LUKAS 11:22 - Susula Malalaok Hehelu Palak Ma Hehelu Beuk

²² Tehu metema hataholi esa balakai na lena, fo ana sapu nan ma ana sengin, soona hataholi fo balakai na lena ndia, neukose ana loso na basa tee-tafa fo uma lamatuak namahenak ndia, boema ana baba'e basa bua-lo'as fo ana loso nalas.

LUKAS 11:22 Iomraidhean Croise

KEJADIAN 3:15

O ma inak ndia, neukose esa musu no esa, ma tititi-nonosin ma o tititi-nonosim, neukose esa musu no esa. Neukose tititi-nonosin, tutu lakabebelak o langam-ma, ma neukose, o kaan neu sila eitingan-nala.”

KELUARAN 15:9

Musu nafa'da nae, ‘Neukose au usis, fo au ho'u-alas, au fe'a au tafainang-nga, de au ta'ti isas. Boema au loso-a hata-heto-nala, au baba'en, fo au u'a-paken losa au doa-henin.’

YESAYA 27:1

Nai lelek ndia, neukose Manetualain pake tafaina matea ma matanen-na, fo Ana huku Lewiatan, menge fo manaule-po'de ma ana leleke ndia, ma soaneu taonisa buta tasi-a.

YESAYA 53:12

Ana fe heni so'dan-na, no dale hihii-nanau mesan-na, de nanalekek nai hataholi mangalauk-kala, dede'un-na dalek. Ana nasaa, hataholi makadotok sala-singon, ma ana hule-haladoi, fo ela hataholi sila, hapu do'o do ampon. Boema Au fen hataholi makadotok, da'di leo bua palsen, ma ana hapu baba'ek sama-sama no hataholi ndoos-sala.”

LUKAS 11:21

Metema hataholi balakaik esa, no tee-tafa mandaik nanea uma na mesa kana soona, basa hata-heton neukose laso'da.

LUKAS 11:23

Hataholi fo ta nok Au a, te'e-te'e ana la'ban Au, ma hataholi fo ta tulu-fali Au fo tao nakabubua bi'ilopo la soona sosoa na nae, ana tao nalutu Au tatao-nono'ing, nanahu ana tao tapasasala bi'ilopo sila la.”

EFESUS 6:11

Pake la'i esak tee-tafa musu fo Manetualain fen neu emi a, fo ela emi hapu makatatakak mabe'i nitu a keke'di-ndindiun ma maa mangana'u na.

EFESUS 6:13

Hu ndia de besak ia, pake la'i esak Manetualain tee-tafa musun lala'e na, fo ela neu fai mangalau na, fo musu a nasasale matak no emi soona, emi matati mabe'i. Ma fo ela emi matati basa losa mate'e na te, emi bei mapalani manseli.

KOLOSE 2:15

Nai ai nggangek lain, Kristus tao nala dula dalek fo ala paleta ma ala koasa, basa-basas male henis. Ana tao na basa daebafa ka lita, Ana hela nos, sama leo hataholi nanatahan ala, nai lelek fo Ana tao feta fai sesengi na, nono'ka bai hataholi nanahuku kala, fo Ana taos da'di natutu'duk esa nai lea matan.

1 YOHANIS 3:8

Tehu hataholi mana tao sala-singok nakandondoo heni na, Nitu anan hataholi ndia, nana Nitu a tao sala-singok neme makasososan eli mai so. Hu ndia de Manetualain Ana na mai fo daenga Ana tao nakalulutuk Nitu a tatao-nono'i mangalaun sila la.

1 YOHANIS 4:4

Tehu, ana ngala lemin! Manetualain nuun emi so. Hu ndia de, emi sengi nabi pepeko kala nana, emi Dula Dale ma koasa na ba'u lena heni, daebafa ka hataholi nala dula dale na.