LUKAS 10:14 - Susula Malalaok Hehelu Palak Ma Hehelu Beuk

¹⁴ Neu fai mate'e ka te, ndofo na seli soaneu Manetualain fe do'o do ampon neu hataholi Tirus-sala lo hataholi Sidon nala, neme emi mai.

LUKAS 10:14 Iomraidhean Croise

YOEL 3:4

Emi sanga tao Au ia le'e, hai Tirus, Sidon ma basa nusa Filistin-na lemin? Emi sanga balas nape'da dalek soaneu Au do? Nah, sipo-ma Au babala manamaing-nga no lai-laik.

AMOS 1:9

Manetualain nafa'da nae, “Laun Tirus-sala lasala-lasingo tataas esa so, hu ndia de, tao leo be o, neukose Au hukus. Ala foo leni leoina esa lala'en-na leo mamana tu'u-tapak neu, de ala fes leo Edom neu. Ala la'olena hehelu-balataa tia-laik-ka so.

AMOS 3:2

“Neme basa leoina manai daebafak-ka, emi nde leoina fo Au alelak ma Au taoafik-ka. Hu ndia de, hu ka nde emi sala-singo matuainam-ma, de tao leo bee-o, neukose Au huku emi.”

MATEOS 10:15

Mafandendelek leon te! Neu Le'do Fai Mate'e ka te, hataholi manai kota Sodo ma Gomora, neukose mu'dak la'iesa kana, Manetualain fe do'o do ampon neu sala-singo nala, neme hataholi fo manai kota sila la!”

MATEOS 11:21

“Soe ba'eneu kota Korasi no hataholi nala! Ma soe ba'eneu kota Betsaida no hataholi nala boe. Leo uni ka, manda'di beuk fo nanataok neme emi tala'da ndia, nanatao basak neme Tirus no Sidon soona, tao leo bee o hataholi manai naa la, ala tuka tei-sale dale basa doo ka leme sala-singo nala mai so, ma ala pake bua papake fafaluk, boema ala tao afu neu langa nala lain.

YOHANIS 3:19

Ala kalaa kana nanahu dede'a ka nde ia: Mangale'dok ndia, ana mai leo daebafa ka mai so, tehu hataholi daebafa ka hii ka'da makahatu ka, te ana ta nau mangale'do ka fa, hu ka nde tatao-nono'i nala, mangalauk.

ROMA 2:1

Hu ndia de, tolano-tolanoo ngala lemin, see tolanoo ka, de nalosa tolanoo ka nau fe salak neu hataholi? Tolanoo ka ta hapu enok faaanak boen soaneu masala'e aoina ma fa! Nana metema tolano ka fe salak neu hataholi fe'ek, te se'kona tolanoo ka tatao-nono'im boeo bei sama leo hataholi sila la, soona tolanoo kala nde maketu aom tolanoo kala huhukum ndia.

ROMA 2:27

Ma hataholi nanasunat tak sila la, neukose ala fe salak neu tolanook Yahudi la, nana tolanook Yahudi la manuu agama Yahudi hoholo-lalanen ma tolanoo kala nanasunat, tehu tolano kala nde la'olena hoholo-lalanek sila la. Hataholi sila la nanasunat ta kala, tehu sila nde tao tunga agama Yahudi hoholo-lalane na.