LUKAS 11:26 - Susula Malalaok Hehelu Palak Ma Hehelu Beuk

²⁶ Boema ana la'o de neu leleko no dula dale fe'ek hitu mangalau na lena neme ndia mai bai. Basa boema ala masok leo hataholi ndia dale leu de ala leo leme ndia leona. Neu mate'e na hataholi ndia ha'da-tataon mangalau na lenaheni makahulu na mai.”

LUKAS 11:26 Iomraidhean Croise

ZEFANYA 1:6

Neukose, Au tao amopo-amate sila, fo ala ta mai leo Au mai fa, do loke Au hehela-nonoleng, ma sila fo manala'o ela Au, ma ala ta nau tunga Au so'on.”

MATEOS 12:45

Boema ana fali de, nalo no seluk dula dale mangalauk hitu, mangalau nala lena heni ndia. Basa boema ala masok leo hataholi ndia dalek leu de ala leo leme ndia. Neu mate'e na, hataholi ndia ha'da tataon, mangalau ba'u lena heni makasososa na. Ha'da tatao matak leondia ka, ana da'di neu hataholi mangalauk besak ia la boe.”

MATEOS 23:15

Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala! Emi la'di tasi, fo emi meu leo dae dook meu, ma emi la'ok mafeo basa dae ma'dak lala'ena, ka'da soaneu hataholi esa ana masok emi agama ma. Fo hataholi ndia ana masok nai emi agama ma dalek soona, emi tao ma hataholi ndia hihii nae da'di tasi ha'i ka isi na, fo mangalau na lena heni emi la'i dua bai!

LUKAS 11:25

Lelek ana losa naa, te nita uma ndia balisi ma nanape'da fua matalololek so.

LUKAS 11:27

Yesus kokolak basa nae leondia boema, inak esa nai hataholi makadotok sila la tala'da nafa'da Yesus nae, “Tete'e ka, maua-manalek neu inak fo mana bongi ma manamasu'u O a!”

YOHANIS 5:14

Basa ndia boema, Yesus natongo no hataholi ndia neme Manetualain Uman dale, boema nafa'dan nae, “Besak ia o hai so. De boso boe tao sala-singok seluk bai, fo ela o boso boe hapu he'di mangalauk, lenaheni ia bai.”

1 YOHANIS 5:16

Metema emi mita emi nonoo salanim esa, ana tao salak esa, leomae ta nini mamates fe fan, soona ela leo been-na, emi hule-haladoi neu Manetualain fo Ana fe hataholi ndia, maso'da matetu ka, ma mana ketu basa ta ka. Dede'ak ia nandaa no hataholi fo ana tao salak, te salak ndia ta nini mamates fe fan. Tehu emi boso hule-haladoi neu Manetualain, soaneu hataholi fo sala na nini mamates. Emi tao salak soona, hule-haladoi neu Manetualain.