IBRANI 1:1 - Susula Malalaok Hehelu Palak Ma Hehelu Beuk

¹ Nai lelek makahulu eli, la'i ba'u ka Manetualain kokolak no ita bei ba'i kai nala tunga nabi la ninik Ana pake eno mata-mata kala.

IBRANI 1:1 Iomraidhean Croise

KEJADIAN 3:15

O ma inak ndia, neukose esa musu no esa, ma tititi-nonosin ma o tititi-nonosim, neukose esa musu no esa. Neukose tititi-nonosin, tutu lakabebelak o langam-ma, ma neukose, o kaan neu sila eitingan-nala.”

KEJADIAN 6:3

Boema Manetualain nafa'da nae, “Au ta nau hataholi daebafak-ka naso'da losa dodoon-na fa; sila mahahaek manasapu-manalalok, de muse mate. Mulai besak ia, teun-nala, neukose ta lena neme teuk 120 mai fa.”

YOEL 2:28

“Basa ndia soona, neukose mate'en-na, Au po'a Au Duladaleng-nga neu basa hataholi lala'en-na. Soona, neukose emi anatou-anainam landuku-lalosak Au hala hehelung-ngala, emi neukose emi lasi-lasim-mala hapu me'is, neukose, Au fe ninitak neu ta'eanak-anafe'oanak,

LUKAS 1:55

Manetualain ta nafandeleheni hehelu-balataan fa, Dale na malole neu Abraham ma tititi-nonosi nala, losa dodoo na.”

LUKAS 1:72

Soaneu natu'du dale malole na neu ita bei ba'ikai nala, de neukose Ana tao natetu hehelu-balataa malalaon ndia.

LUKAS 24:27

Basa boema Yesus nafa'da mangalele'dos basa hata fo nanasulak nai Susula Malaok dale la'eneu aoina na, mulai neme Musa susula nala ma basa nabi la susula na.

LUKAS 24:44

Basa ndia boema, Yesus nafa'das nae, “Dede'ak ia la nde Au afa'da basan neu emi, nai lelek Au bei sama-sama o emi a. Basa dede'ak fo nanasulak la'eneu Au nai Musa susula na, nai basa nabi la susula na, ma nai Mazmur susula na dale ka, muse ana da'di.”

YOHANIS 16:13

Tehu metema Dula Dalek fo manamafa'da ndoos soaneu Manetualai na, ana mai soona, neukose Ana hela nole emi, fo emi malelak basa eno ndoos lala'ena. Neukose Ana ta nafa'da seluk aoina na nde ndia fa, tehu nafa'da hata fo namanenen, boema neukose nafa'da emi, hata fo neukose ana da'di nai fai makabuin.

YOHANIS 7:22

Musa fe emi suna ta nakanenete na, leomae tunga ndo na, sunat ndia ana ta da'di neme Musa mai fa, tehu neme bei ba'ikai la mai, fo ndia te Musa beita. Hu ndia de, emi nau sunat hataholi nai fai Saba ta.

YOHANIS 9:29

Nana ami bubuluk, Manetualain kokolak basa no Musa so. Tehu hataholi ndia soona, ami ta bubuluk Ana mai neme bee a mai fa.”

HATAHOLI 13:32

Da'di besak ia, ami manduku-malosak Hala Malole ndia neu emi: Hata fo Manetualain helu basan neu ita bei ba'ikai nala,

HATAHOLI 2:30

Manetualain helu basa Dauk pake sosoo-susupak nae, neukose Ana so'u mane Dauk-ka tititi-nonosin esa da'di manek. Nana Dauk ia nabi ndia boe, de ana bubuluk dede'ak ndia. Hu ndia de, ana bubuluk basa hehelu-balataak sila la.

HATAHOLI 28:23

Boema basa-basas laketu la faik esa fo latongo seluk. Nai faik ndia, hataholi ba'u ka leu leo Paulus mamana leleo na neu. Neme fafain ndia losa le'donoso, Paulus nafa'da mangalele'dos ma ana tui-benga fes, halak la'eneu tao leo beek fo Manetualain paleta leo Mane ka. Paulus pake Musa ma Nabi la susula na lalane nala fo ana sanga enok, fo daenga lamahele Yesus.

HATAHOLI 3:21

Ana muse leo nai nusa so'da ka, losa Manetualain tao na basa hata lala'ena ala da'di beuk, sama leo Manetualain nafa'da basan, tunga nabi nala ndek makahulun eli.

IBRANI 11:18

Manetualain nafa'da basa neu Abraham nae, “Tunga Isak ia, de neukose o hapu tititi-nonosik, fo Au helun neu o a.”

IBRANI 11:2

Hu ka nde namahehele ka, de hataholi lele makahulu na, Manetualain dale na namahoko neus.

IBRANI 12:25

Hu ndia de, masanene'dak fo boso nalosak emi ta nau mamanene Ndia fo mana kokolak neu emi a. Sila fo ta nau lamanene Ndia fo mana maik leo daebafa ka mai, ma nanduku-nalosak halak maneme Manetualai na mai, ana ta bisa nalai fa. Mu'da hata no ita ia fo mana mamanene Ndia fo mana kokolak neme nusa so'da ka mai a. Metema ita ta nau tamanene fan soona, hapu nai bee ita bisa taladeak!

IBRANI 2:2

Ata nusa so'da kala lafa'da ita bei-ba'i kai nala hala hehelu ka, memak tete'e ka la'en, ma hataholi fo ana ta tunga do nakalala'o kana fa soona, neukose ana sipo huhukuk nandaa no tatao-nono'in.

IBRANI 2:3

Muda hata no so'dak-molek matua ina, fo nanananduku-nalosak tunga hala heheluk ndia bai! Metema ita ta taoafik neu so'da-molek ndia fa soona, tao leo bee o, neukose ita ta tatapo'i teme huhukuk ndia mai fa. Nanahu Lamatua ka mesa kana nde makasososa po'a-benga so'da-molek ndia, ma hataholi fo lamanene makasososa nana, ala fe basa buti ndo na neu ita so.

IBRANI 3:5

Musa lilineka da'dileo hataholi malalau-maoono nai Manetualain Uman ma nanduku-nalosak dede'a-dede'ak, fo neukose Manetualain nafa'dan nai fai manamai kala.

IBRANI 4:8

Metema leo uni ka Yosua fe basa hataholi sila la mamana hahae aok, fo Manetualain helu ka, soona neukose Manetualain ta kokolak seluk la'eneu fai fe'ek esa seluk so'on.

IBRANI 5:5

Leondiak boe Kristus. Ana ta so'u aon ao ina na mesa kana da'di Imam Matua ina fa. Te Manetualain mesa kana nde so'u nana. Manetualain nafa'dan nae, “O nde Au Ana nga; nai faik ia, Au da'di O Amam.”

IBRANI 9:19

Makasososa na, Musa nafa'da Manetualain paleta kasanahulu na neu hataholi Israe la. Basa ndia boema, Musa ho'i na sapi a daa na, ma bi'i hii mane a daa na, de ana sese'do kana no oe, de basa boema, ana pisin neu Manetualain Susula hoholo-lalanen, ma neu basa hataholi Israe la. Ana pisi ninik na'u esa na'de, hisop doo na, ma bi'ilopo pila balanggeo ka, bulu na.