IBRANI 5:3 - Susula Malalaok Hehelu Palak Ma Hehelu Beuk

³ Ma hu ka nde tapandoen ndia de, metema ana fe tutunu-hohotuk, soona ta ka'da hu ka nde hataholi kamahehele kala sala-singo nala fa, te huka nde ndia sala-singo nala boe.

IBRANI 5:3 Iomraidhean Croise

IMAMAT 16:15

Basa ndia soona, Harun muse do'do bi'ihiik soaneu tutunu-hohotuk, fo hataholi Israel-la sala-singon hapu do'o do ampon. Muse neni bi'ihiik ndia daan-na leo Kama Malalao-malalafuk nanseli-a dalek neu, fo ana pisin neu Peti Hehelu-balataak-ka tatanan-na uluk, ma neu Peti uluk, sama leo ana tao basan nenik sapi mane-a, daan-na so.

IMAMAT 16:6

Harun muse tunu-hotu sapi mane esa, soaneu tutunu-hohotuk neu ndia no teidale-bobongin-nala sala-singon hapu do'o do ampon.

IMAMAT 9:7

Basa ndia boema, nafa'da Harun nae, “Muu leo mei tunu-hotuk-ka muu, fo sadia tutunu-hohotuk sala-singok hapu do'o do ampon, ma tutunu-hohotuk nanatunuk-ka, fo ela Manetualain fe do'o do ampon neu o sala-singom ma salanik-ka sala-singon. Taon sama leo hata fo Manetualain paletan.”

1 KORINTUS 15:3

Hata fo au anduku-alosa kana neu emi ndia, nde bee na hata fo au sipon boe. Fo nanapaluuk nanseli a, sama leo nanasulak nai Susula Malalaok dale, au anduku-alosa kana neu emi ae, hu ka nde ita sala-singon de Kristus mate;

IBRANI 10:12

Nasafali na nae, Kristus fe ka'da tutunu-hohotuk la'iesa, fo nde aoina na mesa kana, sala-singo ka hapu do'o do ampon, ma tutunu-hohotuk ndia nanapakek soaneu losa dodoo na. Kristus fe basa tutunu-hohotuk ndia, boema neu nangatuuk neu Manetualain boboa kona na, de Ana paleta sama-sama no Manetualain.

IBRANI 7:27

Ana ta sama leo imam matua ina fe'e kala fa, fo tunga faik, muse ala fe tutunu-hohotuk nakahuluk nana sila sala-singo nala, fo besa ka soaneu hataholi kamahehele kala sala-singon. Tehu Yesus fe tutunu-hohotuk ka'da la'iesa mesa kana, soaneu losa dodoo na, nai lelek Ana tunu-hotu ao ina na mesa kana, da'dileo tutunu-hohotuk.

IBRANI 9:7

Imam mana masok leo uma lopo ndia kama mate'e na neu a, ka'da imam matua ina mesa kana. Teuk esa soona, ana leo kama ndia dalek, ka'da la'i esa. Neu soona, nini bana daa, fo ana tunu-hotu fe Manetualain, soaneu ndia sala-singon, ma soaneu hataholi kamahehelek see, fo ta name'da fa te ana tao sala-singok so.