HOSEA 8:6 - Susula Malalaok Hehelu Palak Ma Hehelu Beuk

⁶ Sapi lilopilas fo Samaria sene-do'ok ndia nde been-na, Israel tukan-nala nde tao-nana! Manetualain ta nde ndia fa, de muse tao nakalulutu kana!

HOSEA 8:6 Iomraidhean Croise

2RAJA-RAJA 23:15

Yosia boeo, ana tao nalutu mamana sene-do'ok manai Betel-la. Mane Yerobeam, fo Nebat anan-na, nde napadedeik-kana-manek fo, manataon-na hataholi Israel-la lasala-lasingo so. Boema, Yosia tao naba'e mei tunu-hotuk, fo mamana sene-do'ok ndia, de ana hotu henin, sama-sama no lamatua daebafa inak Asyera, dodoki-dudulan, neme ndia.

2RAJA-RAJA 23:19

Mane Yosia, tao natu'u basa mane-manek Israel-la, tao mamanak-kala nai basa kota-kota manai Israel-la, fo ala sene-do'ok neu lamatua daebafak-ka, fo manataon-na Manetualain da'di namanasa so. Hata fo Mane Yosia taon nai Betel-la, ana taon neu basa mei tunu-hotuk manai Israel-lala'en-na boe.

2TAWARIKH 13:8

Besak ia emi maedaenga emi hapu la'ban koasa fo Manetualain fen neu Dauk tititi-nonosin, nanahu emi solda'dum-mala makadotok ma emi manuu sapi lilopilas fo Yerobeam taos da'di emi lamatua daebafam-ma.

2TAWARIKH 31:1

Basa fata boema, basa laun-na lala'en-na leu leo kota-kota manai Yehuda, boema ala tao lakalulutuk lutu batu sosongo-tatangok ma ala hea labuu dodoki-dudulak fo lapadedeik fe lamatua daebafa Inak Asyera, ma ala tao lakalulutuk mei tutunu-hohotuk-kala ma mamana sosongo-tatangok-kala. Ala tao leondiak boe nai mamana-mamanak fe'ek manai Yehuda, boema nai Benyamin, Efraim ma Manasye nusan-na. Basa ndia boema esa-esak fali ne'un leo nusan-na neu.

YEREMIA 10:14

Hataholi daebafak-ka nita basa sila-la boema lame'da, lae ndia nggoak ma ta nanuu dudu'a-aafik fa. Basa manatao nalelak lilopilas mopo matan-nala, nana sila tao dodoki-dudulak sosongo-tatangok ndia ta te'e-te'ek fa ma hahaen ta.

YEREMIA 48:13

Neukose Moab dalen-na ba'ihana ba'eneu Kamos, fo sila lamatua daebafan-na, sama leo hataholi Israel-la dalen-nala ba'ihana ba'eneu Betel fo sila lamahenak ndia.

YEREMIA 50:2

“Tao ta'du-tana ma mafa'da basa nggileom-mala mae Babel tu'da so! Boso mafuni dede'ak ndia! Merodakh sila lamatuan-na nakalulutuk so, ma tao naba'e dodoki-dudulak hohongek-kala, no basa sosongok-tatangok nananakadadaek-ka.

HOSEA 10:2

Hataholi fo dalen-nala ta ndoos sila-la, besak ia ala muse lu'a-lepa sala-singon-nala buna-boan. Neukose Manetualain tao nakalulutuk sila mei tunu-hotun-nala, ma Ana ofe heni sila lutu batu sosongon-nala.

HOSEA 13:2

Losa besak ia, hataholi Efraim sila-la, bei tao sala-singok lahele. Ala tao dodoki-dudula lilofulak, fo ala sene-do'ok neun – dodoki-dudulak fo tunga hataholi daebafak-ka malelan-na, ma dale tutu'un-na, ma nanalulumu-eesek neme hataholi daebafak-ka liman-na mai. Lafa'da lae, “Tunu-hotu tutunu-hohotuk fe dodoki-dudulak ia-la!” Manada'di beuk, metema hataholi daebafak-ka de'i sapi ana nanadoki-dulak-ka!

HOSEA 14:3

Fali me'um-ma leo Manetualain meu leona, fo manduku-malosak hule-haladoik ia, da'di leo emi tutunu-hohotum neu Manetualain nae, “Manetualain, fe do'o do ampon neu ami sala singom lala'en-na, ma sipo-ma ami hule-haladoim ia, soona neukose ami koa-kio O, sama leo ami hala hehelum-ma.

MIKHA 1:7

Neukose Au akalulutuk dodoki-dudula kabeli inan-nala, ma neukose Au hotu heni basa ala fe bua-lo'as neu ina-inak fo lalalau-laoono nai uma sosongok-ka, boema neukose Au tao amopo-amate sosongo-tatangon lala'en-na. Bua-lo'as sila-la nde been-na, buna-baok neme sila huhule-haladoin neu lamatua daebafak fo manafe dae-oe naisi-namina. Besak ia, neukose musu ho'i neni basa sila-la, fo loke makasi neu sila lamatua daebafan-nala.”

HABAKUK 2:18

O nanasoo-supak! O mafa'da ai bibiak esa mae, “Fo'a leona!” do o mafa'da batu matua esa mae, “Mapadeik leona!” Ade, dodoki-dudulak esa, bisa nafa'da o hata esa do? Bole da'di, dodoki-dudulak ndia nananakadidita lilopilas do lilofulak, tehu ani hahaen ta. Dodoki-dudulak sosongo-tatangok-ka sosoan-na beek? Ka'da hataholi daebafak-ka lima leen ndia. Fo o hapu neme dodoki-dudulak ndia mai, ka'da masapepeko-masandandalik-ka mesak-kana. Manatao sosongo-tatangok fo ta bisa kokolak fa ndia, namahehelen-na manada'di tak.

HATAHOLI 17:29

Naa, hu ka nde ita ia Manetualain anan, de ita ta bole tafa'da tae, Manetualain sama na leo hata esa nanadoki dulak neme lilopilas, lilofulak, do ai batu fo nanadoki-dulak tunga hataholi daebafa ka malela na.

HATAHOLI 19:26

Besak ia, tolanoo kala mita ma mamanene matam, hata fo touk mana'de Paulus ndia, tao-no'in so. Ana kokolak nae, nitu lalais fo hataholi daebafa ka doki-dula kala, nitu lalais ta sila makandondook fa. Ma ana tao na hataholi makadotok lamahele nanoli na, fo ta ka'da nai Efesus ia fa, tehu hihii nae, nai basa nusa Asia lala'ena boe.