Biblia Todo Logo
Bìoball air-loidhne

- Sanasan -




LUKAS 1:17 - Susula Malalaok Hehelu Palak Ma Hehelu Beuk

17 Neukose ana da'di Manetualain hataholi nadedenu balakain, ma nanuu koasa sama leo Elia. Neukose ana mole-dame ama ka no ana ka, ma hataholi manatunga ta kala, neukose ana hela-noles fali leo dudu'a-aafik fo ndo sa leu. No enok ndia, ana sadia hataholi kamahehelek bubuak esa fo laheheleaon basa, soaneu Lamatua ka so.”

Faic an caibideil Dèan lethbhreac




LUKAS 1:17
38 Iomraidhean Croise  

Hapu nabi esa na'de Elia. Ana da'di neme Tisbe, fo kota esa nai nusa Gilead. Faik esa boema, neu leo Mane Ahab neu de nafa'da nae, “No Manetualain fo maso'dak-ka na'den-na, fo hataholi Israel-la Manetualain-na fo au alalau-aoonon, au afa'da Tuan ae nai teuk dua do telu manamaik ia, neukose ta hapu dinis do u'dan faa anak boen, ta'da fe'e au nde afa'dan nana.”


Boema Elia nataa nae, “Au ta nde maneni susa soe ndia fa, te Ama Manek dei. Ama Manek ma Ama Manek teidalen-nala nde maneni susa soe ndia dei. No sene-do'ok neu Baal-la sosongo-tatangon-nala, Ama Manek la'olena Manetualain paletan-nala.


Lelek Ahab nita Elia boema nae, “Hai musunok konei, Mate'e na o matango moo au!” Elia nataa nae, “Tete'e ka. Hu kande Tuan nakikisak dalen-na, fo tao hata mangalauk nai Manetualain mata memeten-na,


Boema Elia nafa'da manek-ka nae, “Manetualain nae, ‘O madenu hataholi neu noke natutu'duk neme Baal-Zebub, fo kota Ekron-na, lamatua daebafan-na, nono'ka bai, ta hapu Manetualain nai Israel so'on, fo o bole matane neun fa. Hu ndia de, o ta lea-hai so'on, de neukose mate o!’ ”


Ou Manetualain, fo ami bei-ba'i kaim Abraham, Isak ma Yakob sene-do'ok-ka, ela leo been-na O manea O anam-mala fo ela ala sue-lai lahele O sama leo besak ia ma tulu-falis fo ela ala lilineka leu O losa dodoon-na.


Boema Manek Hizkia ma laun-na lamahoko, nanahu Manetualain tulu-fali sila, de ala tao basa sila-la ka'da nai fai nggenggeloanak esa mesak-kana.


Manetualain, O mamanene hataholi nananakadadaek-ka, huhule-haladoin, ma O matetea-mahehele dalen-nala.


Ba'eneu see fo, ana hii da'di manatee-tenok soona, muse ana fe ha'da-holomata neu Manetualain, Ana fe malelak-ka neu basa hataholi manatunga paletan-na. Kokoa-kikiok ba'eneu Manetualain, neme tepo lelek leo tepo lelek neu!


fo ela sila boso sama leo sila bei-ba'i kain-nala fo ala hii lalena langa-lasa'ba soo, ma manamalelesik; bobongik fo namahehelen-na, ta matea-mahelek, ma ta lilineka leu Manetualain fa.


Hataholi nggoak-ka, neukose nanoli fo nalelak, ma hataholi fo mumu-mumu tataas esa, neukose namahoko sipo nanolik.”


Hu ndia, hai hataholi Israel-la lemin, neukose Au huku emi. Da'di maheheleaom leona, fo masasalematak moo huhukuk fo neukose Au fen tuni-na emi!”


Ma metema emi nau mamahele Yohanis ndia nde Elia, fo mamai na nananafa'da ela basak so.


Nana Yohanis nafa'da hai Herodes nae, “O ta bole sao Herodias fa!”


Yohanis ia nde hataholi fo Nabi Yesaya nafa'da ka. Nabi Yesaya nafa'da nae, “Hapu hataholi esa nalo bou-bou nai mo solokae ka nae, ‘Sadia enok soaneu Lamatua ka leona; tao matetu eno kala ba'eneu Lamatua ka.’ ”


Yohanis ia, bua papake na ala taon neme onta bulu na mai, kalikee na ala taon neme bana lou ka mai, boema nana'a-nininun nde lama ka no fani oe a.


Neukose ana hela-nole hataholi Israel ba'u ka fali leo Manetualain fo sila sene-do'o ka.


O, hei Au anango nei, neukose O nanasseik Manetualain fo Matua Madema Ina nabin. O nananadenuk nakahuluk neme Lamatua ka mai soaneu o oti enok ba'eneun,


Fo hataholi daebafak ta nde bongi nana fa, nanahu so'da beuk ndia, ana da'di neme Manetualain mai.


Boema Yohanis nae, “Au ita matang Hataholi ndia, de au afa'da ae, Hataholi ndia nde Manetualain Ana na.”


Au afa'da basa emi ae, ‘Au ta nde Mane Mana Fe So'dak ndia fa. Tehu Manetualain nadenu au mai akahuluk, neme Hataholi ndia mai.’


Hu ndia de no lai-laik, au adenu hataholi neu nalo Tuan. Tuan dale na malole hiik, de Tuan mai so. Besak ia, ami basa-basa mala makabubua nai ia, nai Manetualain matan, fo mamanene basa hata fo Manetualain nadenu Tuan nafa'dan neu ami.”


Manetualain boeo dodoo soaneu natu'du ita ua-nale manasasi kao-kao ka Ana po'an neu ita fo Ana sue-lai ka. Ana sadia basa ita soaneu sipo ua-nalek ndia so.


boema moke makasi neu Ama ka. Nana hu ka nde, Amak ndia sue-lai emi de, emi mandaa sipo hata fo Ana sadia basan, ba'e neu salani nala nai nusa so'da ka dalek.


Leondiak boe, hataholi fo ana hahae tao-no'i tatao-nono'i managalau ka, neukose hataholi ndia nanapaluuk nanseli. Nana so'da na malalaok, ma nandaa no ndia malanga na, dale na. Hataholi leondia ka, neukose nananamahelek soaneu ana tao basa tatao-nono'i malole lala'ena.


Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.


Hu ndia ana ngala lemin! Maso'da mahele mo Kristus, fo ela neu faik fo Ana mai a, ita tapalani teu tataan, te ita ta teu ke'ke, hu ka nde bibii-mamae ka fa.


Boema au ita kandela mane kala, ma hataholi manamangatuuk manai lai na, ala fes koasa fo laketu-lala'di huhukuk. Au boeo ita hataholi fo langa nala nanate'teheni kala samane nala. Hataholi sila la fe sakasii la'eneu Yesus ma ala tui lamaloloa Manetualain hala hehelu na. Hataholi sila la ta sene-do'ok neu bana ndia do bana ndia lupa ao nanadoki-dula na fa. Sila boeo beita sipo lita bana ndia ta'du-tanan nai dedei nala do nai lima nala fa. Boema ala laso'da falik de ala paleta da'dileo mane ka sama-sama lo Kristus teuk lifun esa dale na.


Basa ndia boema, Semuel nafada nae, “Maloo makabubua basa leoina Israel-la lala'en-na nai Mizpa, soona neukose au hule-haladoi neu Manetualain soaneu emi.”


Lean sinn:

Sanasan


Sanasan