IBRANI 4:3 - Susula Malalaok Hehelu Palak Ma Hehelu Beuk

³ Tehu ita fo tamahele, neukose masok leo mamana hahae aok fo Manetualain heluk ndia. Ita hapu mamana hahae aok fo Manetualain helun ndia. Dede'ak ndia, nandaa no Manetualain hala nafa'da na, nae leo ia, “Au amanasa, ma Au soo-supa, ‘Neukose ala ta masok leo mamana hahae ao ka, sama-sama lo Au fa.’ ” Manetualain kokolak nae leondia, leomae tatao-nono'in basan ndek Ana nakadada'dik daebafak ia so.

IBRANI 4:3 Iomraidhean Croise

KEJADIAN 1:31

Manetualain nita, Ana taon-na basa hata lala'en-na ndia boema, namahoko nanseli. Le'odaek-ka seli, boema fafaik-ka da'di. Fo ndia nde fai ka 6-na.

MAZMUR 95:11

Boema Au soo-supa nai Au nasa-melung dale ae, neukose ala ta masok leo, nusak ndia dalek leu fa, fo ala hahaeaon-nala, sama-sama loo Au.”

KELUARAN 20:11

Nai faik nee dalen-na, Au, fo Manetualain, akadada'dik daebafak-ka, lalai-a, tasi-a no basa oe-isin lala'en-na, tehu neu fai ka hitun-na, Au hahaeaong. Hu ndia de, Au, fo Manetualain ba'e-pala fai Sabat-ta ma Au tao alalao-alalafun.

YESAYA 28:12

Manetualain fe emi basa-basam-mala, mamana hahaeaok, tehu emi ta nau mamanene fan.

YEREMIA 6:16

Manetualain nafa'da anan-nala nae, “Mapadeik meu eno kaba'ek-kala, fo taoafik matalolole! Matane eno-enok makahulun eli-la, fo enok sila-la, beek-ka nde malole. Soona tunga enok ndia leona, fo ela emi maso'da no nee-nee lino-linok.” Tehu lafa'da lae, “Ta, ami ta nau tunga enok ndia fa!”

YESKIAL 20:38

Basa malenalanga-masa'basook-kala ma manatao tatao-nono'i mangalauk-kala, neukose Au usihenis leme emi tala'daheom mai. Neukose, Au os kalua leme, besak ia ala leo lai nusa-nusak-kala mai, ma Au ta fes loak, fo ala fali leo dae Israel-la leu so'on. Soona besak-ka ala bubuluk, lae Au nde Manetualain-na.”

MATEOS 13:35

No enok ndia, hata fo nabi la lafa'da basa ka ana da'di nae, “Metema Au kokolak o hataholi sila la soona, Au pake nakandandaak; neukose Au tui-benga dede'a nananafuni kala, mulai neme daebafak ia dada'di na mai.”

MATEOS 25:34

Basa ndia soona, Manek ndia nafa'da basa hataholi manai boboa kona na nae, ‘Mai leon emi fo Au Amang ba'e-pala kala lemin! Masok leo nusak fo nanasadiak soaneu emi, ndek daebafa ka da'di makasososa na.

EFESUS 1:4

Lelek fo daebafak ia beita nananakada'dik fa te, Manetualain hele basa ita tunga Kristus no dudu'ak, fo ela ita da'di Ndia nuu hehelin, ma sala-singok tak nai mata na. Hu ka nde, Manetualain susue-lalain

IBRANI 3:11

Au amanasa, de Au soo-supa ae, ‘Neukose ala ta masok leo nusak ndia leu fa, soaneu ala hapu hahae ao nala sama-sama lo Au.’ ”

IBRANI 3:14

Ita basa-basa tala nde bee na, tolanoo mana sanga enok esa to Kristus, sa'di losa mate'e na, ita ho'u tahehele ita namahehelen fo ita tanuun nai makasososa na.

IBRANI 9:26

Hu ka nde metema leondiak soona, dede'ak ndia sosoa na nae, Kristus doidoso fali-fali, mulai neme daebafak ia da'di makasososa na mai so. Tehu besak ia, ita bubuluk, nai fai makabuin ia, Ana mai ka'da la'iesa, de Ana loseheni ita sala-singon, ninik Ana tunu-hotu aoina na.

1 PETRUS 1:20

Manetualain hele Kristus, te daebafak ia, nananakadada'di beitak. Ma nai faik-faik fo le'do-fai a sanga basan ia, Ana mai leo daebafa ka mai, fo daenga Ana soi-tefa na emi.