IBRANI 1:2 - Susula Malalaok Hehelu Palak Ma Hehelu Beuk

² Tehu nai le'do fai mate'ek ia, Ana kokolak no ita tunga Ana na. Tunga Anan ia nde, Manetualain nakadada'dik lalai ma daebafa ka no basa oe isin lala'ena. Ma Manetualain naketu basa, nae Anan ndia boeo nde nanuu hak nanuu basa hata lala'ena.

IBRANI 1:2 Iomraidhean Croise

KEJADIAN 49:1

Basa boema, Yakob naloo anan-nala, de nafa'da nae, “Makabubua mai ia, deka moo au. Au sanga afa'da emi, hata fo neukose emi la'ola'din nai fai makabuin:

YESAYA 2:2

Nai fai-fai manamaik-ka pupukuk fo Manetualain Uma mamanan-na tapasosola namadema ma napadeik natetu nai letek-kala ma pupukuk-kala lain. Leoina lala'en-na, beenongo leo naa leu,

YESAYA 44:24

Manetualain fo o manasoi-manatefam, ma Ana taon-na manu lupak, nai lelek o inam nailu o-a, “Au nde Manetualain fo manamakadada'dik basa hata lala'en-na, fo Au mesang-nga nde akapepela lalai-a, ma Au akadada'dik daebafak-ka, ta no tutulu-fafalik neme su'di see mai boen.

YESAYA 45:12

Au nde Manetualain fo manamakadada'dik daebafak-ka, ma manamakadada'dik hataholi daebafak-ka, fo ana leo nai dalek. Au akapepela lalai-a, nenik Au koasang-nga, ma fe paleta neu le'do, bulak, ma nduuk-kala.

YESAYA 45:18

Manetualain nde nakadada'dik lalai-a, Ndia nde Manetualain-na! Ndia nde manamakadada'dik ma manafe daebafak-ka lupak, Ana taon-nan, natea-nahele, ma napadeik nahele. Ana ta taon-nan da'di mamana nee-nee lino-linok fa, tehu soaneu mamana leleok. Ndia nde nafa'da nae, “Au nde Manetualain, de ta hapu fe'ek fa.

YEREMIA 48:47

Te nai fai makabuin-na neukose Au tao atalolole nggolok Moab. Au, Manetualain nde manakokolak-ka!” Neukose Manetualain tao leondia neu Moab.

YESKIAL 38:16

Boema, o sapu-ma Au anang Israel, sama leo ani-sangu-a sa'e-na daebafak-ka. Metema fain-na losa soona, neukose Au adenu o, fo muu mangatuu-ma Au daeng-nga. Hai Gog, no Au tatao-nono'ing tunga o, de neukose leoina-kala bubuluk, see Au, fo nde Manetualain, fo malalao-malalafuk-ka.

DANIAL 10:14

Au mai fo fe o malelak hata fo mahani te, neukose ana da'di neu o leoinam-ma. Ninitak ia la'eneu fai manamaik-ka.”

DANIAL 2:28

Tehu nai nusa so'dak-ka, hapu Manetualain, fo Ana soi heni basa bibila-babaak lala'en-na so, de nafa'da basa Ama Manek, hata fo ana da'di nai fai makabuin. Besak ia, fe atam-a loak soaneu nafa'da mangalele'do me'is ma ninitak fo Ama Manek hapun nai lelek Ama Manek sungu ndia.

HOSEA 3:5

Tehu neukose fain-na losa, leoina Israel-la fali le'us leo sila Manetualain-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu Manetualain, boema ala sipo baba'e-papalan.

MIKHA 4:1

Nai fai-fai manamaik-kala, pupukuk, fo Manetualain Uma mamanan-na, neukose napadeik natetu ma boetai namadema lena heni letek-kala ma pupukuk-kala. Leoina lala'en-na, faa beosu leo naa leu.

BILANGAN 24:14

Boema Bileam nafa'da Balak nae, “Besak ia, au sanga fali leo au leoinang u. Tehu au beita la'o fa te, malole lenak au afa'da Tuan, la'eneu hata fo, nai fai makabuin, leoina Israel-la taon soaneu Tuan leoinan.”

MATEOS 13:39

Boema musu nook fo mana sele-nggali fii sila la, nde Nitu a. Fai keketu-kokolu ka, nde Fai Mate'e ka, ma hataholi mana ketu-kolu la, nde ata nusa so'da kala.

