LUKAS 10:2 - Susula Malalaok Hehelu Palak Ma Hehelu Beuk

² Yesus nafa'das nae, “Buna-boak fo neukose nanaketu-kolu ka ba'u ka, tehu manaso'u belak soaneu keketu-kokoluk, ka'da lumanak. Hu ndia de moke tina lamatuak, fo daenga ana haitua manaso'u belak mai soaneu ketu-kolu bubu'u-palusan buna-boan.

LUKAS 10:2 Iomraidhean Croise

1RAJA-RAJA 18:22

Basa boema Elia nae, “Nai Manetualain nabin-nala dalek, ela ka'da au mesang-nga, te se'kona nai ia hapu nabi Baal-la natun haa limahulu.

MAZMUR 68:11

Boema O anam-mala leo lai ndia; fo nai O dale malolem-ma dalek, ou Manetualain, O makaboboi hataholi nuu ta-hata tak-ka.

YEREMIA 3:15

Neukose, Au fe emi, mauli-malangan fo manatunga Au paletang-nga. Neukose ala hela-nole emi, no dudu'a-aafi manatee-tenok, ma henuk no dudu'a manadaik.

ZAKHARIA 11:17

Soo-supak ba'eneu manafoo sosoa-ndandaa tak ndia! Ana la'oela bi'ilopo bubuan-na so. Neukose natee-natatik-ka, tao nate'e koasan-na. Neukose, male heni alun-na, ma poke mata konan-na.”

ZAKHARIA 11:5

Hataholi manaasak-kala, do'do bi'ilopo sila-la, te ala ta hapu huhukuk fa. Hataholi fo lase'o bi'ilopo sila-la paan-na, lafa'da lae, ‘Koa-kio Manetualain leona! Besak ia, ita boetai tamasu'i!’ Manafoo sila-la, dalen-nala ta tu'da kasian neu sila bi'ilopon-nala fa.

BILANGAN 11:17

Neukose Au kona mai, fo Au kokolak os nai mamanak ndia, ma Au fe basa o, Au koasang-nga seli ndia, neukose Au fen leo sila neu. Soona ala bisa lu'a-lepa fali o, soaneu leoina ia, fo daenga boso o mesam-ma lu'a-lepan.

BILANGAN 11:29

Boema Musa nataa nae, “Tao le'e de, o dudu'a-dodoo la'eneu au? Lena-lenak au amahena, fo ela Manetualain fe Duladalen-na, neu leoinan-na lala'en-na, ma taon-nala basa-basas da'di nabi!”

MATEOS 20:1

“Metema Manetualain paleta soona heheo-hihilun sama leo nakandandaak ia: Hataholi maosi angol esa ana kalua fafaik fo neu sanga hataholi soaneu laue-lale'di nai ndia osi angol dale.

MARKUS 13:34

Dede'ak ndia lakasasama kana sama leo hataholi esa la'oela uma na, fo neu leo mamanak dook neu. Nadenu malalau-maoono nala lanea uma na, ma ana ba'e fe esa-esak nok ndia bela-ba'un. Ana helu manamanea lelesu fo nanea matalolole.

MARKUS 16:15

Boema Yesus nafa'das nae, “Meu leo basa daebafa ka lala'ena meu, fo tui mamaloloa Manetualain Hala Malolen ndia neu basa hataholi daebafa ka lala'ena.

MARKUS 16:20

Boema ana manatunga nala leu tui lamaloloa halak maneme Manetualain mai, leo basa mamanak lala'ena neu. Lamatua ka boeo Ana toa-no'i sama-sama nos, fo nananatu'duk tunga, ala tao manda'di beu kala. Fo dede'ak ndia, ana da'di ta'du esa nae, sila tutui-bebengan memak tete'ek-ka.

LUKAS 9:1

Yesus nalo ana manatunga kasanahulu dua nala, boema Ana fes koasa fo ala usiheni dula dale mangalau kala ma lakahahaik he'di lau sala.

HATAHOLI 11:19

Ala taolisa Stefanus boema, ala usi neu mai lo hataholi kamahehele kala, de nalosa ala tapasasala leo basa mamanak lala'ena leu. Nggelok lalai losa Fenisia, ma nggelok losa Siprus ma Antiokia. Ala tui-benga Manetualain dede'a-kokolan neu ka'da hataholi Yahudi la.

HATAHOLI 13:2

Lelek ala hule-haladoi neu Lamatua ka, ma ala puasa, boema Manetualain Dula Dale na nafa'das nae, “Hele ma Barnabas no Saulus da'di Au hataholing, fo daenga duas tao-no'i tatao-nono'ik fo Au aketu basan soaneu duas so.”

HATAHOLI 13:4

Hu ka nde Manetualain Dula Dale na nadedenu na, de Barnabas no Saulus leu leo Seleukia leu. Duas sa'e ofak leme ndia leo pulu Sipru sa leu.

HATAHOLI 20:28

Ela leo bee na emi manea emi aoina mala, ma manea basa hataholi salanik fo Manetualain Dula Dale na ana fes neu emi, fo emi maneas; nana emi nanaso'u basak da'di mana manea hataholi salanik so. Ela leo bee na emi manea Manetualain hataholi salanin sila la, sama leo manafoo a nanea bi'ilopo nala, hu ka nde Manetualain nakadada'dik basa hataholi salanik sila la da'di neu Ndia nuun, tunga Ana na mamate na so.

