matongo mo soso'ba-susu'di ka soona, Ana fe emi enok fo daenga emi makatatakak mahele.

KOLOSE 3:13

Esa boso hae lai namanasa esa boen, esa fe do'o do ampon neu esa, metema esa bei nape'da dalek no esa. No namahokok. Lamatua ka ana fe do'o do ampon neu emi so.

2 TESALONIKA 3:3

Tehu Lamatua ka, mana lilinekak. Neukose natetea-nahehele emi, ma nasulu-nahapa emi neme Hataholi Mangalauk ndia mai.

2 TIMOTIUS 4:18

Memak neukose Lamatua ka soi-po'i au eme hataholi mana mape'da dale mangalauk lo au a. Neukose no falik au no so'dak, leo nusa so'da ka neu. Ela leo bee na Lamatua ka nananamatutua-namadedemak losa dodoo na! Amin.

YAKOBIS 2:13

Nana neukose Manetualain ta natu'du susue-lalain neu hataholi fo, ta nalelak susue-lalai ka fa. Tehu susue-lalai ka, neulau na ba'u lena hoholo-lalane ka.

NINITAK 2:10

Boso bii neu doidosok fo ta doo ka soo'on te emi muse la'ola'din. Mafandendelek, te neukose Nitu tao emi nggelok leo bui dale neu soaneu emi nanaso'ba-su'dik. Neukose emi doidoso faik sanahulu dale na. Ela leo bee na emi lilineka neu Au losa mate, soona neukose Au fe emi so'da matetu ka ma manaketu basa ta ka da'dileo bua palsen sesengik.

NINITAK 3:10

Emi matea-mahele sama leo Au paleta basan neu emi a. Da'di neukose Au asulu-ahapa emi nai lelek Au so'ba basa hataholi manai daebafa ka ninik toto'a-sosota matuaina.