LUKAS 1:58 - Susula Malalaok Hehelu Palak Ma Hehelu Beuk

⁵⁸ Uma titia-tatai nala, ma tolanook-ka'a fa'di nala, lamanene Manetualain malole nanseli no Elisabet, de sila boeo lamahoko-setelee lon.

LUKAS 1:58 Iomraidhean Croise

KEJADIAN 19:19

Memak, Tuan tulu-fali au nanseli, ma soi-tefa-ma au so'dang-nga so. Tehu letelepak ndia doon-na seli; boso nalosak soe ndia tunga au, fo au beita losa naa fa te, mate au so.

KEJADIAN 21:6

Sara nafa'da nae, “Manetualain taon-na au hika nanahu namahokok-ka. Hataholi see, fo namanene dede'ak ia soona, neukose ana hika, ma namahoko sama-sama no au.”

MAZMUR 113:9

Ana ba'e-bati fe saoinak ana tak-kala, anak, Ana taon da'di ina fo, maua-manale malole, ma nanafe ha'da-holomata nai uman dale. Koa-kio Manetualain leona!

AMSAL 23:25

Sa'di leo been-na, o inam ma o amam, dalen-nala lamatua, soaneu o; sa'di leo been-na, inak manabongi o-a, naua-nanale.

LUKAS 1:14

Neukose o mamahoko manseli, ma hataholi ba'u ka neukose lamahoko-setelee metema ni'iana ndia mahani te nanabongik!

LUKAS 1:25

Ana nafa'da nae, “Mate'e na, Manetualain tulu-fali au, ma Ana loseheni au taidae nga.”

LUKAS 1:57

Fai na losa ba'eneu Elisabet soaneu ana bongi. Ana bongi na niana touanak esa.

LUKAS 14:12

Boema Yesus nafa'da uma lamatuak nae, “Metema o ka'i hataholi mai na'a o feta lele'dok do le'odaek soona, boso ka'i o tia-laim, do tolanoom, do ka'a-fa'dim, do o uma titia-tataim fo kamasu'ik. Nana mahani te neukose ala ka'i o boe, fo no enok ndia, o sipo o tatao-nono'im babala na nde ndia so.

ROMA 12:15

Mamahoko mo hataholi manamamahoko kala, ma kii mo hataholi manakii kala.

1 KORINTUS 12:26

Metema limak-eik esa doidoso soona, basa lima-ei fe'e kala boeo doidoso; ma metema lima-eik esa nanakoa-kiok soona, basa lima-ei fe'e kala boeo tunga namahokok.