LUKAS 11:19 - Susula Malalaok Hehelu Palak Ma Hehelu Beuk

¹⁹ Metema leondiak na no see koasa na emi ana manatunga mala usiheni dula dale mangalauk sila la? Emi ana manatungam sila la nde da'di ta'du esa nae, emi nde sala!

LUKAS 11:19 Iomraidhean Croise

AYUB 15:6

Ta paluu, au kalaak do au fe salak neu o fa, nana, hu kande o hala-kokolam, de o nanakalaak.

MATEOS 10:25

Metema ni'iana sakola ana esa, ana da'di sama leo mese na, ma ata esa, ana da'di sama leo malanga na soona, dai so. Makanaema malanga uma lo a, ala foi basa na'de na lae Baalzebul, soona muda hata no uma isi nala bai. Neukose ala fes na'dek esa, mangalau na ba'u lena seluk ndia bai!”

MATEOS 4:24

Ala benga Yesus nafeo basa nusa Siria lala'ena, nalosa hataholi makadotok mai leo Yesus mai. Ala lo basa hataholi kamahe'di mata-mata kala ma hataholi mana to'a-ta kala. Hataholi nitu sa'e kala, kamulu bi'i kala, ma lu'u ei kala de Yesus nakahahaik basa-basas.

LUKAS 19:22

Manek ndia nafa'dan nae, ‘O malalau-maoono mangalauk! Neukose au huku o nandaa no o hala-kokolam. O bubuluk au hataholi fo dale matea. Au ho'i hata fo ta au nung fa, ma au ketu-kolu buna-boak nai mamanak fo au ta sele-nggali fa.

LUKAS 9:49

Boema Yohanis nae, “Tunggulu, ami mita hataholi usiheni nitu ninik Tunggulu na'de na de ami ka'in, nana hataholi ndia ta neme ita nakabubua na mai fa.”

HATAHOLI 19:13

Hapu hataholi Yahudi la hataholi mana puli malelak he'dis de'ubee, leu leo basa mamanak lala'ena leu fo ala usiheni dula dale mangalau kala leme hataholi la aon dale mai. Hataholi mana puli he'dis sila la boeo ala so'ba-so'ba pake Lamatuak Yesus na'de na, fo ala usiheni nitu la. Lafa'da dula dale mangalauk sila la lae, “No Yesus fo Paulus tui-bengak ndia na'de na, au usiheni emi!”

ROMA 3:19

Besak ia ita bubuluk basa, hoholo-lalanek fo nanasula basak nai agama Yahudi a hoholo-lalanen dale ndia, soaneu hataholi fo laso'da lai hoholo-lalanek ndia paleta na dae. No enok ndia, ta hapu hataholi esa boen, hapu fe ne'ek hata-hata so'on, ma Manetualain kalaak basa daebafa ka lala'ena.