LUKAS 1:45 - Susula Malalaok Hehelu Palak Ma Hehelu Beuk

⁴⁵ Maua-manalek neu o, hu ka nde o mamahele mae hata fo Manetualain nafa'dan neu o a neukose ana da'di!”

LUKAS 1:45 Iomraidhean Croise

1RAJA-RAJA 17:16

Ma sama leo hata fo Manetualain nafa'da basan tunga Elia nae, mango ndia henuk no ha'desopuk tataas esa, ma boto ndia boeo henuk no mina tataas esa.

2RAJA-RAJA 4:5

Boema inak ndia fali ne'un leo uman neu. Lelek, no anan-nala lala uma dale boema, ana kena lelesu-a neu. Boema, ana ho'i-na boto anak fo mina setun-na nai dalek ndia, de ana po'a mina ndia, leo anan-nala ho'i fen boto-la dalek neu.

2TAWARIKH 20:20

Balahaa fafaianan-na, laun-na kalua de leu leo moo maloa deka no Tekoa. Lelek ala sanga la'o boema, Yosafat fes hala-heheluk-ka nde ia nae, “Yehuda ma Yerusalem laun-nala lemin! Mamahele neu emi Manetualain leona, neukose emi makatatakak mabe'i. Sipok-ma nanoli-nafa'dak neme emi nabi-mala mai, soona neukose emi hapu buna-boan!”

LUKAS 1:20

Hata fo au afa'dan, neukose ana da'di neu fai na. Tehu hu ka nde o ta nau mamahele fa de, mahani te o ta hapu kokolak fa. Neukose o da'di hala tak losa hata fo au afa'dan ia, ana da'di.”

LUKAS 1:44

Leondiak au amanene o nate'a ma tutika ni'iana manai au ilung dale ia nakababale fo ta'du na nae namahoko.

LUKAS 1:48

Ana nafandele au fo atan matasi'da-matasaik ia! Mulai besak ia, basa leoina la lafa'da lae, au aua-anale.

YOHANIS 11:40

Tehu Yesus nafa'da Marta nae, “Ade Au beita afa'da hai o ae: Metema o mamahele soona, neukose o mita Manetualain koasa matuaina fa do!”

YOHANIS 20:29

Boema Yesus nafa'dan nae, “Hu ka nde o mita Au, de besaka o mamahele hetu do? Tehu maua-manalek ba'eneu hataholi fo namahele, leomae beita nita Au fa!”