IBRANI 3:3 - Susula Malalaok Hehelu Palak Ma Hehelu Beuk

³ Tehu Yesus nandaa hapu ha'da-holomata fo matua ina neme Musa mai. Nanahu hataholi mana mafo'a uma, muse ana hapu ha'da-holomata matua ina lena neme uma ndia mai.

IBRANI 3:3 Iomraidhean Croise

ZAKHARIA 4:9

nae, “Zerubabel pe'da basa Au Umang-nga batu makasososan-na so, de neukose ana tao nakababasak uma ndia lala'en-na. Metema, dede'ak ndia ana da'di soona, neukose Au anang-ngala bubuluk, lae Au nde adenu o, fo Zakharia neu leo sila neu.

MATEOS 16:18

Hu ndia de bubuluk leona te, O nde bee na Petrus, fo batu matea-mahelek. Nai batu netes ndia lain, nde neukose Au apadedeik Au mamaso nga, fo ta hapu sengi fan, leomae mamate sa boe!

1 KORINTUS 3:9

Ami nde bee na hataholi fo sama-sama maue-male'di soaneu Manetualain; ma emi nde bee na, sama leo Manetualain tina-osin. Tolanoo kala nde bee na, sama leo Manetualain uma na boe.

2 KORINTUS 3:7

Nai lelek hehelu-balataak fo manini mamates ndia nanataok ma nanadoki-dulak neu batu a, Manetualain ndela-sa'an nandela-nasa'a neu Musa mata panan. Sa'a na nandela-nasa'a leondiak, nalosa leoina Israe la ta labe'i lakanae Musa mata panan, leomae sa'ak manai mata panan ndia ana mulai keluha'bu nai lelek ndia. Naa, metema hehelu-balataak fo nanataok, fo manini mamates ndia nanapaku nisak ninik Manetualain ndela-sa'an fo mandela-masa'ak matuaina leondia ka,

KOLOSE 1:18

Kristus nde da'di langak neu ao ka, fo aok ndia salani kala, nanahu Kristus nde da'di salani kala oe mata maso'da na. Ndia nde hataholi makasososak fo Ana fo'a falik neme mamate sa mai, fo sue ka Ndia nde nananita nalelak neme basa hata lala'e na mai.

IBRANI 2:9

Tehu ita tita basa Yesus koasa so! Ndia nananakadada'dik nai ata nusa so'da kala dae faa anak, soaneu fai keke'u anak esa mesa kana, fo ela no Manetualain dale malole na, fo Ana hapu mate soaneu basa hataholi daebafa ka lala'ena. Besak ia, ita tita Manetualain fen nangatutuu mandela-masa'ak, ma nanafe ha'da-holomata, nanahu Ana doidoso basa losa maten.

IBRANI 3:4

Memak uma la esa-esak hapu mana mafofo'ak, tehu mana mafofo'a basa hata lala'ena nde bee na Manetualain dei.

IBRANI 3:6

Tehu Kristus lilineka da'dileo Anak fo nde nataa Manetualain Uma na. Ma ita ia nde Manetualain Uma na, metema ita manggate tahele ma tamahele tahele soona ita hapu hata fo ita tamahena ka.