MATEOS 17:5

Petrus bei kola-kola te, ko'a fulak bubuak esa fula elu-elu ana poti nalas, ma hala ka nananamanemek neme ko'as ndia dalek mai nae, “Ia nde Au ana susue nga. Nandaa no Au dale nga. Mamanene neun!”

MATEOS 21:38

Tehu hataholi mana'a ngga'di la lita dae lamatuak ndia ana na boema, esa kokolak no esa nae, ‘Na, manoo nuu ka, ana mai nde ia so. Tao tisan leona, fo daenga ita hapu pusaka nala!’

MATEOS 26:63

Tehu Yesus ka'da denge-denge. Boema imam matua ina natane la'iesa selu kana nae, “No Manetualain fo maso'dak ndia na'de na mafa'da fe ami, ade O nde Mane Mana Fe So'dak fo Manetualain Anan do?”

MATEOS 28:18

Boema Yesus neu nangatuuk deka nos de nafa'das nae, “Basa koasa manai nusa so'da ka ma manai daebafa ka nanafe basak neu Au so.

MATEOS 3:17

Basa ndia boema Manetualain hala na nana namanenek nae, “Au ana susue-lalai nga nde ia. Ana tao namahohoko Au dale nga.”

MARKUS 1:1

Hala Malole ia nde bee soona, la'eneu Yesus Kristus fo Manetualain Ana na.

MARKUS 12:6

Besak ia, osi lamatuak ndia ana haitua seluk see ka neu bai? Bei ela ka'da hataholin esa so, fo nde ana bongi susue na. Da'di, neu mate'e na boema, ana haitua ana susue na neu leo manaso'u bela kala neu. Ana dodoo nai dalen dale nae, ‘Tao leo bee o, neukose ala fe ha'da-holomata neu au anang ndia.’

MARKUS 12:7

Tehu manaso'u belak sila la esa nafa'da esa nae, ‘Ia nde hapu hata-heto nala, de mai fo ata taotisan leona, fo ita hapu hata-heton!’

YOHANIS 1:10

Dede'a kokola ka hapun nai daebafa ka, fo daebafa ka nananakadada'dik tunga Ndia, tehu daebafa ka ta nalela kana fa.

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

YOHANIS 1:3

Basa hata lala'e na, nananakadada'dik tunga Ndia, ma neme basa hata manada'dik lala'e na, ta hapu hata esa boen, fo ana da'di ta no Ndia fa.

YOHANIS 13:3

Yesus bubuluk basa, Ama ka fe basan koasa lala'ena so. Boeo Ana bubuluk basa, Ana mai neme Manetualain mai, ma neukose Ana fali seluk leo Manetualain neu.

YOHANIS 13:32

Metema Manetualain nananamatutua-namadedemak tunga Ana Hataholik ndia soona, Manetualain namatutua-namadedema Ana Hataholi ka, tunga Ao inana. Lena-lenak, neukose Manetualain namatutua-namadedeman no laik-laik.

YOHANIS 15:15

Au ta alo emi ae, ata so'on, ninik ata ta bubuluk lamatua na tatao-nono'in fa. Au alo emi ae tolanook, nana basa hata fo Au amanenen neme Au Amang mai a, Au afa'dan neu emi so.

YOHANIS 16:15

Ama ka nuun bee soona, Au nuung ndia. Hu ndia de, Au afa'da ae, hata fo Dula Dale ka nafa'dan neu emi soona, Ana sipon neme Au a mai.”

YOHANIS 17:2

Ama ka fen koasa fo Ana koasa basa hataholi daebafa ka lala'ena, fo ela Ana ka fe maso'da matetu ka ma manaketu basa ta ka neu basa hataholi fo Ama ka fen neu Au a.

YOHANIS 3:16

Hu ka nde Manetualain sue-lai hataholi daebafa ka, de Ana fe Ana Mane Kisa na mai, fo ba'eneu see fo namahele neun soona, ana ta mate fa, te ana hapu so'da matetu ka, ma manaketu basa ta ka.

YOHANIS 3:25

Boema Yohanis ana manatungan de'ubee, ala mulai lale'a lo hataholi Yahudi la la'eneu sasafe ao ka nakanenete nala.

