HOSEA 2:7 - Susula Malalaok Hehelu Palak Ma Hehelu Beuk

⁷ Neukose, ana usi tou susuen-nala, tehu ana ta dai fas. Neukose ana sangas, tehu ana ta hapu fas. Boema neukose nafa'da nae, ‘Neukose au fali u'ung-nga leo au saotou makasososang-nga u, nanahu au ha'da-tatao makahulung-nga, malole lena neme besak ia mai.’

HOSEA 2:7 Iomraidhean Croise

2TAWARIKH 28:23

Ana tao soe aoinan-na ma laun-na, nanahu ana fe tutunu-hohotuk neu hataholi Siria-la lamatua daebafan-nala, fo manatao kalan-nana. Ana dodoo nae, “Siria lamatua daebafan-nala tulu-fali mane-manek Siria-la so, da'di metema au fes tutunu-hohotuk soona, neukose ala tulu-fali-la au boe.”

MAZMUR 116:7

Au daleng-nga tesa-tama, nana Manetualain malole neu au.

YESAYA 30:16

Nakalenak emi sanga enok fo malai meme musu-a, nenik emi sa'e ndala, fo malai no lai-laik. Malole so! Memak, mahani te, emi muse malai! Emi maedaenga, emi ndalam ndia, nalain-na seli, te se'kona, manausik-kala, nalain-nala lai-laik lena nanseli.

YEREMIA 14:22

Leoinam-mala sosong-tatangon-nala ta hapu lakona u'dan leo daebafak-ka mai fa. Lalai-a boeo ta bisa po'a u'dan nenik koasan-na mesak-kana fa. Ka'da O nde ami mamahenak-ka. O nde tao basa sila-la ala da'di.

YEREMIA 2:2

po'a-benga halak ia neu basa hataholi manai Yerusalem-mala nae, “Hai Israel, Au afandele, o lilineka manseli, nai lelek o bei muli-solum-ma; o susue-lalaim ba'un-na seli nai lelek ita da'di manaka'bing beuk-ka. Au u leo moo solokaek-ka u, boeo o tunga o la'ok tunga dae fo, nanasele-nggali taak-ka.

YEREMIA 2:28

Emi taom-ma, emi sosongo-tatangom-mala lai bee? Metema hapu toto'a-tataak soona, madenus fo ala soi-tefa-la emi, metema ala bisa soi-tefa! Hai Yehuda, o lamatua daebafam-mala de'u o kotam-mala!

YEREMIA 2:36

No lai-laik nanseli, emi meu leo leoina fe'ek-kala lamatua daebafan-nala meu, fo moke tutulu-fafalik! Neukose tao leo bee-o, Masir taon-na emi dalem-ma ba'ihana, sama leo Asyur tao ba'ihana emi dalem-ma.

YEREMIA 3:1

Manetualain nafa'da nae, “Metema touk esa elaheni saoinan-na, boema tou fe'ek saon-na inak ndia, soona touk fo inak ndia sao elan-na, ta bole ho'i falik-kana, da'di leo saoinan fa, nana dede'ak ndia, neukose tao nalutu nusak ia. O fo Israel, o manuu susue tou-ta'ek ma ina anafe'ok makadotok nanseli so, hapu nai bee, besak ia, o nau fali ma'im-ma leo Au mai!

YEREMIA 31:18

Au amanene hataholi Israel-la lafa'da lae, henuk no dale he'dik-ka, ‘Ou Manetualain, ami sama leo bana-manu-a fo beita nakalilik na fan, tehu O manoli ami de ami mateme so, de besak ia ami mahele aon soaneu fali ma'im-ma lo O-a neu. Da'di mo falik ami ma'im-ma lo O-a neu, Ou Manetualain, fo ami Manetualaim-ma.

YEREMIA 31:32

Tehu nakeketuk ndia ta sama leo Au tao nakeketuk neu sila bei ba'ikai manamaten-nala nai lelek Au lea-nole fali kasa kalua leme Masir mai-a. Leomae Au sama leo Sao touk ba'eneu sila, tehu ala lilii-babau Au hehelu-balatang neu sila.

YEREMIA 44:17

Basa hata fo ami heluk-kala lala'en-na, neukose ami tao la'iesak-kasa boe. Neukose ami fe mahele tutunu-hohotuk neu Ina Manek nusa so'dak-ka, ma di'a angol oek da'di leo tunu-hotuk neun sama leo biasan-na nanataok neme ami bei ba'ikai manamatem-mala, neme manek-kala, neme ami mauli-malanga manapaletam-mala ma ami ia boe nai kota-kota Yehuda ma enok-enok manai Yerusalem-ma. Nai lelek ndia ami ta to'a-taa hata esa boen, te am manuu nana'a-nininu manadaik ma ami so'dam-ma natetu.

YESKIAL 16:18

O ho'i-ma, Au fe o bua papake madulak-kala, fo o pakes neu dodoki-dudulak sila. O sipo-ma, Au fe o mina setun ma boomenik-ka boema, o tunu-hotu fen neu dodoki-dudulak sila.

