LUKAS 1:42 - Susula Malalaok Hehelu Palak Ma Hehelu Beuk

⁴² de nalo ma nae, “O nde nanaba'e-palak ba'u na seli nai basa ina kala! Nanaba'e-palak neu ni'iana fo neukose o bongin ndia!

LUKAS 1:42 Iomraidhean Croise

KEJADIAN 22:18

Basa leoina manai daebafak-ka, neukose ala dokodoe neu Au, fo daenga Au ba'e-pala sila, sama leo Au ba'e-pala basa o tititi-nonosim so – nanahu o tunga Au paletang-nga so.”

MAZMUR 21:6

Hu kande O tutulu-fafalim, de ana da'di hataholi nanafe ha'da-holomata nanseli, O taom-man da'di nananita-nalelak, ma na'den-na naboomeni.

MAZMUR 45:2

Dede'a-kokola mana'ahiik-kala, lua ponu-ponu neme au daleng dale mai, au akamee fe manek-ka, au nakameeng-nga. Sama leo hataholi bini esa engen-na, au maang-nga naheheleaon kokolak bini.

LUKAS 1:28

Ata nusa so'dak ndia neu leo Maria neu, de nafa'dan nae, “So'da-molek neu o fo te'e-te'e Manetualain ba'e-pala o! Manetualain sama-sama no o!”

LUKAS 1:41

Ma leondiak Elisabet namanene Maria nate'an ndia, tutika ni'iana manai Elisabet ilun dalen ndia nakababale. Boema Manetualain Dula Dale na koasa na Elisabet,

LUKAS 1:43

See au ia, de nalosa Lamatua ka inan mai leo au mai?

LUKAS 1:48

Ana nafandele au fo atan matasi'da-matasaik ia! Mulai besak ia, basa leoina la lafa'da lae, au aua-anale.

LUKAS 19:38

Lalo bebou lae, “Nanaba'e-palak ba'eneu Manek fo ana mai no Manetualain na'de na! So'da-molek nai nusa so'da ka, ma kokoa-kikiok neu Manetualain!”

ROMA 9:5

Sila nde bee na, ita bei-ba'ikai nala, tititi-nonosin. Tunga ao paak soona, Kristus da'di neme sila leoina mai. Kristus dema lenaheni basa-basas. Koa-kio Manetualain losa dodoo na! Amin.

IBRANI 12:2

Ela leo bee na ita mata memete na nasale leo Yesus neu, nana Ndia nde nafofo'a ita namahehele na, ma nakaboboin neme makasososa na losa mete'e na. Yesus nakatatakak doidoso ka neme ai nggangek lain! Ana ta nafaduli nae, mate nai ai nggangek lain ndia nde bee na, hata esa fo nini mamaek. Ka'da nafandele neu namahokok fo neukose name'da nitan nai fai makabuin. Besak ia, nangatuuk nai Manetualain kandela mane na boboa kona na, ma Ana paleta sama-sama non.

HAKIM-HAKIM 5:24

Maua-manalek neu Yael, fo Heber, hataholi Keni ndia, saoinan-na; neme basa lalaa temak-ka isin-na mai, ndia nde nanaba'e-palak nanseli.