HATAHOLI 22:21

Tehu Lamatua ka nafa'da seluk au nae, ‘Ka'da mu leona, nana Au sanga adenu o mu leo mamana dook mu, fo nde hataholi ta Yahudi la.’ ”

HATAHOLI 8:4

Hataholi kamahehelek fo mana tapasasalak sila la tui-benga Manetualain Hala Malole na leo basa mamanak lala'ena.

1 KORINTUS 12:28

Leondiak boe nai salani ka dalek, Manetualain naketu basa mamanak soaneu hataholi mata-mata kala; Makasososa na hataholi nadedenu kala; kadua, nabi la, katelu, mese nala, boema sila fo manatao manda'di beu kala, basa boema sila fo nanafe baba'e-babatik soaneu lakahahaik hataholi, do soaneu tulu-fali hataholi fe'ek, do soaneu nauli-nalanga, do soaneu kokolak linik dede'a matabeu mata-mata kala.

1 KORINTUS 15:10

Tehu, hu ka nde Manetualain susue-lalain, de au da'di sama leo au fo besak ia. Ma ta palsuma, Manetualain fe do'o do ampon neu au fa. Nakalenak bai, au nde puselaipana lenaheni basa Lamatua ka hataholi nadedenu fe'e nala; Tehu tunga ndo na au ue-osang ta ndia fa; te ndia fo Manetualain manasue-lai au ma manatao-no'i sama-sama no au a, ue-osan ndia.

2 KORINTUS 6:1

Hu ka nde ami maue-male'di sama-sama mo Manetualain de ami dokodoe manseli fo emi boso makamiminak Manetualain dale malolen ndia.

FILIPI 2:21

Te basa fe'ek sila la soona, ala ito-ato ka'da sila paluu nala, te ala ta ito-ato Yesus Kristus paluu na fa.

FILIPI 2:25

La'eneu ita tolanon Epafroditus fo emi mandenun ana tulu fali au a, au dodoo basan ae, paluu au adenun fo ana fali seluk leo emi neu. No au nai au tatao-nono'i nga dalek ma ana sota-mate no au so.

FILIPI 2:30

Soaneu Kristus tatao-nono'in paluu na de, isa bai na maten; ana ta sue so'da na fa, te sa'di ana tulu-fali au ninik emi na'de ma.

KOLOSE 1:29

Hu ka nde dede'ak ndia de, au puse laipana nai lau-ono ka dalek. Au alalau-aoono unik be'i-balakaik fo Kristus fen neu au lala'e na. Be'i-balakaik ndia, henuk no Manetualain koasa na, nai au so'da nga dalek.

KOLOSE 4:12

Nate'ak neme Epafras. Emi hataholin ndia boe. Kristus Yesus atan ndia fo ana manggate hule-haladoi tataas esa fe emi. Ana noke te'e-te'e neu Manetualain fo ela emi namahehele ma da'di natea-nahele, ma emi mamahele te'e-te'e, fo daenga emi tunga Manetualain hihii-nanaun lala'ena, no matetu-mandaak.

1 TESALONIKA 2:9

Lele'do le'odaen, ami puse laipana sanga ami so'da ma. Nana ami ta nau da'di lelepa mabela esa soaneu su'di see a boen, nai lelek fo ami tao maloloa Hala Malole la'eneu Manetualain neu emi a fa. Ami ule po'dem ndia, tao leo bee o, emi bei mafandendele kana.

1 TESALONIKA 5:12

Tolano-tolanoo ngala lemin! Ami manoli-mafa'da emi, fo daenga emi fe ha'da-holomta neu hataholi mana maue-male'di fe emi, fo nde hataholi fo Lamatua ka hele basas, soaneu lauli-lalanga ma lanoli-lafa'da emi a.

2 TESALONIKA 3:1

Tolano-tolanoo ngala lemin! Au oke emi hule-haladoi soaneu ami. Hule-haladoi, fo ela Lamatua ka dede'a kokolan nakapepela nakandoo no lai-laik, ma ala sipo kana no malole, sama leo makahulu na emi boe.

1 TIMOTIUS 4:10

Hu ndia de, ita sanga enok ma ita puselaipana no tatao-nono'i ka, nana ita tamahena neu Manetualain fo maso'dak ndia; Ndia nde tao naso'da basa hataholi lala'ena, nakalenak ba'eneu hataholi kamahehele kala.

2 TIMOTIUS 4:5

Leomae leondiak boe, o muse makatatakak maa o ao ina ma, nai fai leo beek ndia boe. Makatatakak nai doidoso ka dalek, tao-no'i o bela ba'um sama leo hataholi mana tui-benga Hala Malole a, ma makalala'ok matalolole o bela ba'um sama leo Manetualain hataholi malalau-maoonon.

FILEMON 1:1

Tolanoo Filmon fo ami nonoom ma ami tia-lai malalau-maoonom. Nate'ak neme ita tolanoon Timotius ma neme au, Paulus fo nanatahan, hu ka nde ita Lamatuan Yesus Kristus. Au sulak susulak ia fe emi,

IBRANI 3:6

Tehu Kristus lilineka da'dileo Anak fo nde nataa Manetualain Uma na. Ma ita ia nde Manetualain Uma na, metema ita manggate tahele ma tamahele tahele soona ita hapu hata fo ita tamahena ka.

NINITAK 2:1

“Neu ata nusa so'dak salanik manai Efesu sala, sulakman leoiak: Ia nde hala heheluk neme Ndia fo manaho'u nduu kahitu kala nai lima kona na, ma manala'ok manai banu ei lilopila kahituk sila la tala'da.