YESKIAL 20:32

Emi hii da'di sama leo leoina fe'ek-kala, ma laun nusa fe'ek-kala, fo ala sene-do'ok neu ai batu. Tehu emi hihii-nanaum ndia, neukose manada'di tak.’ ”

YESKIAL 23:12

Oholiba boeo, nahiik nanseli no hataholi Asyur sila-la, fo nde ta'eana mata makeek-kala leme solda'du manasa'e ndala-la mai, basa manefetoana-la, manapaleta matua-madema-la, boema solda'du manapake bua papake pila balanggeok sila-la.

YESKIAL 23:22

Manetualain Fo Mademaina, nafa'da nae, “Hai hataholi daebafak fo, manasapu-manalalok-konei, o pela-malua o tou susue-lalaim-mala so, tehu neukose Au dudungu-papaus, fo ela lamanasa o fo lakahapi-la o.

YESKIAL 23:4

Ka'ak-ka na'de, Ohola; fo nde Samaria. Fa'dik-ka na'de, Oholiba; fo nde Yerusalem. Au sao-a duas, de Au hapu anak neme duas mai.

DANIAL 4:17

Ami fo ata nusa so'dak manamanea besa-besa, ma mahehele aom-ma, nakeketun-na nde ndia. Ami dale dodoom-ma nde, fo ela basa hataholi su'di nai bee boe, ana manaku nae Manetualain Fo Mademaina nanuu koasa neu hataholi daebafak-ka nusan-na, ma Ana fe nusak ndia su'di neu see fo Ana helen, nakalenak neu hataholi fo leomae sosoa-ndandaan ta boe!’

DANIAL 4:25

Neukose Ama Manek nanausi henik neme hataholi daebafak-ka dalek mai fo maso'da nai bana-manu manai mook-kala tala'da. Nai teuk hitu dalen-na, Ama Manek na'a na'u sama-na leo sapi ma sungu nai moo maloa dale, nalosa Ama Manek nakadoe dinis. Basa ndia soona, neukose Ama Manek manaku nae Manetualain Fo Mademaina, koasa basa hataholi daebafak-ka nusan-nala, ma nusak ndia Ana fen neu see fo Ana helen.

DANIAL 4:32

Neukose o nanausi henik neme hataholi daebafak-ka dalek mai, fo o maso'da moo bana-manu nai mook-ka. Nai teuk hitu dalen-na, neukose o mu'a na'u sama leo sapi-a. Basa ndia soona, neukose o makaheik mae, Manetualain Fo Mademaina nanuu koasa neu hataholi daebafak-ka nusan-na ma nusak ndia Ana fen leo su'di see fo Ana helen.”

DANIAL 5:21

Nanausi henik neme hataholi daebafak-ka dalek mai ma dudu'a-aafin da'di sama leo bana-manu dudu'a-aafin. Naso'da no keledei fuik-kala, na'a na'u sama leo sapi-a, ma ana sungu nai moo maloa dale, de nakadoe dinis. Mate'en-na, ana manaku nae Manetualain Fo Mademaina koasa hataholi daebafak-ka nusan-na, ma Ana fe nusak ndia neu su'di see fo Ana helen.

HOSEA 1:2

Lelek Manetualain, Ana kokolak makasososan-na no leoina Israel-la tunga au, Manetualain nafa'da nae, “Hosea, sao-ma ina manasosoa-piaok esa, fo neukose o anam-mala, ala da'di sama leo ndia boe. Au anang-ngala sama leo o saoinam ndia, nanahu ala ta lilineka neu Au fa, ma ala la'oela Au so.”

HOSEA 13:6

Tehu nai lelek emi losa nusa malole-a, de emi makabete boema, emi mame'da-nana, dai so, de emi da'di manakoao-ndaeaok, boema emi mafandele heni Au.

HOSEA 14:1

Muse huku Samaria, nanahu ana lena-la'ban Au. Neukose mate laun-nala nai natee-natatik dale, ma neukose lona lisa ana beuanan-nala, ma ina kailun-nala, nanasai teik.”

HOSEA 2:16

Boema, neukose noke Au soona nae, ndia saotoun-na, te ta nde Baal so'on.

HOSEA 5:13

Leoina Israel-la, ma hataholi Yehuda-la, lame'da lita sila ha'da-tataon mangalaun-na, boema Israel neu leo Asyur neu, fo noke tutulu-fafalik neme manek matua mai. Tehu manek ndia, ta hapu tulu-fali, do tao matalolole sila ha'da-tataon fa.

HOSEA 5:15

Neukose, Au la'oela Au anang-ngala, losa doi-doson-nala dai, nanahu sala-singon-nala, boema ala mai sanga Au. Fafa'kama, nai doi-doson-nala dalek, neukose ala sanga enok, fo latongo loo Au.”