IBRANI 2:3 - Susula Malalaok Hehelu Palak Ma Hehelu Beuk

³ Muda hata no so'dak-molek matua ina, fo nanananduku-nalosak tunga hala heheluk ndia bai! Metema ita ta taoafik neu so'da-molek ndia fa soona, tao leo bee o, neukose ita ta tatapo'i teme huhukuk ndia mai fa. Nanahu Lamatua ka mesa kana nde makasososa po'a-benga so'da-molek ndia, ma hataholi fo lamanene makasososa nana, ala fe basa buti ndo na neu ita so.

IBRANI 2:3 Iomraidhean Croise

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

YESAYA 20:6

Nai lelek ndia, hataholi manaleo nai tasi su'uk-kala, neukose lafa'da lae, ‘Mitak hata fo ana da'di neu leoina fo, ita tasalai ita dean-na neun, fo nasulu-nahapa ita neme mane Asyur-ra mai. Masa bole ita taso'da?’ ”

YESAYA 51:5

So'da-molek fo Au fek-ka, ana deka so; nai lelek Au sesenging-nga, hihiinae losa. Neukose Au mesang-nga, nde paleta leoinak-kala Nusa dook-kala, lahani talu-talu lo Au, ma lamahena Au tatao-nono'i matuainang-nga.

YESAYA 51:8

Neukose, ala mate-mopo, ma mopok-kasa, sama leo andae-a, na'a temak-ka, ma andae-a, na'a tema bi'ilopo bulu-a. Tehu, Au fe so'da-molek-ka, nahele losa dodoon-na, Au sesenging-nga, la'ok nakandoo, losa bobongik leo bobongik neu.”

YESAYA 62:11

Manetualain fe hala heheluk-ka nde ia, neu basa daebafak-ka bu'u-bu'un lala'en-na nae, “Mafa'da Sion laun-nala mae, ‘Mete Manetualain fo Manasoi-manatefak-ka, Ana mai! Hataholi fo, Ana soi-po'i basak-kala, ala tungan.’

YESKIAL 17:15

Tehu mane Yehuda lena-la'ban, boema nadenu hataholi neu leo Masir neu, fo mane Masir-ra fen ndala ma solda'du makadotok. Tehu, ade ana hapu buna-boan do ta? Ade, nadenu hataholi-la, laso'da do ta? Hataholi manamalelesi hehelu-balataak-ka, muse hukun!

YESKIAL 17:18

Hu kande, ana la'olena soo-supan, ma hehelu-balataan, de neukose, ana ta hapu naladeak so'on.

MATEOS 23:33

Emi hataholi mangalau kala, ma tititi-nonosi hataholi mangalauk. Tao leo bee fo emi hapu matapo'i neme huhuku tasi ha'i ka mai?

MATEOS 4:17

Mulai neme lelek ndia mai boema, Yesus mulai tui-benga nae, “Tukatei-saledale leona, te ta doo ka so'on te Manetualain paleta leo Mane ka!”

MARKUS 1:14

Ala huku basa Yohanis boema, Yesus neu leo Galilea neu de Ana tui-benga Manetualain Hala Malole na nai naa.

LUKAS 1:2

Ala sula kana nandaa no basa hata fo nanatuik neu ita neme hataholi fo lita matan manda'dik sila la neme makasososa na mai, de basa boema ala tui-bengan.

LUKAS 1:69

Ana fe ita manasoi-tefa balakai lea, Dauk fo ata na tititi-nonosin.

LUKAS 24:19

Boema Yesus natanes nae, “Manda'di beek ndia?” Boema lataa lae, “Manda'dik fo ana da'di neu Yesus fo hataholi Nazaret ndia. Hataholi ndia Nabi esa. Hala-kokolan ma tatao-nono'in nanuu koasa matuaina, nau tunga Manetualain mata memete na, do tunga basa hataholi daebafa ka mata memete na boe.

YOHANIS 15:27

Boema emi boeo muse fe sakasii la'eneu Au, hu ka nde emi sama-sama mo Au, neme makasososa na mai so.

HATAHOLI 2:22

Tolano-tolanoo Israel ngala lemin! Mamanene hata fo au afa'dak ia la. Manetualain fe basa bela-ba'uk neu Yesus fo hataholi Nazaret ndia, soaneu tolanoo kala so. Ita titan no mangale'dok nai manda'di beu kala ma dede'a matua ina la dalek, fo Manetualain taon nai emi tala'da tunga Yesus ndia. Emi bubuluk basa dede'ak sila la so.

HATAHOLI 4:12

Ka'da tunga Yesus mesa kana de hataholi a hapu so'dak. Hu ndia de nai daebafak ia lala'ena, fo nai basa hataholi daebafa ka tala'da, ta hapu hataholi fe'ek esa boen, ana hapu koasa neme Manetualain mai, fo ana fe so'dak neu ita.”

ROMA 11:14

Au amahena, au uni nape'da dalek fe au leoina ngala, fo no enok ndia, au hapu soi tefa ala sila nggelok.