YOHANIS 5:26

Sama na leo Ama ka nde maso'da ka huu na, boema Ana fe Ana na boeo, Ana da'di maso'da ka huu na.

YOHANIS 5:27

Ana fe basa Ana na hak fo naketu-nala'di, nana Anan ndia nde Ana Hataholi ka.

YOHANIS 9:29

Nana ami bubuluk, Manetualain kokolak basa no Musa so. Tehu hataholi ndia soona, ami ta bubuluk Ana mai neme bee a mai fa.”

HATAHOLI 10:36

Tolanoo kala bubuluk basa, halak fo Manetualain nanduku-nalosa kana neu leoina Israe la, isi na so. Halak ndia nde Hala Malole la'eneu mole-dame tunga Yesus Kristus, fo nde Lamatuak soaneu hataholi lala'ena.

HATAHOLI 2:17

Manetualain nae, ‘Neu fai mate'e ka te neukose Au akona Au Dula Dale nga neu basa hataholi lala'ena. Emi ana tou mala ma emi ana ina mala, neukose lafa'da emi basa dede'ak fo Au afa'da neus ala. Neukose emi hataholi muli-solu mala, lita basa dede'ak fo Au atu'du neus ala. Neukose emi hataholi lasi mala, lalame'i me'is fo Au fe neus ala.

ROMA 1:4

tehu tunga Dula Dale ka soona, Manetualain Anan Yesus Kristus ndia. Fo ta'du-tanan nde, no Manetualain koasa matuaina na de, naso'da falik neme mamate sa mai.

ROMA 8:17

Naa, metema ita ia Manetualain anan soona, ita nde hapu hata-heto nala, boema ita nde sipo baba'e-papalak fo Ana sadia basan soaneu ana nala. Neukose Kristus ba'e fe ita Ndia hata-heton boe; nana metema ita doidoso to Kristus soona, neukose ita tandela-tasa'a ton boe.

1 KORINTUS 2:7

Manatee tenok fo au kokolak ndia, nde manatee tenok fo maneme Manetualain mai a. Manatee tenok ndia, hataholi daebafa ka beita nalela kana fa, tehu Manetualain sadia basan soaneu ita mandela-masa'an nai lelek daebafak ia beita nananakadada'dik fa.

1 KORINTUS 8:6

Tehu ba'eneu ita soona, Manetualain ka'da esa. Ndia nde Amak, fo mana makadada'dik basa hata lala'ena. Fo ita taso'da soaneu Ndia. Ma Lamatuak ka'da esa boe, fo nde Yesus Kristus. Tunga Ndia de, Manetualain nakadada'dik basa hata lala'ena, ma hu ka nde Ndia boe, de ita taso'da.

GALATIA 4:4

Tehu losa fai na nandaa te, Manetualain nadenu Ana na mai leo daebafa ka mai. Inak esa naso'da nai agama hoholo-lalanen dalek, nde bongi ni'iana ndia.

EFESUS 1:10

Dale tutu'u nafufunin ndia nde, fo ela basa hata lala'ena, nau basa hata manai nusa so'da ka do manai daebafa ka, ala da'di esa, fo Kristus da'dileo malangan. Ma fai na losa soona, neukose Manetualain tao nakababasak basa dede'ak sila la.

EFESUS 3:9

ma boeo, fo ela tunga au fo, basa hataholi la bubuluk, tao leo beek de Manetualain fo mana makadada'dik lalai a no daebafa maloa ia, Ana tao-no'i dale tutu'un fo, neme makahulun eli mai a, nananafunik soaneu daebafa ka.

ULANGAN 18:15

Nasafalin-na, neukose Ana fe emi nabi esa, sama leo au, fo emi muse tungan.

ULANGAN 31:29

Au bubuluk, ae mate au soona, neukose hataholi sila-la da'di hataholi mangalauk, ma ala ta sipok hata fo, au anolin neu sila fa. Ma neu makabuin-na te, susa-soe-a tuni-ndeni nalas, nanahu ala tao-la Manetualain namanasa, nanahu ala la'olena hata fo, Ana ka'in-na.”

ULANGAN 4:30

Metema, basa soe sila-la tuni-ndeni-la emi, ma emi nai toto'a-sosotak-ka dalek, soona neukose emi fali ma'im-ma, leo emi Manetualaim-ma mai, fo emi tungan.