ROMA 2:3

Tehu tolanoo ngala lemin! Emi boeo tao tatao-nono'ik fo emi makasasa'e kana neu hataholi fe'ek sila la boe! De emi maedaenga Manetualain ta huku emi fa do?

1 KORINTUS 1:21

Nana leomae hataholi daebafa ka malela na leo beek boeo, ana ta hapu nalelak Manetualain ninik ndia malelan ndia fa. Te lena-lenak, hu ka nde Manetualain manatee teno na de, Ana nau soi tefa na hataholi fo lamahele neun, tunga halak fo ami tui-bengan fo daebafa ka nafa'da nae, kokola bafa louk basa sila la.

1 TESALONIKA 5:3

Nai faik fo hataholi a nafa'da nae, basa hata lala'na neenee-lino linok ma malole mesa-mesan soona, nai faik ndia nde, susa-soe a, ana mai no kaiboik fo tuni-ndeni nalas, sama leoinak esa nameda he'di bobongik, nai lelek fo ana sanga bongi a.

1 TIMOTIUS 1:15

Dede'ak ia, tete'e ka la'en hu ndia de, nandaa sipo kana ma tamahelen no dale katema tuak: “Kristus Yesus mai leo daebafak ia mai, fo Ana soi-tefa na hataholi masala-masingo kala.” Ma au nde hataholi masala-masingok fo, mangalauk nanseli a.

TITUS 2:11

Nana Manetualain natu'du basa susue-lalain, soaneu Ana soi-tefa na basa hataholi daebafa ka lala'ena so.

IBRANI 1:1

Nai lelek makahulu eli, la'i ba'u ka Manetualain kokolak no ita bei ba'i kai nala tunga nabi la ninik Ana pake eno mata-mata kala.

IBRANI 1:14

Metema leondiak soona, tunga ndo na, ata nusa so'dak sila la beek sila? Sila nde bee na dula dalek fo lalalau-laoono Manetualain, ma fo Manetualain nadenus, soaneu tulu-fali hataholi fo neukose sipo so'da-mole ka.

IBRANI 1:2

Tehu nai le'do fai mate'ek ia, Ana kokolak no ita tunga Ana na. Tunga Anan ia nde, Manetualain nakadada'dik lalai ma daebafa ka no basa oe isin lala'ena. Ma Manetualain naketu basa, nae Anan ndia boeo nde nanuu hak nanuu basa hata lala'ena.

IBRANI 12:25

Hu ndia de, masanene'dak fo boso nalosak emi ta nau mamanene Ndia fo mana kokolak neu emi a. Sila fo ta nau lamanene Ndia fo mana maik leo daebafa ka mai, ma nanduku-nalosak halak maneme Manetualai na mai, ana ta bisa nalai fa. Mu'da hata no ita ia fo mana mamanene Ndia fo mana kokolak neme nusa so'da ka mai a. Metema ita ta nau tamanene fan soona, hapu nai bee ita bisa taladeak!

IBRANI 4:1

Naa, Manetualain hala-hehelu na bei paken, de neukose ita nanafe mamana hahae aok fo Ana helu ka. Da'di ela leo bee na ita tanea, fo ela boso hapu hataholi esa boen nai emi dalek, ana ta hapu masok leo mamana hahae aok fo nanahelu basak ndia dalek neu fa.

IBRANI 4:11

Hu ndia de, mai leona, fo ata sanga enok te'e-te'e, soaneu ita masok leo mamana hahae aok fo Manetualain heluk ndia. Boso nalosak hataholi esa boen neme ita mai a, ana ta da'di masok leo mamana hahae aok ndia, sama leo sila fo makahulu na, nana ta lamahele neu Manetualain fa.

IBRANI 5:9

Hu ndia de, nananakadada'di basak da'di mana soi-tefa fo matetu-mandaak, boema Ana da'di oe mata so'da molek fo mana ketu basa ta ka, ba'eneu hataholi fo mana makatele neun nana,

IBRANI 9:28

Leondiak boe Kristus nanatunu-hotuk ka'da la'iesa, soaneu Ana loseheni hataholi ba'u sala-singon. Neukose Ana mai seluk nai kala'i dua na, tehu Ana ta mai naketu-nala'di dede'a sala-singok fa, te Ana mai soi-tefa hataholi mana mahani mamai na.

1 YOHANIS 1:1

Susulak ia isi na la'eneu, dede'a-kokolak mana fe maso'dak ndia hapun te, daebafak ia beita da'di fa. Ami mamanene matam, dede'a-kokolak ndia. Ta ka'da ami mita fan, te ami ho'u la'en so boe.

YUDAS 1:17

Tehu au tolanoo susue-lalai ngala lemin! Mafandendelek, hata fo makahulu na ita Lamatuan Yesus Kristus hataholi nadedenu nala lafa'da ka.

NINITAK 7:10

Boema no hala napane'ek, hataholi sila la lalo lae, “Ita so'da-molen ana mai neme ita Aman Manetualain fo nangatuuk nai kandela manek lain, ma neme Bi'ilopo Ana ndia mai!”