IBRANI 1:5

Beita la'iesa fo Manetualain nafa'da nae leondiak neu ata nusa so'dak esa boen nae, “O nde Au Ana nga; nai faik ia dale na, Au da'di O Amam.” Beita la'i esa boen, fo Manetualain nafa'da nae leo ndia la'eneu ata nusa so'dak bee boe nae, “Neukose Au da'di ndia Aman, ma neukose Ana da'di Au Anang.”

IBRANI 1:8

Tehu neu Anan ndia, Manetualain nafa'da nae, “O nde bee na Manetualain, ma neukose O paleta da'dileo Manek neme doon losa dodoo na! Neukose O nde koasa ma paleta no matetu na.

IBRANI 11:3

Hu ka nde namahehele ka, de ita talelak tae daebafa ka no lalai maloa ia, nananakadada'dik neme Manetualain hala-kokolan mai. Da'di hata fo hapu nananita ka, ana da'di neme hata fo ta hapu nita fan.

IBRANI 2:3

Muda hata no so'dak-molek matua ina, fo nanananduku-nalosak tunga hala heheluk ndia bai! Metema ita ta taoafik neu so'da-molek ndia fa soona, tao leo bee o, neukose ita ta tatapo'i teme huhukuk ndia mai fa. Nanahu Lamatua ka mesa kana nde makasososa po'a-benga so'da-molek ndia, ma hataholi fo lamanene makasososa nana, ala fe basa buti ndo na neu ita so.

IBRANI 3:6

Tehu Kristus lilineka da'dileo Anak fo nde nataa Manetualain Uma na. Ma ita ia nde Manetualain Uma na, metema ita manggate tahele ma tamahele tahele soona ita hapu hata fo ita tamahena ka.

IBRANI 4:14

Hu ndia de, ita muse ho'u tahehele neu ita manaku namahele ka. Nanahu ita tanuu Imam Matua ina esa, ba'u na seli, fo Ana masok basa losa leo Manetualain mata na neu so. Ndia nde Yesus, fo Manetualain Ana na.

IBRANI 5:8

Yesus nde bee na, Manetualain Anan, tehu leomae leondiak boeo, Ana nanoli nakatele tunga doi-doson.

IBRANI 7:28

Agama Yahudi a hoholo-lalanen so'u hataholi fo ta matetu-mandaak da'di imam matua ina. Tehu makabui na, neme hoholo-lalanek ndia mai, de Manetualain tao hehelu-balataak ninik soo-supak nae, Ana so'u Ana na da'dileo Imam Matua Ina, fo nananakadada'di basak da'di Mana Soi-tefa fo matetu-mandaak, losa dodoo na.

IBRANI 7:3

La'eneu Melkisedek ia, ta hapu tutui mangale'dok nai bee a boen, nae nanuu ina amak, do bei-ba'ik; ta hapu tutui mangale'dok boen la'eneu, bobongi na do mamate na fa. Melkisedek ia, sama leo Manetualain Anan, fo nde ana da'di imam losa dodoo na.

IBRANI 9:26

Hu ka nde metema leondiak soona, dede'ak ndia sosoa na nae, Kristus doidoso fali-fali, mulai neme daebafak ia da'di makasososa na mai so. Tehu besak ia, ita bubuluk, nai fai makabuin ia, Ana mai ka'da la'iesa, de Ana loseheni ita sala-singon, ninik Ana tunu-hotu aoina na.

1 PETRUS 1:20

Manetualain hele Kristus, te daebafak ia, nananakadada'di beitak. Ma nai faik-faik fo le'do-fai a sanga basan ia, Ana mai leo daebafa ka mai, fo daenga Ana soi-tefa na emi.

2 PETRUS 3:3

Makasososa na, emi muse bubuluk te, neu fai-fai mate'e kala te, neukose hataholi fo hihii-nanau nasa melun koasa la so'da nala, ala to'da mai,

YUDAS 1:18

Hataholi sila la, lafa'da lakahuluk emi lae, sanga losa le'do fai mate'e ka soona, neukose hapu hataholi mana hakinonoli emi a, ala to'da mai. Hataholi sila la nde, hataholi fo laso'da tunga ka'da sila hihii-nanau masala-masingo nala.